Co tydziyń po naszymu

Mi się zdo że my kiesi: godali, prawili, a czasami kierysi i rządził. A wszystko z kuli tego kaj kiery miyszkoł. Nima sie tu po co wadzić, bo tak to niczego nie do. Przeca my są stela wszyscy!

Od prawie 40 lat mieszkam w Sulęcinie/woj.lubuskie/ a kiedy czytam pisane " naszą-waszą/gwarą dalej mi coś pika w sercu.Robi się przyjemnie.Dziękuję za pomysł-tak trzymać.Pozdrawiam i życzę powodzenia

Gratulujym pónu Dralowi, że sie podjół prowadzić nasz ślónskocieszyński skansyn, i coby sie też wymóndrzić, skomyntujym pore wypowiedzi pod sebóm.
1) Cieszyniok mo recht, że cytowane motto je autorstwa J. Kubisza, ale przypóminóm, że wierszyk "Nad Olzą" sie pojawił drukiym już w 1889 r., kiedy nie było jeszcze Zaolzio, i z pewnościóm go nie adresowoł do ludzi miyszkajóncych jyny po jednej strónie dzisio granicznej rzyki dlo krzepiynia polskości. Warto by było sie zastanowić, o kieróm "mowe dziadów" sie rozchodzi. Czy przodkowie Kubisza rzóndzili jakóm fajnackóm polszczyznóm? Rym "szumi-rozumie" ku sobie nie pasuje tak dobrze jako "szumi-rozumi". ;)
2) Sochacki mo recht, kiej prawi, że nasz regijón je na granicy, choćby sie to miało odnosić do XIX wieku. Sóm aj insze granice niż państwowe, czesilu, np. kulturowe czy etniczne. A Ziymia Cieszyńsko leży na takim "odwiecznym skrzyżowaniu" roztomaitych wpływów, wiync tu akurat nima niczego do czepianio. Jak już, to bych polemizowała z twierdzyniym, że granice naszego regiónu sóm zarowno granicami cieszyński rzeczy, bo tak ani kiejsi nie było. ;)

Najprzód bych chcioł podziynkować za to, żejście spómnieli mój kómyntarz. Jak żech pisoł o granicy to mi szło o granice politycznóm – choć uż terazy mómy Szyngyn. Ci kierzi sie choć kapke interesujóm Cieszyńskó Ziymióm wiedzóm, że historycznie Ziymia Cieszyńsko to je krajina łod Biylska aż po Łostrawicym. Kiejsi tukej nie było granic, bo Ksiynstwo Cieszyński aji pod Rakuszanami miało wielkucnóm swobodym, a rzóndziło sie po naszymu łod Białki aż po Ostrawicym. Dziepro potym po piyrszej wojnie srobili granicym – nó tóż ło tej granicy żech pisoł. Jak srobili granicym to rzecz Cieszynsko sie zaczła smiyniać po jejich obu strónach, a w ponikierych dziedzinach sie zaczła tracić, aż ganc sie straciła. A granica była tu fórt łod skóńczynio drugij wojny, a skuli nij mómy teraz takóm cieszyńskóm rzecz po obu strónach Olzy. O takij granicy żech pisoł drogi Czesilu. A po drugij strónie Olzy nie mówióm tym samych jynzykiym, bo kupa uż je bohemizmów w tezr rzeczy, tak samo jak po drugij strónie rzecz cieszyńsko jmo kupa polónizmów. Robiym w Karwinej a miyszkóm w Polsce a na każdo wyrzóndzóm z ludziami ze Zaolzio, aji tymi kierzi wyrzóndzajóm po naszymu i widzym a raczyj słyszym że naszo rzecz ni ma tako samo. A czym dalij tym to bydzie eszcze postympować, bo każdy jynzyk ewoluuje a sie smiynio – to je jedno czy to je czeski czy polski czy chiński. Jynzyk je żywy, tak jako żywo je kultura. Za dwacet roków rzecz po obu strónach Olzy zajś bydzie inakszo. Młodzi ludzie uż mało rzóndzóm s dzieckami po naszymu, tóż coros wiyncyj bydzie spolszczóno a sczeszczóno.

Sochacki! Synek posłóchej. Nimożesz pisać że -,,Naszo rzecz mo kupa słów z nimieckigo, a s czeskigo, bo przeca to je taki regijón na granicy,, - bo to nima ganc tako prowda. Jasne mosz prowde w tym że słówka sóm z nimieckigo aji czeskigo po tela sie zgodzym ale absolutnie sie nimogym zgodzić z tym że je to skyrs tymu że niby to je región na granicy bo Ślónsk Cieszyński nie kóńczy na Olzie dlo Boga! Za Olzóm je drugo połowa ŚC a tam mówióm tym samym jynzykym!!! Czyli jeśli chcesz pisać o jakisikej granicy tak ta je na rzyce Ostrawicy czyli tam kaj kóńczy ŚC. Móm nadziej że to nie bydym musioł wiyncyj razy pisać bo inaczy mnie krew zaleje :-) Przesyłóm pozdrowiynia dlo Pana Drala.

Jo mom fest rad jak moji dziecko mówi po noszymu. Je srandownie. Nie besztejcie mnie zaroz (potym tyż ni), że nie piszem gandz dobrze po Naszymu. Pisani je trudniejsze niz fulani. :)