CO TYDZIYŃ PO NASZYMU: U nas w każdej dziedzinie sie kapke inakszyj rzóndzi,prawi abo gwarzi

“...iś ku wyrchu do studni Trzóch Braci...”. fot. FJD

Dzisio Wóm zaś poczytóm po naszymu opowiadanie ”Zmóndrzoł jak sie ożenił” Roberta Danela, z książki “Beskidzkie Opowieści Ludowe". fot. FJD

Redakcja portalu www.gazetacodzienna.pl nawiąże współpracę z miłośnikami naszej pięknej, cieszyńskiej gwary, którzy podjęliby się współtworzenia "Kącika gwarowego" poprzez pisanie gwarą krótkich opowiadań o swoich miejscowościach. Mogą one przybrać formę wspomnień lub aktualnych spostrzeżeń na temat swojej "małej ojczyzny". Przesłane opowiadania mogą zapoczątkować cykle: "Szpacyrek po..." Skoczowie, Strumieniu, Goleszowie lub innej cieszyńskiej miejscowości.

Chętnych prosimy o kontakt telefoniczny lub mailowy. Tel. 602-571-636 lub redakcja@gazetacodzienna.pl

cd. słownika:

bachnica - otyła kobieta
Moja ciotka to je tako bachnica

bachora - to co mamy w brzuchu
Jak zabili babucia to bachora chynyli psu

I jeszcze jedno słowo, które ostatnio zrobiło tyle zamieszania wyjaśnię internaucie co się “anonim “ nazywa. Zwrot patrzi sie - oznacza zawsze należy się lub w podobnych znaczeniach np: patrzić swoji roboty albo: to sie mu patrzi bo se na to zasłóżył itp.

Latoś kapke wczas jak to mówióm istebniocy zaczyło śniegym kurzić i zaś bydzie łostuda s tym szpacyrowanim. Nima eszcze zomiyntów i myślym, że przidymy s tym szpacyrowanim do porzóndku, ale jakisi gacie abo trykocze s klapóm trzeba uż bydzie łoblykać. Stanyli my łostatnio przy taki małej gospodzie kaj żech wóm radził co byście wciepali se cosi na ruszta. Jak by wóm tam jednakowóż nic nie szmakowało to zaroz po prawo je drugo gospoda a je tam dziepro pore roków. Kiejsi była na Starym Targu ale teraz ważniejsze je pojczowni i szporowani piniyndzy w bankach i skyrs tego jóm tam stela wyciepali. Dalij sie jednakowóż nazywo Targowo chocioż uż żodne paniczki kole ni kwiotków ani żodnych inszych wiecy nie przedujóm, bo isto nie dało by sie tam nic utarżyć. Je łóna teraz kapke miynszo niż ta s targu ale mo wiynkszóm tabulke s reklamowanym jedzynim. Majóm to tak wyszpekulyrowane, że roz napisali na tej tabulce dwanos złotych i dziynnie warzom za tela. Prziszporujóm na krejdzie i możne tymu nima u nich tak drogo a pojeś idzie tam dobrze. S pola tej gospodzie nic nie chybio bo aji przibudowali se maluśki zogródek ale ta kiśnia s tych zmazanych desek co stoi wedla schódków to wubec tam nie pasuje. Zaś w postrzodku na pjynterku po łobu strónach dwiyrzi na ścianach majom tam cosi małoś niewiela naszkryfane po naszymu. Jo by to kapke inakszyj napisoł ale isto ta paniczka co to pisała je s inszej dziedziny i możne, że sie u nich tak rzóndziło. Kónsek dalij za tóm gospodom momy dwie możności abo iś ku wyrchu do Studni Trzóch Braci abo na dół po schódkach ku Łolzie. Mogymy też sie puścić dalij Śrutarskóm aż do kóńca kaj je taki warsztat w kierym robióm do dzisia piece gazowe, a po ceście trefiymy eszcze na chałupe co mo numero trzicet dziewiyńć kaj kiejsi warzili piwo.

A teraz zaś fajny wic:

- Pawle jo ci radzym nie żyń sie w maju! Łożyń sie lepszyj przed Godam! - Tóż czymu przeca jo nima przesóndny. - Dobre ale jak sie ożynisz w grudniu to bydziesz delij ło pół roku swobodny.

Mjyjcie sie wszedcy dobrze i wiesiołego popióntku.

Dzisio Wóm zaś poczytóm po naszymu opowiadanie ”Zmóndrzoł jak sie ożenił” Roberta Danela, z książki “Beskidzkie Opowieści Ludowe".