Przi niedzieliczce coby nie zapómnieć naszej rzeczy: Podobno je do haźla

"...je podobno do haźla”. fot. FJD

”...piekny chodnik po kierym idzie pedajlować...”. fot. FJD

SZPACYRKYM PO CIESZYNIE

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

Podobno je do haźla

Tyn szportplac przi kierym my sie łostatnio zastawili mo eszcze insze atrakcyje. Nejważniejszóm,kiero tam je to szyld s kierego żodyn aji nejbardziyj uczony Cieszyniok niczego sie nie wyrozumiy. Za hańdownych czasów, kiere sóm dzisio tak krytykowane było tam napisane STAL CIESZYN i wszedcy wiedzieli w jakim klubie kopióm nasi chłapcy we fusbal. Dzisio to je jakisi MOSIR a jo se myśloł, że ci fusbaliści s A klasy grajóm w Piaście Cieszyn i chocioż to majóm za honor. Ale kaj też tam żodnego honoru nimajóm ani ci co tym szportym w Cieszynie rzóndzóm i nima ich gańba ani za tóm szkaradnóm bude w kierej kiejsi siedzioł na meczu taki panoczek co przetargowoł bilety, a dzisio łóna je podobno do haźla. Tak to bydzie zawdy jak yno kapke wiyncyj niż sztwiercina piniyndzy, idzie dlo tych co chcóm kopać we fusbal, klejzać na szliczuchach, grać w sito i na inksze szporty, a reszte bydóm brać urzyndniki. Całe szczynści, że na prociw tego nieszczynsnego MOSIRU je piekny chodnik po kierym idzie fajnie pedajlować na kole i dziwać sie raczyj na Olze, coby sie nóm nóż w kapsie nie otwiyroł. Dobre by jednakowóż było chrónić ty wszecki chodniki jako sie to dzisio nazywo-ścieżki rowerowe przed tymi co rzóndzóm szportym w Cieszynie, coby ich wartko nie wyrychtowali tak jak te bude na szortplacu. Tak czy inaczyj chciołbych, coby nasz klub zaś sie mianowoł Piast Cieszyn a ni jakisi Gościniec Sportowy, to możne ludzie spadki bydóm mieć chyńć dziwać sie na naszych fusbalistów. Kapke dalij mómy te podłógowatóm chałupe łod basynu, kiero ni może sie doczkać na nowy puc, bo isto chybio na to piniyndzy skuli tego samego co na tyn nasz szportplac.

Mini słownik:

szportplac - boisko,

hańdownij - dawniej,

fusbal - piłka nożna,

gańba - wstyd,

szkaradne - brzydkie,

haziel - toaleta,

szliczuchy - łyżwy,

koło - rower,

dziwać sie - patrzeć,

puc - tynk,

chybio - brakuje.

Mjyjcie sie wszedcy dobrze i wiesiołej niedzieliczki.

Dzisiejszy tekst ma tytuł ”Podobno je do haźla".