CO TYDZIYŃ PO NASZYMU: Uż nima ani kaj wartko posfaczyć"...plastikowy fijołkowy panoczek...". fot. FJD "...ławki ze stołami namowijóm nas coby u niego cosi wchynóć na ruszta...". fot. FJD być zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" To obiecane delsze szmatłani po Stawowej muszymy na chwilem zachaltować i eszcze napómknóć o “Olzalogistick”, kiero też sie znaszła w tej wielki Atolowej chałupie. Nie chciołbych im ubliżyć, że nie zustali uwidziani, a majóm przeca tam przidajny kszeft. Na ich chwolidle je wszecko fajnie wyoślóne, ale s tych jejich obrozków idzie se wszymnóć, że majóm aji europlany do furganio po całej Europie. Dalij idymy fórt po lewej stronie, coby nie miyszać ludziom w czepaniach i bydymy dzisio łoglóndać yny ty kszefty kiere tam sóm. Przidzie czas,że za pore tydni pujdym spadki i ci na prociw też przindom na raje. Kónszczek dalij w taki pieknej zogródce stoji bioło budka w kierej eszcze łóńskigo roku przedowoł faszyrkowe miynso w bułce jakisi szykowny panoczek. Dzisio je tam fórt zawrzite i nie wiym co sie ś nim stało, bo na dwiyrzach ani na tym wielkim łoknie nic nie pisze. Wedla tej biołej budki stoji jakisikej plastikowy fijołkowy panoczek s wybałuszónymi łoczami i s odewrzitóm gymbóm. Uż s daleka widać, że cosi łod nas chce, ale jak podyndymy bliżyj to se rosplaszczymy nos na tym zawrzitym łoknie. Przeca lepszyj by było ciepnóć na niego jakómsi biołom płatem,coby ludzi nie płoszył. Przeca nikierzi ludzie co pore godzin łoglóndali szyfónery w Merkurym bydóm tak zgłodniali, że jak tam bydzie fórt zawrzite to łod złości mogóm mu tem butkem łobalić. Aji przeca to chwolidło zawieszone u niego na płocie a ku tymu postawióne tam ławki ze stołami namowiajóm nas, coby u niego cosi wchynóć na ruszta. A możne, że tak to wyszpekulyrowoł i najył za dobre pinóndze kónsek swojigo płota na chwolidło łod ”Ristorante Italiano” i skyrs tego swój kszeft zawrził. Mini słownik: Miyjcie sie wszedcy dobrze i wiesiołego popióntku! Dzisiejszy tekst ma tytuł "Fijołkowy panoczek".
|
reklama
|
Dodaj komentarz