CO TYDZIYŃ PO NASZYMU: Isto latoś ta wiosna przidzie warciejszyj "... chlyb prziwożajóm aż z Białowieży". fot. FJD  Dzisio Wóm zaś poczytóm po naszymu opowiadanie "O złym człowieku na Lemantówce", Władysława Wrana z książki "Prowdziwe starzikowe opowiadania". fot. FJD być zawsze do prawjynio gotowo a jak cie uż żodyn nie bydze rozumioł to jyny wiater bydzie po naszymu szumioł" Kapke tyn czas w tym tydniu je podobny do kwietniowego bo roz popaduje a zaś po tym wartko świyci słóńce. Wiela uż nóm nie zustało do kóńca tej prawej stróny Wyższej Bramy i ci kierzi mie upóminali żeby przynś na drugóm stróne snadno uż sie doczkajóm. Za kszeftym Pana Pieczónki zeszły tydziyń odewrzity zustoł nowy kszeft z babskóm oblyczkóm bo isto w cyntrum je ich za mało. Je łón ganc wedla przistanku autobusowego i mo wielkóm szanse na babski zozdrzici ale jyno jak autobus wypadnie z rozkładu. Podle tego wiela je tych "lajbikowych" kszeftów w naszym mieście to idzie se wszymnóć, że tuplowanie baby by chłopów w Cieszynie czopkami prziciepały. Jak pokroczymy pore metrów dalij to trefiymy na sklep z jedzynim ale o tak przeogrómnej ofercie, że drugigo takigo w mieście nie nóndymy. Dwiyrze i auslage majóm oblepióne wszelijakóm reklamóm z kierej sie mogymy dowiedzieć, że zimioki w pytlu sóm po siedym a chlyb prziwożajóm aż z Białowieży. Poniżyj na dwiyrzach kierymi sie wlazuje do postrzodka je zachwolóny sok na wszelijaki choroby ale nejważniejsze je ta chłopsko nimoc kiero je spómniano na samym kóńcu. Tak chłopi nie dejcie sie dłógo pytać bo za chwile go chybi i dalij paniczki nie bydóm mógły na was rachować w błeszoku. A teraz zaś fajny wic: W zugu siedzi na ławce jakisi synek, kierymu wisi z nosa snopel. Starszy pieknie obleczóny panoczek prawi do niego: - Ty mały ni mosz sznuptychle do nosa? - Móm - prawi synek - ale wóm ji nie pojczóm. Mjyjcie sie wszedcy dobrze i wiesiołego popióntku. Dzisio Wóm zaś poczytóm po naszymu opowiadanie "O złym człowieku na Lemantówce", Władysława Wrana z książki "Prowdziwe starzikowe opowiadania".
|
reklama
|
|||||||||||||||
|
hej, dlaczego nie mogę się do Ciebie dodzwonić, mam pilną wiadomość:-) pozdrawiam.
A jo bych to napisoł tak: Przijechoł mój znómy i poszli my szpacyrym na rynek zrobić pore fotek. Łón chcioł wyfocić lauby od postrzodka, ale sie mu to niepodarziło bo ty płachty z reklamami, co wiszóm pod powałym, wszystko zasłaniajóm.
Panie Sten !
Nie gniywajóm sie ale jo bych to napisoł tak:"Przijechoł mój znómy i poszlimy na szpacyr ku rynku zrobić pore zdjynć.Łón chcioł zrobić laubóm zdjynci od postrzodka ale sie mu to nie podarziło,bo ty płachty z reklamami co wiszóm na powale ganc mu zawadzały .
Może sie pobawiymy i eszcze insi sprubujóm inakszyj to napisać.
Przijechoł mój kamrat i na szpacyrze chcioł zrobjć zdjyńci rynkowym laubom łod środka. i zostołeh w gańbie bo mu żodne zdjjyńci nie wyszło skuli wiszących płacht co powoł słónią.
już czuć tóm wiosne ale isto należało by powiedzieć, że to je przedwiośni, jo już tynskniym za ciepłym czasym - myślym se, jak to pojadym do znajomych w Trójwsi bo jo bardzo lubiym tyn kónsek beskidzkij ziymeczki, a ganc sie radujym, jak słyszym ich cudownóm mowe,co je snoci staro, że aż od Mikołaja Reja mo korzyni - jak widzym te zdjyncia a na nich zaniedbane budynki,to je mi smutno, nasze miasto mogłoby być piekniejsze, jak by jakosi bardzij po gospodarsku ludzie myśleli...mieszkańcy a nie tylko władza bo samo nie do se rady...
Dodaj komentarz