CO TYDZIEŃ PO NASZYMU: Świyży luft dowo na iste delsze żywobyciPOZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym. Dzisio zakiel przelezymy na drugóm stróne cesty to eszcze na krziżowatce s ulicóm Na Wzgórzu zahoczymy łoczami ło zymbiorza kiery możne,że wytargo wóm zymba na poczkaniu.Tak było kiejsi.że jak gdo spuch łod zymba to nie trzeja było czakać na żodne termina jyno szło sie to zymbiorza,kiery zaroz wytargoł go s korzynim.Jesi jednakowóż przitrefiło by sie kómósi pozbyć zymby przi szarpaczce na wiesielu to na jejich szyldzie pisze,że zrychtujóm wóm aji porzóndnóm proteze,abo wrażóm inplanta do dziury po wytarganym zymbie.Kapke dalij trefiymy na przistanek na kierym zastawujóm sie żółte autobusy.Wedla niego po prawo na dwóch zieleźnych nogach stoji tabula s mapóm Osiedla Podgórze.Wszecko je pieknie poznaczóne jak na jakimsi szlaku turystycznym,kiery sie tam sie kóńczy.Szkoda,że żodyn nie prziszeł na to, coby łod Rynku zrobić takóm turystycznóm ceste,kiero by była atrakcyjóm Cieszyna.Letnikorze posuniyci w rokach mieliby przileżytość siednóć do autobusa i przijechać pod tóm tabule ,coby jóm przesztudyrowć ,a potym puścić sie miyndzy bloki. Na prociw po drugi strónie cesty na dwóch czornych rułkach stoji gablotka na sztyry klepsydry.Rozmyślóm skyrs czego jyny na sztyry,ale możne,że tam umiyro ganc mało ludzi,bo dłógi życi dowo im na iste tyn rzodki luft,kiery fujo na wyrszczku Banotówki.Ganc wedla stoji drzewiano buka na kierej zachwolo jakosi szwoczka swoji krawiecki usługi .Pisze tam,że poradzi uszyć i wymodelować forchangi,a przi tym zachwolo jakisikej rękodzieło,chocioż chybiło ji placu , coby dopisać co tymi rynkami bydzie robióne. Mini słownik: zakiel-gdy, Tóż miyjcie sie wszedcy dobrze i wiesiołego popióntku! Dzisiejszy tekst ma tytuł Wrażóm implanta
|
reklama
|
Dodaj komentarz