, niedziela 8 grudnia 2019
CO TYDZIYŃ PO NASZYMU: To uż je łostani kszeft i bydymy sie musieli wrócić ku rynku
"Dzisio eszcze kapke o tym łostatnim sklepie jarzinowym przed skryntym...". fot: FJD



Dodaj do Facebook

CO TYDZIYŃ PO NASZYMU: To uż je łostani kszeft i bydymy sie musieli wrócić ku rynku

F.J.Dral
CO TYDZIYŃ PO NASZYMU: To uż je łostani kszeft i bydymy sie musieli wrócić ku rynku

"...marekwia, keleruby, zimioki i cebula je z certyfikatami...". fot. FJD


CO TYDZIYŃ PO NASZYMU: To uż je łostani kszeft i bydymy sie musieli wrócić ku rynku

Dzisio Wóm zaś poczytóm po naszymu opowiadanie "Opowiadała mi mama", Władysława Wrany z książki "Prowdziwe starzikowe opowiadania". fot. FJD

"Gdo sie za swój jynzyk wstydzi takim niech sie każdy brzidzi".

SZPACYRKYM PO CIESZYNIE

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydze rozumioł
to jyny wiater bydzie po naszymu szumioł"

Tramwaj też scypnył

Dzisio eszcze kapke o tym łosatnim sklepie jarzinowym przed skryntym na Plac Kościelny. Łóni majóm tam na dwiyrzach napisane, że wszecko to co je u nich ekologiczne dejmy na to marekwia, keleruby, zimioki i cebula je z certyfikatami. Myślym se, że na tyn certyfikat to nima tak leko prziś, bo jak sie podziwómy na wajca to sztymple sóm na szupkach a na zimiokach i marekwi to sie tak nie do. Eszcze jak by to mieli zaplómbowane w pytlu to ja, ale jak to je nasute do kiśniczki to nie idzie prziś kaj je tyn certyfikat. Wlozłech tam do postrzodka ale ani na zimiokach ani na marekwi nie widziołech żodnych sztympli ani gwaryncyji. Tak, że ludzie isto nie zachycóm kiere ty zimioki sóm ekologiczne a kiere były posute prószkami. Dóm im uż raczyj pokuj i przelezym na drugóm stróne cesty. Kiejsi aji tyndy jeździł cieszyński tramwaj ale było to hań downij eszcze za Franza-Jozefa. Ale we dewatnostym roku miniónego stulecio móndrzi tego świata sie dorzóndzili we Wersalu, że Ziymie Cieszyńskóm podzielóm na poły i borok tramwaj też scypnył. A szkoda bo dzisio byłby artykcyjóm do letnikorzy tak jak to je w Lizbónie abo we San Francisco. Jednego jyno ni mogym wyrozumieć czymu łobie ty chałupy vis a vis na tym skrziżowaniu sóm tak zapuszczóne a fara ewangelicko ś nimi nic nie robi.

A teraz zaś fajny wic:

- Ciotko przinósłech wóm fajny bónbón. - Ja to to pieknie Józiku z twoji stróny. - Ciotka biere tyn bónbón do gymby i chwoli jaki je dobry. Na to Józek: - Nie rozumiym czymu wóm tyn bónbón tak szmakuje a nasz Burek go oślimtoł i wypluł.

Mjyjcie sie wszedcy dobrze i wiesiołego popióntku.

Dzisio Wóm zaś poczytóm po naszymu opowiadanie "Opowiadała mi mama", Władysława Wrany z książki "Prowdziwe starzikowe opowiadania".

Komentarze: (5)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Jura! Że też ty musisz wszyndzi ty swoji dwa grejcary wcisnóć... Ale se możesz by isty, że jak se kiery, to twoji pisani poczyto, tak zaroz przidzie na to, żeś nima stela.

nasi politycy łopowiadajóm o szansach turystyki ale chybio im odwagi i wyobrqaźni - przywrócić tramwaj, to by było to - ale to sóm boroki mocni yny na gymbie i nie stać ich na taki ruch!

tuż, jo wóm napiszym, że to je najlepszy warzywniok w Cieszynie - chętnie tam kupujym, óni tam majóm nojlepsze warzywa i owoce, często majóm taki towar, co inksi nie majóm, np ekstrakt z sosen, porastających góry Rodopy, tuż jasne,że nie do sie mieć wszystkigo, co nie ma na prószku, ale je tam wiele zdrowego jedzynio, óni sie bardzo starajóm -najbardzij lubiym tak kupować i we środe abo w sobote, na targowisku...

Witojcie Panoczku Dral!.Downo mnie tukej nie było,toż teroski cosi wom powiym .Znom tyn sklep bo kiesi w nim sprzedowała moja śp. siostra. Z tom ekologijom to bym prawił kapke inaczyj, bo to bazgrzom ,że to je zdrowe je inaczyj,bo jak gazda prawiom jak dosz to poznosz a jak nie dosz też poznosz.Dziśka te nasiona som taki ,że jak proszki nie dosz to nie urosnom, a to co prawiom to yno ludziom myntlik w czepani robiom. Tyn co mo konsek pola to wiy ,że musi fest pognoić a i kapke proszku dać, aby cosi urosło.

Jakie "bydymy sie musieli wrócić ku rynku" ???
A druga strona Wyższej Bramy? Panie!

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama