CO TYDZIYŃ PO NASZYMU: Wekslowani sztrómu to je fest zajimawo wiec...pełno drótów w takim drócianym zogródku...”. fot. FJD ”...BRAMEX to je na iste kszeft s bramami...”. fot. FJD być zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym. Jak na ceście i aji przi ni nima nic zaimawego, to trzeja napisać ło tym czego tam nima. A nima kónska chodnika po łobu strónach Hażlaski i nima też pieknego asfaltu. Za to je piyńć krziżowatek s bocznymi ulicami. Miana tych ulic ganc ku sobie nie pasujóm, bo każdo je jakosi s inkszego miecha. Bo jako sie mo ulica Partyzantów do ulicy Słónecznej to niech mi to spruguje gdosi wyłoślić. Możne, że roschodzi sie ło to, coby przi dejmy na to zmianie tryndu w polityce nie było łostudy s wekslowanim tabulek na inksze miana. I to je możne, że tyn napad prziszeł do czepani tym ludzióm co ty miana wyszpekulyrowali. Możne, że też to było tak, że przybywało chałup i do nich trzeja było jakómsi ceste zrychtować, tóż na rajczule nasuli skolo, a miano jakosi samo prziszło urzyndnikowi do czepani. Tóż też tymu dzisio mogymy s tych ulic urychtować taki mały limeryk: “Kiejsi w Cieszynie PARTYZANCI na GÓRNYM CHODNIKU RADOŚNIE w SŁÓNECZKU i s JABŁKAMI w kapsie nie robili żodnego uniku”. Jak sie dalij rozegnómy to ciepnie sie nóm na łoczy pełno drótów w takim drócianym zogródku, kaj isto wekslujóm sztróm do naszych chałup. Na jejich bramie wisi tabula na kierej pisze, że żodnyn tam włazować nie śmiy, chocioż nie wiym jak by to mioł zrobić skoro łóna je fórt zawrzito. Kapke rychlij żech przepómnioł napisać ło takim chwolidle kiere jak poczytocie to zaroz was oświyci, że BRAMEX to na iste je kszeft s bramami i to dlo wszeckich je jasne. Nejlepszyj zawsze pisać na tabulach i szyldach ganc ańfachowo coby ludziska nie szpekulyrowali ło co sie rozchodzi. Jak je BRAMEX to sóm bramy i szlus! Mini słownik: Miyjcie sie wszedcy dobrze i wiesiołego popióntku! Dzisiejszy tekst ma tytuł "S inkszego miecha".
|
reklama
|
No ta Hazlasko mogła by sie doczkać jakijsi naprawy.Strach je chodzić po bokach, a jak już jadom jakisi waryjoty to yny do przikopy lygać.
Dodaj komentarz