CO TYDZIYŃ PO NASZYMU: Łoczy idzie se popsuć na bele czym ...je chłop w jakisikej modnych brylach...  ...wieca ze strzybła,złota i eszcze inkszego zielaza...  ...prziś s całóm familijóm... Latoś eszcze bydzie co łoglóndać na tej Głymboki, ale jak odewrzóm te nowóm galeryje STELA, to wszedcy kszefciorze isto sie wartko tam przekludzóm. Możne, że tyn kszeft s brylami łod Morawców na tej Głymboki sie udzierży, bo łón uż tam egzystuje przeszło siedymdziesiónt roków. A eszcze teraz jak majóm za auslagóm wywieszónóm kartke s informacyjóm ło tym, że idzie tam do nich prziś s całóm familijóm, to dziepro bydzie mioł kszeft. Jako to funguje tego nie wiym, ale możne rozchodzi sie ło to, że bryle łod mamy przipasuje se cera, a łod fotra chłapiec. Bo przeca w rodzinie je zawsze wszecko jednaki i dziecka mogóm mieć w łoczach ty same felery co jejich łojcowie. Dzisio, jak uż każdy snopel dziwo sie dziynnie pore godzin na ty małe litery w komputrze i telefónie to żodym nie pocióngnie bez bryli do starości. Tymu też w Cieszynie ni ma ulice na kierej by nie były ze dwa kszefty s brylami, bo psuci łoczy idzie dzisio u wszeckich snadno. Za auslagóm majom tam eszcze jedno wielki chwolidło na kierym je chłop w jakisikej modnych brylach, a wedla niego pisze, że soczewki kontaktowe to sóm jakisi wyjątkowe wieca. Widać s tego, że chłop musioł se na czymsi popsuć fest swoji łoczy i teraz mo na nich bryle i soczewki. Kónsek dalij idzie trefić na kszeft w kierym przedujóm i sprawujóm wieca ze strzybła, złota i eszcze z inkszego zielaza, kiere nie zardzowi. Do niego chodzóm isto chłopi jak wyczytajóm w kalyndorzu, że jejich paniczka bydzie miała za pore dni miano abo geburstag. Tym padym trzeja cosi mieć w podstólku, coby gupie nie wyglóndać jak paniczka sie kapnie, że akurat mo dzisio miano. Mini słownik: Tóż miyjcie sie wszedcy dobrze i wiesiołego popióntku
|
reklama
|
|||||||||||||||
|
Dodaj komentarz