CO TYDZIYŃ PO NASZYMU: Trowe idzie posioć aji na betónie ale łostuda by była z kwiotkami

"A tak to je "zapicowane ",że nie wiym jako to je s tym 3 za 1...". fot. FJD

Dzisio Wóm zaś poczytóm po naszymu opowiadanie "O dawnym Cieszynie", Aleksandra Widery z książki "Od Cieszyna do Gogolina". fot. FJD

Szanowni internauci i miłośnicy naszej cieszyńskiej gwary: Zapraszamy Was do wystartowania w konkursie na "Najpiękniejsze Cieszyńskie Słowo". Na naszym portalu www.gazetacodzienna.pl należy kliknąć na wiadomości a potem w spisie odszukać hasło "Najpiękniejsze Cieszyńskie Słowo" i w ten sposób można zapoznać się jak wystartować w konkursie. Kupon konkursowy można też otrzymać we wszystkich bibliotekach powiatu cieszyńskiego od Istebnej po Zebrzydowice. Dlatego zachęcamy też wszystkich, którzy preferują pismo odręczne o pobranie i wypełnienie kuponów konkursowych w naszych powiatowych bibliotekach.

cd. słownika:

ankrować - używać klamry do spinania
Musielimy dzisio wartko ankrować ściane coby sie nie obaliła.

aport - ubikacja
Kiejsi ludzie mieli aport za chałupóm.

SZPACYRKYM PO CIESZYNIE

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydze rozumioł
to jyny wiater bydzie po naszymu szumioł"

Rychlij niż nowe bóty

Dzisio uż tym miejskim wachtorzóm dómy pokuj i doczkómy aż cosi nowego wynochwióm. Być możne,że bydzie to rychlij niż nowe bóty jako to kiejsi starzi cieszyniocy prawili. Kapke dalij za tym krzeftym, kiery sie chce wartko pozbyć jakisi kolekcyji je pizzeryja w kierej też mogymy zrobić dobrze naszymu żołóndkowi i strzewóm. Łoblepili to przerozmajtymi reklamami coby jyny kogosi nacióngnóć na kupijyni jejich wyrobów. A tak to je "zapicowane", że wubec nie wiym jako to je s tym 3 za 1, czy jedna wielko i ku tymu dwie mjynsze czy na łopak. Je to ganc móndre, bo eszcze o co sie naprowde rozchodzi je napisane takimi maluśkimu literkami ganc na spodku tego plakata. To je tak ze wszeckim w dzisiejszych czasach bo jyno chodzi o to coby namówić kogosi coby wloz do postrzodka a potym tak ś nim sie wyzwyrto, że sie mu z kapsy pinióndze wycióngnie. Jesi mómy akurtat przileżytoś meblować nasz kwartyr to jak pojymy tej pizzy to mogymy zozdrzić do meblowego kszeftu co sie nazywo "Bodzio". Myślym se, że możne też isto kszefcóm królikami bo na schódkach eszcze zeszły tydziyń mieli moc rozmajtej trowy jako na rajczuli. Możne kierómsi odmaryje przerobili na króliczok i prziszeł im taki dobry napad coby za tóm trowóm daleko nie chodzić i posioli jóm na schódkach. Musiały sie im isto ty króliki łokocić bo trowa je uż wyszkubano ale ni do korzynia coby zaś jak popadze nowo urosła.

A teraz zaś fajny wic:

Do gospody w Istebnym przszeł łokropnie zmordowany letnikorz. Musiało go fest suszyć bo nie wydziwioł jyno chcioł byle czego sie napić. Gospodzko nic inszego uż ni miała jyno piwo ze śliwek i to to mu przedała. Łón jadnakowóż był zwiedawy jako to piwo sie robi i sie dowiedzioł, że je to normalne piwo jyno pośliwane do kupy z resztek co w kryglach zustowo jak kiery nie dopije.

Mjyjcie sie wszedcy dobrze i wiesiołego popióntku.

Dzisio Wóm zaś poczytóm po naszymu opowiadanie "O dawnym Cieszynie", Aleksandra Widery z książki "Od Cieszyna do Gogolina".