, czwartek 28 marca 2024
CO TYDZIYŃ PO NASZYMU: Łostuda s opadnónymi liściami je każdego roku tako samo
Ani my sie bardzo nie obezdrzili, a uż ku nóm prziszła jesiyń tak jak każdego roku przichodzi. Idzie to uwidzieć po liściach, kierych je wszyndzi pełno na cestach.  fot: FJD



Dodaj do Facebook

CO TYDZIYŃ PO NASZYMU: Łostuda s opadnónymi liściami je każdego roku tako samo

FJD
Szpacyrkym po Cieszynie
“Gdo sie za swój jynzyk wstydzi takim nich sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Zielóne jegły

Ani my sie bardzo nie obezdrzili, a uż ku nóm prziszła jesiyń tak jak każdego roku przichodzi. Idzie to uwidzieć po liściach, kierych je wszyndzi pełno na cestach. Tak rozmyślóm, kiery fórt w naszym mieście je taki uwziynty i sadzi strómy, kiere majóm na sobie tak moc liści. Hańdownij taki stromy rosły jyno w lesie i jak na jesiyń listki ś nich opadły, to nieskorzij skrymiały, bo chroboki i grziby przeca też s czegosi żyć muszóm. W mieście je s tym każdego roku yno łostuda, bo tak naprowde żodyn nie wiy co dalij s tymi iściami zrobić. Jedni to śmiatajóm do takich wielkich pytli i nieskorzij kansi to wywożóm. Sóm też tacy co majóm przez pleca przeweszóne taki duchaczki i ty liści s każdej cesty zduchujóm do przikopy. Je przi tym tela krawalu, że jak sie wedla nich stanie to nie idzie ani ze sebóm porzóndzić. Ty duchaczki majóm motory na bynzine, kiero jak sie dostanie do motora, to nieskorzij przez auspuf wyciepuje do luftu smerdzóncy dym. To je zaś jedna wiec, kiero zdrowio nóm nie przidowo i jakosi każdego roku żodyn to ni mo we starości. Tak rozmyślóm nad tym, czy rotuzowe urzyndnki nie wiedzóm ło tym, że u nas idzie do ziymi wstyrczyć też strómy kiere majóm zielóne jegły i na jesiyń miasto ni miałoby żodnej łostudy ze skludzanim liści. Przeca u nas w na gorach rosnóm smreki, jedle cisy, sosny i brzimy, kiere uż kapke odrośnióne idzie isto łacno dostać. Możne, że kierysi to porachwoł i prziszeł na to, że ty strómy s liściami dowajóm ludzióm wiyncyj czystego luftu niż ty s jegłami.

Mini słownik gwary cieszyńskiej:

obezdrzili - obejrzeli, uwidzieć - zobaczyć, cesta - droga, fórt - ciągle, strómy - drzewa, hańdownij - dawniej, nieskorzij - później, skrymbiały - zbutwiały, łostuda - kłopot, pytel - worek, kansi - gdzieś, przikopa - rów, krawal - hałas, wedla - obok, porzóndzić - porozmawiać, auspuf - rura wydechowa, luft - powietrze, wiec - rzecz, skludzanie - sprzątanie, jedle - jodły, brzimy - modrzewie, łacno - tanio, prziszeł na to - wpadł na pomysł, jegła - igła.

Tóż miyjcie sie wszedcy dobrze i wiesiołego popióntku.

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama