, wtorek 18 stycznia 2022
CO TYDZIYŃ PO NASZYMU: Czy ludzie zacznóm se wożyć ty wieca z kierymi uż żyjóm dłógi roki?
Dzisio bydzie kapke o rozmajtym caparcie, ździorbach, hobach, harapuciu i charmynziu. To sóm wszecko wieca, kiere uż ludzióm nie sóm przidajne, bo abo przestały fungować, abo uż sóm tak zmazane, że sie nie do ich wypucować, abo uż nie sóm modne. fot: FJD



Dodaj do Facebook

CO TYDZIYŃ PO NASZYMU: Czy ludzie zacznóm se wożyć ty wieca z kierymi uż żyjóm dłógi roki?

FJD
CO TYDZIYŃ PO NASZYMU: Czy ludzie zacznóm se wożyć ty wieca z kierymi uż żyjóm dłógi roki?

”...Wciepowany je do jednej kiśni...”. fot. FJD

Szpacyrkym po Cieszynie
“Gdo sie za swój jynzyk wstydzi takim nich sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie tóm biołóm szczałke w tej czyrwiónej kostce, kieróm nóńdziecie pod spodkym”.

Inszóm kiśnie

Dzisio bydzie kapke o rozmajtym caparcie, ździorbach, hobach, harapuciu i charmynziu. To sóm wszecko wieca, kiere uż ludzióm nie sóm przidajne, bo abo przestały fungować, abo uż sóm tak zmazane, że sie nie do ich wypucować, abo uż nie sóm modne. Podziwejcie sie ludzie do czego my uż dzisio doszli, że każdy capart i rozmajte hoba potrzebujóm inszej kiśni, abo inszego placu. Na papiór i papyndekiel je inszo, na zielazo inszo, na szklane wieca inszo, na plastik inszo i aji na rozmajte niedojedzóne wieca też inszo. Spółniołech se, że eszcze na rozmajtóm oblyczke też je inszo, bo łóna je kansi nieskorzij prano i w kszeftach przedowano. Wszecko by to było dobre, ale moc ludzi je uż takich co nie poradzi czytać, bo downo skóńczyła szkołem, a dzisio dziwo sie yno na telewizor, abo posłócho radyja. I skyrs tego analfabetyzmu dziynnie idzie uwidzieć, że cały tyn capart kiery uż żodyn nie potrzebuje wciepowany je do jednej kiśni w kierej lekciyj mogóm cosi wychledać rozmajci babrocy. Jako to kiejsi było, że ludzie ni mieli potrzeby nic nie wyciepować i poradzili żyć dłógi roki s tymi samymi ździorbami we swojich kwartyrach, tego nie wiym, ale tak było. Kiejsi wszecko było sprawowane tak dłógo jak sie yno dało, a nieskorzij jak to było drzewiane, to zustało pocipkane na gnotku i chyniónne pod blache. A insze wielki zieleźne wieca zbiyrali złómiorze i żodne charapuci żodnymu sie kole chałupy nie plyntało. Wszeckim sie zdo, że sóm my coroz móndrzejsi, a to ni ma do kóńca prowda, bo eszcze nie tak downo żodyn szklanej flaszki by nie wyciepoł yno umytóm zaniós do skupu. To samo było ze zielazym i papiórym, kiery też dycki szło przedać i mieć za to porem groszy.

Mini słownik gwary cieszyńskiej:

capart - mało potrzebne rzeczy, ździorba - nieużywana rzecz/grat, hobo - niepotrzebny grat, harapuci - rupiecie, charmynzi - chrust, gałęzie, przidajne - potrzebne, zmazane - brudne, podziwejcie sie - popatrzcie się, kiśnia - skrzynia, papyndekiel - karton, wieca - rzeczy, oblyczka - ubiory, kansi - gdzieś, kszeft - sklep, wyciepowany - wyrzucany, poradzili - potrafili, wychledać - wyszukać, kwartyr - mieszkanie, pod blache - do pieca, nieskorzij - później sprawowane - naprawiane, pociupkane - porąbane, gnotek - pieniek, dycki - zawsze, przedać - sprzedać.

Tóż miyjcie sie wszedcy dobrze i wiesiołego popióntku.

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama