Co tydziyń po naszymu: Anatomia Cieszynioka
Spróbujmy poświęcić trochę uwagi ciału Cieszynioka i Cieszynioczki, dlatego że z języka współczesnej rzeczy uciykło uż moc fajnych określyń. My wprowdzie ni mómy inszej budowy ciała niż Polocy, Czesi czy Niymcy, ale je ganc inaczyj po naszymu nazywómy. I tak:
Brzuch - bachórz Czoło - dekiel Jelita - bebechy Kręgosłup - krziże Kości - gnaty,giczoły Łysina - glaca Migdałki - mandle Muskuły - muskle Nogi - klepety Nos - kichol Odcisk - plynskiyrz Oko - łoko Pachy - parze Pupa - rzić Pęcherz - pacharzina Płuca - pluca Rana - bolok Ręce - rynce Stopy - szłapy Szyja - kark Twarz - gymba Uda - kita Usta - jadaczka Wąsy- fusy Włosy - kudły żebra - ziobra Łostatnio żodyn z Was nic nie napisoł o Waszych dochtorach, joko Was lyczóm. Tak se myślym, że wszedcy sóm fest zadowolóni ze swojich dochtorów abo sie bojóm napisać prowdy, żeby se nie narobić łostudy. Tak se to eszcze roz rozwożcie i nie mjyjcie stracha. Jo przeca tego żodnymu nie powjym. Poza tym jak se eszcze spómnicie jako sie we Waszych chałupach rzóndziło ło inszych czynściach cieszyńskigo ciała, to też napiszcie. Dokucznikóm nie bydym dzisio nic odpisowoł, bo to je darymne. Chciołbych Wóm jednakowóż powiedzić, że nasz kóncik zostoł odewrzity po to, aby se przipominać naszóm rzecz, a nie po to, aby se dokuczać. Tak sie czasym miarkujcie, a jak uż ni możecie czegosi zdzierżeć, to piszcie to PO NASZYMU ! Łostatnio fajnie napisoł STELOK 2011-05-22 Je jasne jak facka, że wszycko terminologija (techniczno i administracyjno) czerpała piyrwiyj z niymczyzny. Podstawowo, charakterystyczno partykuła "ja" by musiała tak samo wadzić, a jakosi sie żodyn nie ozwoł. Sóm ludzie, kierzi se myślóm, że naszo rzecz je za mało polsko i na siłe z nij wyciepujóm wszecki germanizmy czy czechizmy, jako by ji to miało zapewnić lepszy status, ale psińco. Nie do sie lustrować jynzyka wg jakichsi pseudopolitycznych czy emocyjonalnych kryteryjów. Nimiecki słowa sóm u nas naturalne i nijako nie zmiyniajóm słowiańskigo charakteru naszej godki. Samo literacko polszczyzna przejyła z niymczyzny kole 3 tyś. słówek. Szpacyrkiem po Cieszynie, DZ w Cieszynie 27.05.2011 F.J. Dral czyta opowiadanie Karola Piegzy "Bernat Holeksa chce żyć"
|
reklama
|
|
W liczbie mnogiej by miały być "klepeta" a "paże", bo nie od parzynio pochodzóm, chocioż sie mogóm przi dzisiejszych hycach zaparzić, a od pazuchów. To je włośnie jedyn ze znaków odumiyranio ślónskocieszyński rzeczy, kiej sie na polski strónie przestowo w mowie odróżniać "rz" od "ż". Na czeski sie pod wpływym czeszczyzny dzierży piyrwotno, dzwiynczno i miynkszo wymowa (podano do rż), kieróm u "Przedolzioków" słychać już jyny u nejstarszych autochtonów. Tymu też je w spisie napisane "krziże" a "rzić" z "i", bo to sie kupluje z miynkimi spółgłoskami, kieróm "rz" - w odróżniyniu od twardego "ż" - było a w nikierych miejscach fórt je. Jak już sie to zaczyno plynść, o czymsi to świadczy.
Troche szyrsze pojyncia:
Brzuch kobiety w ciąży: bymbyn, Szczupła kobieta bez implantatów: ani cycy ani rzici
Nos - fifok (dostoł po fifoku).
Fórt tukej jakisi móndroki wybrzidzajóm , że sznuptychla, szmyrgiel , treger , kajfas, fangla , cangi , itd. to z nimieckigo a ni gwara . A jak pudóm do doktora , to laparoskop, tomograf, osteoporoza ,respirator sóm cacy . Nó dyć to łacina ,greka i kaj co jyny. Zdo mi sie ,że niewiela ś nimi tu nawojujymy. Tacy sóm jak małe dziecka. Prawisz takimu nie lyź do tej kałuży , a ón akurat wlezie . Małe dziecka - mały kłopot . Wielki dziecka - po co tu leziecie ??!!
Baczki - bajusy Jelita - strzewa Krtań - hyrtóń Gardło - gagor Nos - fyrniok Oskrzela - pajszle Dalsze czynści łodmejlujym panowi Golcowi.
A ja bardzo cieszę się z tematu pracy sz. P. Golca i z przyjemnością ją posiądę. Proszę tylko powiedzieć, kiedy (mniej więcej) jest szansa, że wyjdzie drukiem? Pozdrawiam!
A JAK PO CIESZYNSKU JEST KAPUS? panie TW Oszi?
zamiast przejawem...obiektem badań... (popr.)
widzę to inaczej - folklor językowej dosadności - właściwie wszystkie przejawy życia są przejawem badań stosownych działów i subdyscyplin naukowych...
tak to widzę ...!
proszę nie cytować obsceniów na tym portalu bo redakcja jest przewrażliwiona na tle odwagi wypowiedzi, kwalifikując je pochopnie (powołując sie na regulamin), do likwidacji... trochę to przypomina ukaranie podczas Cieszynaliów studenta-plastyka, który tematem swoich prac uczynił puszki piwa...
korzystam z okazji, żeby poinformować, że pan Józef Golec, Cieszyniak z Sopotu, przygotowuje do druku pracę na temat obscenianów z terenu Ślaska Cieszyńskiego - zgromadził już 4.500 haseł - możliwe jednak, że ze strony państwa pojawia się nowe, o co serdecznie proszę w imieniu autora (proszę je nadsyłać adres elektr.: jomahhung@gmail.com)
Dodaj komentarz