CO TYDZIYŃ PO NASZYMU : Jak sie wlezie do kszeftu to próznóm szrajtofle mo sie roz dwa. ...miana “Jass i Modegal...  ...mianuje sie “dragon”...  ...kartki przilepił za auslagóm... być zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" Przeca nóm sie cosi na Głymboki trefiło co idzie poczytać po polsku, a je to Kasa Stefczyka. Je łóna tam uż moc roków, bo isto dowo tustelokóm dobre procynta łod jejich pinindzy, kiere tam u ni niechali. Możne też tymu, że za tóm auzlagóm majóm moc zielónego, a w jednym łoknie aji wrażóno je kiśnia do wydwanio piniyndzy. Kapke dalij u zaś je kszeft, kiery uż nie wydzierżoł i musioł wszecko co mo na szyldzie i za dwiyrzami tak napisać, coby żodyn nic s tego nie rozumioł. Sie mi zdo, że je to tak naswol zrobióne, coby każdy zwiedawy tam wloz do postrzodka, a po tym dziepro zustoł zguszóny wiecami, kiere tam uwidzi. I nie myście se, że miana “Jass” i “Modegal”, kiere tam idzie uwidzieć to som jakisi zagramaniczne.Sóm to polski firmy, kiere se isto myśłóm, że jak napiszóm za auslagóm takimi literami co mało gdo wiy ku czymu to przirazić, to dwiyrze w jejich kszeftach nie bydóm sie zawiyrać. Po polsku napisano je yno nejmjynszo tabulka na kierej pisze “przecyna 50%”. Dwiyrze dalij je kszeft, kiery isto sbankrucił, bo kartki, kiere przilepił za auslagóm ło tym nóm prawióm.Możne, że jednakowóż sie kansi przekludzo, abo uż sie rychtuje swoji wieca, coby być piyrszym w tej nowej galeryji “STELA”. Nie bardzo rozumiym za jakóm współprace dziynkuje swojim klijyntóm, bo przeca kupowani, a raczyj niechowani tam piniyndzy ze żodnóm współpracóm nimo nic społecznego, a raczyj yno s wypróżnianim swojich szrajtofli. Coby jednakowóż żodyn go nie minył to napisoł na szyldzie, że“dragónym” sie mianuje, ganc tak samo jak wojok, kiery kiejsi rajtowoł na kóniu. Mini Słownik: Tóż miyjcie sie wszedcy dobrze i wiesiołego popióntku
|
reklama
|
|||||||||||||||
|
Zakamuflowana opcja niemiecka
Dodaj komentarz