CO TYDZIYŃ PO NASZYMU: Kszefcyni łoknami i delinami też sie kiejsi skóńczy”...trzeja podziwać sie na jejich auslage...”. fot. FJD ”...chwolidła łod jakigosi FAKRO...”. fot. FJD być zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym. Latoś bydymy dalij szpacyrować i dziwać sie na ty rozmajte dziwy kierych je cało kupa na cieszyńskich cestach. Jak se kiery zapómniół żech obiecoł łóńskigo roku, że dzisio zacznymy łod kszeftu kiery mo jakisi tuplowane miano to niech se to spómni. Piyrsze miano WIK mo yno trzi litery i przirażóne je do ściany s wyrchu na dół jako nomery na amerykąńskich chałupach, a drugi je leżmo i mo nimiecki szryft Ruck Zuck. Ani jedno ani drugi nie wyoślo nóm ło co sie rozchodzi i trzeja podziwać sie na jejich auslage, abo wlyś do postrzodka, coby zachycić za co idzie u nich niechać pinióndze. Do postrzodka żech nie wloz, bo eszcze mieli zawrzite, ale s daleka widać, że przedujóm deski na deliny i rozmajte dwiyrze. W Cieszynie mómy tela tych kszeftów co przedujóm ty deliny, że tustelocy uż isto ze dwa razy zwekslowali swoji dłaszki i dzisio kszefciorze mogóm yno rachować na Zaolzioków. Na rok jak wystawióm w Boguszowicach nowóm CASTORAME to możne, że bratrzi Czesi uż nie dojadóm do tego WIKA, bo to bydzie dlo nich łod rynki i łóni bydóm musieli zacznóć czymsi inszym kszefcić. Isto uż ło tym rozmyślajóm, bo na płocie majóm chwolidła łod jakigosi FAKRO, kiery robi łokna. S łoknami to bydzie kapke gorszy kszeft, bo łóne sie tak wartko nie psujóm jako deliny i mogóm wydzierżeć aji sto roków. Taki mómy czasy, że niekiere wieca poradzom nas przeżyć a zaś inksze dejmy nato tako oblyczka zedrze sie roz dwa. I byj tu człowiecze móndry czym kszefcić w naszym Cieszynie kiej co chwila moda sie zmiynio a piniyndzy nie przibywo. Nejlepszyj jednakowóż kszeft idzie masorzóm i piekorzóm, bo jeś trzeja dziynnie, a ku tymu żyć każdy chciołby nejdejlił i jak sie yno do to możne aji sto roków. Mini słownik: Miyjcie sie wszedcy dobrze i wiesiołego popióntku! Dzisiejszy tekst ma tytuł "Tuplowane miano".
|
reklama
|
Dodaj komentarz