Co tydziyń po naszymu: Cieszyniok we sklepie

Roztomili Ludkowie, w dzisiejszych czasach sie już do kupić wszystko. Za naszych młodych roków w sklepach był jyny chlyb, mlyko a poza tym mónka, cukier, sól a łocet. Dlo ludzi to ale nie była żodno tragedyja, bo aji tak nie było piniyndzy na zbyteczne wiecy. Kupowało sie jyny to nejpotrzebniejsze na życi. Jak sie gdo chcioł troche rozszupnyć, musioł prziść ku niedostakowymu abo droższymu towartu inszym sposobym. Naprzikład chowało sie dóma babucia, ale nejczynści na czorno, bo u nas, po czeski strónie, było trzeba łoddować państwu kontygynty. Kóntygynt to był taki podatek w naturaliach za to, sie sie chowało dóma, co bolszewicy ni mieli radzi, bo im to przipóminało kułacki czasy. Ze świnie sie musiała łoddać państwu za darmo cało skura i znaczno czynść miynsa. Tóż ci, co miyszkali kansi w ustróniu, głuszyli browka ło sztwortej rano, aby ani ci nejlepsi sómsiedzi nie słyszeli kwiku. Bo człowiek se nigdy nie był zicher, czy aji tyn nejlepszy sómsiod ni ma udawacz. Podobnie było z gorzołkóm, jak ji było trzeba troche wiyncyj, na przikłod na chrzciny albo wiesieli. Gdo se móg na to pozwolić, tak kupił we sklepie, ale gdo ni, tak polił dóma samogóne albo inaczy laworowice. Ale to było ciynżki przestympstwo, za kiere sie szło aji na pore roków do harestu. Przi tym utajić polyni samogóny nie było lechki, bo przi tym był smród na całóm dziedzine. Jak żech był chłapiec, tak żech słyszoł, jako kansi w dziedzinie polili laworowice na chrzciny. Jak już byli skoro gotowi, baba wyzdrziła przes łokno i łuwidziała skradajóncych sie ku chałpie policajtów. Zwrzaskła na chłopa a tyn hónym rozebrol aparat, babe posadził na laworze, to co już mieli zlote do flaszek chynył do kolybki pod pierzinke a rułki se styrczył do gaci. Ledwie to starczył zrobić a już do izby wlecieli szandarzi. Zaczyli góniś po całej chałupie, bo wszyndzi był samogónowy smród, ale dowodów rzeczowych jak ni mógli nónść tak ni mógli. A był tam jeszcze taki piynćroczny chłapiec. Tóż ich napadło, że go przekabacóm. I prawióm: „ Taki wielki, móndry chłapieczek, isto by chcioł czekuladke“? „Nó jasne, że chcioł“ prawi chłapiec. „Tóż jóm dostaniesz chłapieczku, jyny musisz powiedziedzieć, kaj twoji tatowie schowali aparat“. „Dobre“ prawi chłapiec. „Mamulka to majóm pod spodnicóm, tatulek to majóm w galatach, a to, co nawarzili, je w kolybce“. Szandarzi chwilke porozmyślali, podziwali sie po siebe a potym sie zaczyli tak śmioć, że im czopki pospadowały. Dali chłapcowi czekulade, powiedzieli „s Panym Bogym“ a poszli precz. I tak, dziynki niewłaściwym skojarzynióm policajtów, żodyn nie musioł iść do harestu a chrzciny były uratowane.

Witojcie kiesi mama za bajtla prawi zondz spytej sie taty czy kupil kielbase na to mi tata prawi niebylo kielbasy yno worszt no to jo tego jod niebydym poszelech z mamom do spolki na zakupy sklepikorz nijaki Szczyrba zwijo ditke z papiuru i pakuje mi bombony

W sklepie dejcie mi czorny globin dostołech czorny izolband

Tóż zaczyno nóm pómału słóneczko przigrziwać a jo sie nimogym doczkać fajniackigo miynsa z rojberki abo - jako to Polocy prawióm - rożna. Dzisio se ludziska pokupujóm grile w paradnych krómach z pómocóm mianowanych tu słówek, ale pamiyntóm, jako kiejsi robotni chłopi sami poradzili zmajstrować takóm rojberke. Spómniała mi sie też tako instrukcyja, jako to wszycko zarzóndzić. Piyrsze trza nafasować na szrotplacu abfal nerezblotni. Nejlepij za gisernióm. Nastrzigać na miary na nożnicach w mechaniku, ale genał podle nuty, połogibać podle mustru, porobić falce, albo zpewnić flahajzym, chynyć na bank, a kernerym cajchnyć dziury. Wyborować a fer'zynknóć. Wybrusić, wyfilcować na glanc, szwajsnyć, wygwintować nogi, wyrznyć
uchyty na szpice, a kiśnia je fertig. Gdo to chce mieć fajnowe, domóntuje antryb na plaskóm baterke. Szpice sóm z nerezowego szwajsdrótu, dryjer na drebanku dorobi rónczki... a możesz wynoszać z werku. Nejlepi trzecióm nadrażnióm, bo tam werkszusi tak nie wachujóm.

Dejcie mi dwacet deka tam tego wórsztu a patnost deka tu tego preswórsztu.

jak laskę wyrwać na wiosnę - szykowną dziołuszkę a nie jakomsi czuchmyryndę!