CO TYDZIYŃ PO NASZYMU: Mómy ostude s tym szyldym na poczcie

"...spodek miała brunotny a u wyrchu była pomarańczowo.". fot. FJD

Dzisio Wóm zaś poczytóm po naszymu wierz "W Lesie", Anieli Kupiec z książki "Po naszymu pieszo i na skrzidłach". fot. FJD

Szanowni internauci i miłośnicy naszej cieszyńskiej gwary: Zapraszamy Was do wystartowania w konkursie na "Najpiękniejsze Cieszyńskie Słowo". Na naszym portalu www.gazetacodzienna.pl należy kliknąć na wiadomości a potem w spisie odszukać hasło "Najpiękniejsze Cieszyńskie Słowo" i w ten sposób można zapoznać się jak wystartować w konkursie. Kupon konkursowy można też otrzymać we wszystkich bibliotekach powiatu cieszyńskiego od Istebnej po Zebrzydowice. Dlatego zachęcamy też wszystkich, którzy preferują pismo odręczne o pobranie i wypełnienie kuponów konkursowych w naszych powiatowych bibliotekach.

cd. słownika:

Amolet - naleśnik
Dzisio bydym mioł na obid omotety

Amper - wiadro
Amprym nabiyróm wode s potoka

Fórt sóm my eszcze na tej Szyroki co uż ji dzisio to wubec nie pasuje bo miejscami je tak wónsko, że ledwie sie tam przeciskujóm wiynksze auciska. Zeszły tydziyń bylimy przy tej gospodzie, kiero pore roków tymu dowała ucieche naszym chłopóm i teraz pujdymy dalij. Dwie auslagi kiere tam eszcze sie obstoły namowiajóm nas do zapłacynio wszeckigo tego co trzeja każdy miesiónc z kapsy wyszkrobać, ale też do kupiynio telewizora na borg. Srandowne je to, że przi tym telewizorze je przrażóno kartka, kiero nóm wmowio zadowolyni z tego utracynio piniyndzy jak se go kupiymy. Teraz mómy taki czasy, że poradzóm nóm wszecko wmówić aji to, że jak utracymy pinióndze to bydymy zadowolóni. Kapke dalij jak pokroczymy znóndymy sie przi poczcie ale wiedzóm to jyno Cieszyniocy bo letnicy, kierzi tu do nas przijadóm muszóm sie dziepiyro wszeckich na kogo trefióm pytać kaj je poczta w Cieszynie. Piynć roków tymu jak jóm opucowali to stracił sie kansi tyn wielki szyld POCZTA i do dzisia nima pana coby go powiesić. To opucowani nie przidało naszej poczcie żodnej urody bo teraz je jakosi blado i tym tuplym jak nima tego szyldu żodyn cudzy kiery stanie kole "Floriana" nie wiy kaj wciepnóć napisanóm kartke z Cieszyna. Nie wiym czy eszcze pamiyntocie jakóm barwóm była opucowano ta naszo poczta, bo jo wiym, że spodek miała brunotny a u wyrchu była pomarańczowo.

A teraz zaś fajny wic:

- Panie dochtorze móm 60 roków, móm kapke prziszporowanych piniyndzy i móm rod takóm pieknóm dwacatke. Powiydzcie mi jako jóm móm namówić coby sie za mie wydała? - To przeca je ganc ańfach powiydzcie ji, że mocie 80 roków.

Mjyjcie sie wszedcy dobrze i wiesiołego popióntku.

Dzisio Wóm zaś poczytóm po naszymu wierz "W Lesie", Anieli Kupiec z książki "Po naszymu pieszo i na skrzidłach".