Co tydziyń po naszymu
Je to czworto zwrotka tego nieformalnego hymnu naszej ziymi cieszyński i łóna dała mi moc do myślynio, żeby jenakowóż cosi zrobić, aby nasze dziecka i wnuki mógły sie też na staroś czymsi pochwolić. Dziynka wszeckim, co pisali cały tygodziyń, a "szpecyjalnie" tym spórnym i wszetecznym dokucznikóm, co nierozumióm, a co tu chodzi na tej naszej strónce.
Dlatego szanowni państwo przijezdni, jeżeli Was to nie interesuje to macie dziesiętki innych stron, gdzie możecie wylewać na"papier" swoje frustracje. Przeca trzeba mieć chocioż kapke reszpektu do tej ziymi i do tych ludzi, co tukej mjyszkajóm i tu sie rodzili. Jo żech je moc ciekawy czy jak kiery z Wos pojedzie Angli czy Niymiec i tam se nóndzie swoji drugi gniozdko też bydzie sie tak roztopjyrzoł i wyśmjywoł sie ze wszeckigo. Tóż Ci co pieknie pisali myślym, że dalij bydóm to robić, a tym co sie to niepodobo, to niech se cosi zimnego prziłożóm do swoji czepani. Tak jeszcze roz móm wielkóm pytke: piszcie i nie przejmujcie sie tym, bo zawsze sie tacy nóndóm, co bydóm zowiszczeć nóm naszej godki. Bo wjycie jako to je z tóm zowiścióm - jeji sie nie do wylyczyć. Myjcie sie wszedcy dobrze i do prziszłego tydnia. PISALIŚMY: Co tydziyń po naszymu: Dziynka za Wasze wspóminki Bardzo fajnie zeszły tygodziyń napisoł do nas Tomasz Sochacki i chcielibymy, abyście se to poczytali. Tomasz Sochacki 2011-02-06 14:01:20 Jeżech rod, że naszo cieszyńsko rzecz je na GC, a że na forum je kupa wpisów, kiere szkryfióm, ci kierzi poradzóm po naszymu wyrzóndzać. Dycki je tak, że sie nóndóm móndroki, kierym sie nic nie spodobo, aji dyby uż cosi było napisane ganc rychtyg. Musicie kamraci wiedzieć, że cieszyńsko rzecz to nima monolit. Inakszy sie wyrzóndzo w Istebnym, a inakszy kole Strumiynio, bo każdo dziedzina miała swoji słowa, a rostomajci ludzie tu na naszóm Cieszyńskóm Ziymie przijyżdżali ze świata, a każdy cosi prziniós łod siebie d naszej rzeczy. Baji kiejsi eszcze za Rakuszanów kupa wojoków se brało dziołuchy - cieszynioczki, tóż potym były naki miana jak Tajner, Szlauer, Handzel. Wandrowali tukej aji Madziarzi, tóż w Górkach a w Brynnej sóm Madzie. A mianujóm sie tak tymu, bo jak sie jich ludzi pytali - gdoście sóm? To óni prawili Magyar (Madzia). Naszo rzecz mo kupa słów z nimieckigo, a s czeskigo, bo przeca to je taki regijón na granicy. Tóż jedyn bydzie prawiuł, że łón szumnie rzóndzi po naszymu jak sie patrzi, a drugi bydzie go sztynkrowoł a powiy, że ni bo to łón bo tyn piyrszy napisoł cosi tak a tak. Chwała panu Dralowi, że taki kóncik stworził, bo trzeja naszóm rzecz prómować. Posdrowióm, synek stela. POLECAMY: Kącik gwarowy F.J. Drala F.J. Dral czyta opowiadanie autorstwa Jana Chmiela: Szpacyrkiem po Cieszynie, DZ w Cieszynie 11.02.2011:
|
reklama
|
|
O tej frelce jeszcze . Kiejby na ceście był lód, to by piyrwej uklejzła a potym sie : wyrypała, wycebuliła, chlasnyła, szasnyła sobóm , rzaznyło nióm , drzisła o ceste ...itd.
Przebogata jest nasza gwara , więc czerpmy z niej na co dzień pełnymi garściami.
Jo też widzioł wczora tego czorno-biołego ptoka !!
A ta frelka po mojymu to sie wywaliła no i Tyn kierowca musioł być aj chrómsko złosliwy kiej ij łodjechoł.
A co powiycie na to : dziwóm sie z łokna , widzym jak cestóm gzuje frelka , bo autobus uż stoji na przistanku . Isto musiała być w ceście dziura , bo naroz sie frelka wykopyrtnyła. Ale choć sie hónym beskurcyjo pozbiyrała do kupy , autobus na nióm nie czakoł.
A warszawiakom melduję , że do Cieszyna przyleciały już sraki - te takie biało - czarne ptaki.
Dzisio szychtem móm od połednia. tuż baba mi rzekła cobych nahajcowoł w cyntralnym. Trza sie było podziwać za jakimś popiurym a papyndeklym. Naszczypać szczypek, naciupac dzrzewa i rozpolić. Chroma cug był słaby to i dym cofało.Kuckołech jak pierun.Trza było odewrzyć dwjyrze do pola coby sie sprawił tyn cug.No i pec zabroł. Tyle ,że od tego hajcowanio w cyntralnym momy luft suchy a w karku furt sucho. Toć od samiuckigo rana płuczym go miodulom coch jom dwa tydnie tymu ze sztelowoł na zabijaczkem. Juno sie starom jak jo dzisio wydzierzym w tej robocie. jak sie kjesi hajcowało w kachloczu nie bylo taki ostudy z tym luftym.
A tymu Panoczkowi od Różowej małpy to piknie dziekuje za te stronke z Równicą. Posłuchałach te szumne pieśniczki i takmi sie strasznie miło zrobiło! Ale też i kapke żol bo mi już mało co umiemy, jo dycki pamietałach jyno poro z nich. To je wstyd!! Pozdrawióm Wszystkich!!
No może i mocie kapke racje! Ale w każdym narodzie znódzie się jakisi cham i warchoł, nima takigo narodu pozbawiónego "Paździocha". Tak se myśle że wszydzi są ludziska dobre i łotrzoki. Ale nie trza tych złośliwych słuchać!
http://kurjer.salon24.pl/244263,oni-etnodziennik-cieszynski
Wyskakuję sobie na te parę dni hen za rzekę Białkę, bo jednak odrobina polskiego, a choćby i małopolskiego powietrza jest konieczna dla psychicznego zdrowia. No i ten cały polacki syfek, za którym tak tęsknię od ponad półtora roku - te pijane mordy pod wiejskim sklepikiem, to wk***wianie się z byle powodu, ten brak szacunku dla pracy i własności, i to nieustanne obnoszenie się ze swoim ja. Po prostu ckni mi się za tym spienionym warcholstwem, ckni!
Posłuchejcie a robiymy jaki szlabikorz cieszyński? Jo sie uż tego chyciuł a cosi mało wiela uż móm. Podziwejcie sie czy by to tak baji mógło być: http://www.gwara.zafriko.pl/kat/cieszynski_szlabiko
Andrzeju dźynki za to świadectwo. Jeszczesłychać śpjyw i rżenie koni. Ta śzarza to nie tylko ułanska fantazja. To chlyb nasz powszedni. kiedy wszystko koło nas karleje serc wielkich niech nie braknie. Jeszcze słychać śpjyw i rżynie koni.
Różowiućko, mosz cosi prowdy ale aji Tomasz mo. Z tym poczucim narodowości to nie bywo taki einfachowe. Mój starzik, kiery cały żywot przeżył w Lysznej a potym w Puńcowie był Polokym na całóm gymbe. Czytoł przi miesiónczku Trylogie a dziecka wychowoł tak, że po wojnie ze sześci mu zostały jyny dwa, ale ón to nie wiedzoł, bo sie też nie wrócił z Oswiyncimia. A z tych sztyróch genau połówke ukatrupili Niymcy a zbytek Rusi. My sie narodzili po wojnie i po drugi strónie granicy, ale jak my mieli możność iść na przepustke do Polski, tak to było dyscki skoro „na kolanach”. Aż do czasu, kiedych mioł możność pore roków żyć w Polsce. Ze wstydym muszym powiedzieć, że tyn pobyt zaszkodził mojimu patryjotyzmu, bo w tym czasie żech jakosik przestoł czuć wspólnote duchowów z ludziami, kierzi o miyszkańcach wsi wyrażali sie bez rozdziołu „te chamy” a jak sie opili, wywrzaskowali, jak to óni nienawidzóm Żydów. Jasne, że ni wszyscy, ale wtedych zaczół odróżniać Poloków od Hanysów, Cieszynioków, Kaszubów itd. To ale ni mo nic do czyniynio z tym, że z wszystkich nauczónych jynzyków nejbliższy je mi polski i że podczas wszyskich spisów ludności żech deklarowoł narodowość polskóm. I tak bedzie i tym razym, bez wzglyndu na to, czy Polocy nas miyndzy siebie chcóm, czy ni.
Jadamus cióngnył wóz, Jadamuska cisła.
Jadamus pocióngnył, Jadamuska drzisła.
Do Różowa: pisołech, żech je pół Polokiym, bo mój Tacik byli łod Rzeszowa a matkym móm cieszynioczkym. Jo żech sie tukej urodził i czujym sie człowiekiym stela.Czasym je tak że człowiek kiery sie tukej nie urodził, a przikludził sie s drugigo końca Polski wrosto korzyniami w ziymie jak to pisoł profesor Szczepański, a stowo sie człowiekiym stela, bo Ziymia Cieszyńsko Mo cosik takiego w sobie, że ludzie kierzi tu przijadóm a pobydóm to stowajóm sie inksi. Tóż czuć się Cieszyniokiym to ni ma dycki yny sie tukej urodzić, bo jo znóm kupa takich ludzi stela, kierzi ani słowa nie powiedzóm po naszymu, bo ich je gańba.
ja nie stela ale bardzo mi sie podoba to pisanie i gadanie
Wars, nimaś mój sómsiod? Tyn stowo rano przed kurami, bo inaczy sie nieumiym przedstawić żebyś starczył wytrzić ziym (w izbie deliny) rano przed szychtóm. Roz sie mie sómsiod pyto: Wyście isto zapómnieli wieczór zgasić światło? Na ni, my sie dziwali na telewize do nocy a ón już stowoł. Cały żywot robił na hawiyrni, tak na te ćme je zwykły.
Gupki, zaźdrośniki, lynie.
Tak cma ,ze na klawisze nie widać i furt sie plecie tyn tekst pomiyndzy gwarom a bykami. Nie chcieli by my dzisio przy poniedziałku po szychcie dostać gryzek na łobiod to chłopi za wczasu pokupowali wursztu a na kroili skibek chleba coby szła z babami jakoś przy podziedzialku wydzierźeć.
U nas w robocie sie posyłało chłapców z kiblym do składu po ketol na mazani kety u koła.
Ku8chnia na szychcie sztrómu chybilo.Tóż posłali by tego ucznia aż z kiblym zóndzie do sztekra na sztum. A łon lotop po placu i pytoł sie co to je tyn sztrom a szteker swoich kamratów szkolnych. My sie dziwali i śmioli ,że oni już tym sumeryjom nie rozumiejom. Jak przyszeł z tym kiblym tyn szkolorz bez sztrumu to już my na szaltrze spozorowali ,że sztrum już je ,bo żarówka sie rożygnyła. Szło już przrzazowac ferklajdunki do futer bo beż sztrumu rano je jeszcze ćma.
Fajnie żeś to napisoł ale widać z dalsza,że nie prawisz gwaróm codziyń.Zrobiłeś pore felerów,kiere aż bodóm w łoczy.A to łóne:nie prawi sie:
ubiere- a oblecze
wytrze- a utrze
podloga- a deliny /dłaszka
pójdzie- a póndzie
niech - a niech se
Ale i tak je to fajne i widać,że ta nasza rzecz je wciśniono do Twojigo serca.Bo chyba wiysz,że to nie starczy umieć pore wyrazów ale czasym je to procne joko to powiedzieć we zdaniu.I sóm jeszcze tzw.idiomy,kierych sie nie do nauczyć z tym sie trzeba narodzić.Mjyj sie dobrze.
Kiery już stanył i oblyko sie do roboty to niech se gacie ubiere bo uzaś marznie. Aji kopytka niech ubiere na haltrach zepnie. jesi galaty mu spadujom to niech je powiesi na hozyntregach. A jak już bydzie sie obuwoł to niech se buty globinym namaze i dobrze wyglancuje.Niech to też pozór coby dłazki nie zamazać. Kiery mo jaką handre i kibel niech wytrze podloge zanim sie przeżegno i pójdzie na szychte.
to mówi, że jest stela...
Jako hymn byłby lepszy
http://chomikuj.pl/zenobik3/Muzyka+G*c3*b3rali+*c5*9al*c4*85skich/R*c3*b...
Tóż wiysz Różowo - boś Ty je gorolka bryńsko ;) Jo Cie bydym żałować :)
http://chomikuj.pl/zenobik3?fid=80771696
Do T. Sochacki! Tak mi żole Panoczka bo jo je i brynioczka, całkiem żech je i czuję sie stela, może nie umiem tak pieknie tu godać jako inni zacni mieszkańcy (nad czym ubolywóm) ale czuję się też całkiem polką. Tak jak moja mamulka i tatulek. Nigdy my nie byli pół polokami. Poczucie loaklnego patrityzmu nie świadczy o dziwacznych ograniczyniach w poczuciu polskości, czemu w histori są dowody walki o polskość na naszej ziemi! Pozdrowiom Was Panoczku
http://www.region.info.pl/blog,jan_chmiel.html
Kiej zech była za Olzom toch słyszała jak wszycy spiwają i znają wszycki zwrotki Płyniesz Olzo, kaj gdo. A u nas? jak trzi to uż je moc. Gdosi powinyn dziecka nauczyć! Roz nawet laureat srebrnej cieszynianki nie stela nie umioł, Jako to je?
Myślym że żodyn tukej nie chce potympiać Poloków (kiejsi a aji szcze terazy sie tak prawi na tych, kierzi prziwandrowali na Cieszynskóm Ziymie), bo przeca óni tukej miyszkali a miyszkajóm fórt miyndzy tymi, kierzi uż tukej majóm familije od downa. Baji mój tacik też był Polok łod Rzeszowa. Byli we wojsku kole żywca, a mojóm Mamym poznali na muzyce przes jednego kamrata kiery sie galaniuł s jednóm Cieszynioczkóm. Tukej sie prziżynili, tukej robili, nauczyli sie naszej cieszyńskij rzeczy, ludzie dookoła jich mieli radzi, a potym nieskorzi jak uż tu foter miyszkali trzicet, sztyrycet roków to ludzie na dziedzinie pumału go mieli tak jako swojigo, a zodyn o nim nie prawiuł Polok uyny nasz, bo sie zasymilowoł. Wiyncyj je takich Poloków u nasz na Cieszyńskij Ziymi, a ponikierzi wyrzóndzajóm po naszymu lepszy jako ludzie stela. Jo je taki pół Polok, bo miołech matkym Ślónzoczkym, ale jak gdo sie podziwo na moji miano to powiy – ón isto na drabinioku na ziymiokach przijechoł…
My są stela i polokami i cieszyniokami, i są my jeszcze górolami! A jak kiery szuko zwady to lepi sie z nim do dysputy nie dować!
Ludzie, ta naszo ślóńsko rzecz je fajno. Każdy mówi kapke inakszy a wszyscy sie rozumiymy. Taki esperanto na rymby. Byjmy za to radzi a szanujmy jóm. Dyć dzisio to doszlo tak daleko, że młodzi Czech z Polokym sie domówiajóm po angielsku, aby sie rozumieć.
Kierysi tu hlado rozdziołu miyndzy Ślónzokami a Polokami ale u nas to tak nima ani nie beje jako u Prusoków
Witóm wszystkich. Ci starsi pamiyntajóm isto ksiónżeczke Śląskie opowieści ludowe Józefa Ondrzusza, wydanóm w Ostrawie w 1963. Dlo tych młodszych pore informacji z Wikipedie: „Józef Ondrusz (ur. 18 marca 1918 w Darkowie, zm. 27 maja 1996 w Darkowie) - znawca literatury i kultury ludowej, etnograf, nauczyciel, redaktor, bibliofil, zbieracz żywych tekstów ludowych, autor licznych prac oraz znawca ekslibrisów. Własnych i rodzinnych ekslibrisów posiadał ponad trzydzieści. Był także organizatorem wystaw, autorem wielu katalogów i artykułów poświęconych popularyzacji ekslibrisów. Urodzony w rodzinie Karola Ondrusza i Marii, z domu Klimsza. Ojciec pracował jako górnik w kopalni „Gabriela” w Karwinie.”
Pozwólcie, że wóm przekopirujym jednóm z oryginalnych godek z tej publikacyje. Wierzym, że żodyn mie nie do na sónd zwóli naruszaniu praw autorskich.
Ja sie wasermón pomścił na młynorzach
U jednego młynorza był wasermón. Był tam kiela raków. Zapodobała sie mu cera tego młynorza, i zdało sie, że mu jóm muszóm dać. Ale óni nie chcieli. Rzecy: „ Wasermónowi cery nie domy, dy mómy jyny jednóm!” A chodził też tam do młyna jedyn szumny siedlaczy syn. Chcioł se Zośke wzióńść, bo sie mu podobała. Ale tyn wasermón strasznie w tym warzechowoł. Młynorzowie chcieli dać Zośkę tymu szumnymu synkowi, ale boli sie wasermóna. Tóż sie domówili, że wiesieli bydzie, ale ni we młynie, jyny u żynichowych ojców. I tak też było. We wiesieli nagotowała młynorka czeladzinóm jedzynio a jedzynio, co by też mieli co jeść. Jak se tak jedli, tak tyn wasermón też prziszoł na tóm gościnę. Zaroz sie też pytoł, kaj sóm młynorzowie.A ci słóżóncy mu prawili: „Na, Zośka mo dzisio wiesieli!” Tyn wasermón aż skokoł ze złości. Zdało sie, że cały młyn przewróci, ale potym go ci słóżóncy uhólkali, kiej do młyna telki czasy chodził, aż jyny pojy i popije, dy mieli i picio i jedzynio dość. Jak pojedli i popili, to sie porozchodzili każdy do swoji roboty. A tyn wasermón sie aż trzóns od złości, i prawił: „ Szak jo im zagrzejym!” I jak potym ci słóżóncy poszli spać, to tyn wasermón podpolił młyn, że wszystko zgorało. A jak to gorało, to wasermón na tym młyńskim kole skokoł z uciechy, że tyn młyn tak pięknie gore. A jak potym i to koło gorało, tak skokoł w tym ogniu, aż sie stracił. Tak sie wasermón pomścił na młynorzach, że mu nie dali Zośki.
Opowiadała Barbara Treichelowa ze Stonawy
A jesi sie gdo tustela uważo za Poloka tak co?
mocie recht to przeca je ganc dobre ,to prawiyni po naszymu. Dral mo racje ,każdo wioska mo swoi narzecza, naszo ślonski prawiyni jest jedno ale ganc insze je w Ustroniu ,inaksze w Strumiyniu a inaksze w Kończycach.Najważniejsze jest to,że my ślonzoki sie rozumiemy, a kiery polok nieumi niech się przyglondo i uczy sie jak rozprawiajom ślonzoki
Ty Karol, nimaś namol?
O matko, podupada ta gazeta skoro takie głupoty się daje
Przedobiodek to może jodali jak i podwieczorek w bogatych domach może też i w hanysowie. U nas była swaczyna jyno dlo tych co ciynżko robili. Łod gazdy do robotników.
Swaczyne niósło sie do lasa robotnikom. Normalnie ludzie jak jedli trzy razy to było dobrze. Tylko ci co robowali cięzko jedli swaczyne. I można jom było jeśc do połednia czy po połedniu .zalezy kto jako robił czy na pjyrszóm czy na drógóm zmiane.
Swaczyna nigdy nie była śniodanim w naszej gwarze tak naprowde to je podwieczorek a wieczerza to je kolacja...po śniodaniu je przedobiodek i nie pisz gupot...pozdrawiam
Kolacja -to w gwarze je wieczerza. A resztem wyoślil ci Tomasz Sochacki.
to nima rzecz yny Jistebnego ale to klasyfikujóm szyrzi jako rzecz jabłónkowsko.
Gorol powinien napisć "gwarem"-aspón tyn od Istebnego. tam dycki byli hudobni to i dziecka łod wieków byly słabo na oblykane. Skyrz tego mieli dycki nosy zatkane bo mieli rymem a i zatoki zapchane. Posłuchejcie jyny ślónzoka roku Macoszka i tych co przed nim byli we finale tej imprezy Łucjem Dusek a Kieresiowóm. Dyc to utrwalóno w mowie ryma -tak sie to narodziła ta gwara jistebniańsko. To tylko tak do srandy. Wars.
No teraz to mo rynce nogi Tomaszu. A wiysz czymu? No bo żeś wyraźnie napisoł że Ślónsk Cieszyński je od BIELSKA po OSTRAWICE ale przed tym to wyglóndało że yny od BIELSKA po OLZE. I tu je cały tyn problem bo sóm żeś napisoł że ci kierzi sie intersujóm ziymióm cieszyńskóm to wiedzóm no ja yny że musisz rachować z tym że takich ludzi je strasznie mało a ci potym to wszystko inaczy interpretujóm. Czyli ponauczyni na prziszłość - trzeba pisać tak by aji tyn co wiy psinco mioł w tym jasno.
Do Tekli Klebetnicy: granice naszej ziymi sóm jasne http://slaskie.fotopolska.eu/22256,foto.html
cóż się sprzeczać,przeca każdy zakontek tej naszej ziemi ma swoją gwarę.
Jo uż downo móm tyn słownik a eszcze jego stare wydani. Jak co nie wiym jako je co po naszymu, to sie dycki do niego podziwóm. Choć czasym też ganc nie idzie rzyc że tak sie cosik mianuje w naszej cieszyńskij godce, bo jynzyka gwarowego nie idzie zawrzić we słowniku, bo to je żywy twór.
Posłóchejcie chłapcy i dziywczynta przestóńcie sie zbywać jako sie co prawi /godo/rzóndzi / i lepszyj se zajedźcie do Ustrónio i tam w muzeum ustróńskim u p.L.Szkaradnik kupcie se słownik naszej gwary.Bydziecie pogodzyni.Jo se go już kupił i teraz nimóm żodnej starości przi pisaniu.Tyn słownik je fajny,bo kożde słówko mo jeszcze przikład jako i kaj sie go może wstyrczyć do zdanio.Słownik kosztuje sztyrycetzłociszy / 40.-zł /
Swaczyna to je jodło kiere sie jodało po śniodaniu a przed łobiadym, abo miyndzy łobiadym a wieczerzóm. Jak baji baby kopały we wołkach w ziymniokach, chłopi w lesie spuszczali jedle na byka, lebo przi zabijaczce jak uż sie na blasze warziła perdelónka to wtynczas sie jodało swaczyne. Tóż swaczyne idzie jeść aji rano aji wieczór.
wszystkie warsy, placeba, różowe steloki, jury o. i reszta gawędziarzy tego boroczatego grajdoła, gdzie jedni po cichu zgarniają lewe fortuny z miejskiej kasy, inni o tym wiedzą, ale nie potrafią się podłączyć więc psioczą i się plują, a jeden cały czas merda ogonkiem do tych pierwszych w nadziei na łaskawy plasterek lub kostkę... Tu jesteście w swoim getcie, dupy innych poza nim nie zawracajcie
Jako żeś rano jod swaczyne dyć swaczyna to je kolacja a rano żeś śniodoł a jak przydziesz z kościoła to se możesz zjeść przedobiodek[2 śniadanie]...pozdrawiam
I jeszcze jedno. To => Dral jo napisoł. wszak wspominani o tych ludziach co rozmyslali o tym jako bydzie przyszłość tej ziymi autora zarówno "Płyniesz Olzo" jak i "Ojcowskigo domu" wypado zawsze wspómnieć ilekroć sie na tyn hymn powołujymy. Miesie jednak zdo ,że to credo tej ziymi jest zapisane w pieśni "Ojcowski dóm" może jeszcze bardzi niż w "Płyniesz Olzo". Tyle ,że jakoś coroz mnyj ludzi to wiary nie chce sie publicznie przyznować i tymu rzodzi sie jóm śpiywo.
Ranoch, zech stanyl i rozmyślóm co wóm tukej napisać. Czy ,że momy zmarzłóm pogode czy cosi inszego. Chodzym od okna ku oknu, czakóm ,jesi mi cosi wpadnie do łepa a furt prawiym tóż czymu za darmo móm tukej plyść tóm gwaróm. jak by było cosik grajcarów za to może bych se cosik kupił ale tak za darmo? Rozmyślóm co robić?Pisać ,nie pisać. Na nie bydym chodził po kontach skoro mi sie zbiyrała chyć na pisani to napiszym aji za darmo. Taroz rychtujym sie do kościoła. Przeca je niedziela. A wy isto jeszcze śpicie a jo skónczył już swaczynać a jeszcze żech na hajcowoł w piecu. Tak ze z tej zmarzłej pogody nimóm stracha.Dycki człowiek se musi jakośkapke radzić jak przyjdóm taki mrozy. A pamjyntejcie tęz o ptoszkach na polu. Ciepnijcie za okno aspón troche okruszków ze swaczyny do nich Dyć dlo nich jedzyni sie skónczyło skoro ta zima rozczapierziła ty mroźne pazury.
Dodaj komentarz