, środa 27 stycznia 2021
CO TYDZIYŃ PO NASZYMU: Czy przidzie kiedy taki czas, że chybi placu na stawiani nowych kszeftów?
Tak rozmyślóm nad tym, jako sie to kiejsi cieszyniokóm podarziło przeżyć, skoro kszeftów s jedzynim było z dziesiyńć razy mjynij niż je teraz.  fot: FJD



Dodaj do Facebook

CO TYDZIYŃ PO NASZYMU: Czy przidzie kiedy taki czas, że chybi placu na stawiani nowych kszeftów?

FJD
CO TYDZIYŃ PO NASZYMU: Czy przidzie kiedy taki czas, że chybi placu na stawiani nowych kszeftów?

”...Zahoczyć eszcze ło jakisi NETTO...”. fot. FJD

Szpacyrkym po Cieszynie
“Gdo sie za swój jynzyk wstydzi takim nich sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Byli szporobliwi

Tak rozmyślóm nad tym, jako sie to kiejsi cieszyniokóm podarziło przeżyć, skoro kszeftów s jedzynim było z dziesiyńć razy mjynij niż je teraz. A przeca było nas o porem tysiyncy wiyncyj niż je dzisio i jakosi żodyn głodny nie chodził. Fórt w Cieszynie otwiyrane sóm nowe kszefty, bo isto ludzióm przibyło piniyndzy w szrajtoflach s kierymi do nich lecóm. Moc ludzi traci robotem i nie wiym jako to robióm, że piniyndzy fórt im nadbywo. Możne, że jadóm na pojczkach, abo kiejsi byli szporobliwi i dzisio mogóm sióngać głybij do swojich kapsów. Zdało by sie, że we wszeckich kszeftach s jedzynim je ganc to same, ale to isto ni ma prowda, bo nasze paniczki dziynnie idzie uwidzieć w poru kszeftach. Chłopóm to je wszecko jedno, bo mało kiery poradzi sie kapnóć, jako szmakuje chlyb s Lidla, a jako s Kaflandu. To ni ma wszecko s tym kupowanim, bo moc razy idzie trefić kansi na takóm samóm wiec, kiero je łacniejszo i worce skyrs tego przeszmatłać sie tych porem ulic dalij, coby w kapsie zustało pore groszy wiyncyj. Na to szmatłani isto trzeja se bydzie wiyncyj czasu rezerwnóć, bo u zaś łod zeszłego tydnia, nasze paniczki bydóm musiały zahoczyć ło eszcze jakisi NETTO i ACTION. Ta gónitwa po tych wszeckich kszeftach, je dobro teraz w tym czasie, jak ci móndrocy s Warszawy kozali zawrzić wszecki fitness sztudia i tustelokóm zustało sie yno gimnastykować na cieszyńskich cestach. Uż to widzym jak paniczki bydóm miyndzy sebóm dowały sie do rzeczy ło tym, kaj dzisio cosi je łacniejsze i worce tam lecieć s taszkami pełnymi piniyndzy.

Mini słownik gwary cieszyńskiej:

podarziło - udało, kszeft - sklep, fórt - ciągle, szrajtofel - portmonetka, pojczka - pożyczka, szporobliwi - oszczędni, kapsa - kieszeń, ganc - całkiem, kiejsi - kiedyś, kiery - który, sie kapnóć - się zorientować, kansi - gdzieś, łacniejsze - tańsze, przeszmatłać - przespacerować, zawrzić - zamknąć, cesta - droga, do rzeczy - do rozmowy, kaj - gdzie, taszka - torba, worce - warto.

Tóż miyjcie sie wszedcy dobrze i wiesiołego popióntku.

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama