CO TYDZIYŃ PO NASZYMU: Dzisio kapke o zieliniorzu

"...Chycili sie pucowanio swojigo kościółka...". fot. FJD

Dzisio Wóm zaś poczytóm po naszymu wierz "Skibeczka chleba", Anieli Kupiec z książki "Po naszymu pieszo i na skrzidłach". fot. FJD

Szanowni internauci i miłośnicy naszej cieszyńskiej gwary: Zapraszamy Was do wystartowania w konkursie na "Najpiękniejsze Cieszyńskie Słowo". Na naszym portalu www.gazetacodzienna.pl należy kliknąć na wiadomości a potem w spisie odszukać hasło "Najpiękniejsze Cieszyńskie Słowo" i w ten sposób można zapoznać się jak wystartować w konkursie. Kupon konkursowy można też otrzymać we wszystkich bibliotekach powiatu cieszyńskiego od Istebnej po Zebrzydowice. Dlatego zachęcamy też wszystkich, którzy preferują pismo odręczne o pobranie i wypełnienie kuponów konkursowych w naszych powiatowych bibliotekach.

SZPACYRKYM PO CIESZYNIE

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydze rozumioł
to jyny wiater bydzie po naszymu szumioł"

Kuckani ani żodno żyrka

Za tym kszeftym z tymi modernymi cygaretlami mómy zieliniorza. Dzisio jak ty nasze szpitole ledwo dyszóm to isto lepszyj tam do niego wlyź i jakisi kamelki se kupić. Możne, że mo też tam insze zieliny, kiere sóm dobre na rozmajte boleści i jak tam wleziecie to wóm to isto zachwoli. Bo wiycie jako to je jak człowiek je nimocny, to czasym starczy wierzić, że sie wyzdrowi i uż to nas postawi na klepeta. Nejlepszyj jednakowóż za moc nie chlastać i nie kurzić, a bydymy zdrowsi i nie dopadnie nas kuckani ani żodno żyrka. Dalij kole klasztoru tych Mjynszych Franciszkanów je kościół do kierego mogymy se wlyź i porzykać coby nóm ty zieliny cosi pumógły. Kansi ci zakónnicy naszli abo kogosi popytali o pinióndze bo chycili sie pucowanio swojigo kościółka. Szkoda jyno, że zaś na tej płachcie co zakrywo tyn rusztónek wisi papyndekiel na kierym pisze, że na chwile mogymy se u kogosi pojczać piniyndzy. S tym pojczowanim na tóm chwile to bych wóm odradzoł i lepszyj przed tym se jedakowóż porzykać i popytać Pón Bóczka o rozum. Jak uż spadki wyndymy s tego kościółka a w kapsie bydymy mieć pore groszy to zaroz wedla je masorz, kiery razym z miynsym i wórsztym przedo nóm żymły, chlyb abo kołocze. Je to łokropnie srandowne ale isto ludzie to majóm radzi jak kołocz wónio wórsztym a chlyb szpyrkóm. Ani nie wjycie ludzie wiela skyrs tego możecie prziszporować.

A teraz zaś fajny wic:

Posłóchej Kareł, chcym moji babie dać wiyncyj swobody. - Ja? A jako to chcesz zrobić? - Na ganc ańfachowo. Poszyrzym ji kuchyń.

Mjyjcie sie wszedcy dobrze i wiesiołego popióntku.

Dzisio Wóm zaś poczytóm po naszymu wierz "Skibeczka chleba", Anieli Kupiec z książki "Po naszymu pieszo i na skrzidłach".