, sobota 29 stycznia 2022
CO TYDZIYŃ PO NASZYMU: Nieprzidajne wieca, czasami idzie aji przedać
Dziynka tymu, że na polu łostatnio mómy piekny czas, rotuzowi zaś dali powolyni na kszefcyni rozmajtymi ździorbami i hobami na rynku w Cieszynie.  fot: FJD



Dodaj do Facebook

CO TYDZIYŃ PO NASZYMU: Nieprzidajne wieca, czasami idzie aji przedać

CO TYDZIYŃ PO NASZYMU: Nieprzidajne wieca, czasami idzie aji przedać

”...pierściónki i oryngle...”. fot. FJD


CO TYDZIYŃ PO NASZYMU: Nieprzidajne wieca, czasami idzie aji przedać

”...rogi od lelynia i sarnioka...”. fot. FJD

Szpacyrkym po Cieszynie
“Gdo sie za swój jynzyk wstydzi takim nich sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie tóm biołóm szczałke w tej czyrwiónej kostce, kieróm nóńdziecie pod spodkym”.

Kapkem utarżyć

Dziynka tymu, że na polu łostatnio mómy piekny czas, rotuzowi zaś dali powolyni na kszefcyni rozmajtymi ździorbami i hobami na rynku w Cieszynie. Ludzie roz za jakisi czas majóm takóm przipadłóś, że naroz poradzóm klupnóć sie po czapani i prziś na to, co by dobre było chałupy wyciepać. Cały tyn kszeft je dycki możebny w piyrszóm niedzielem miesiónca i to powolyni funguje yno na rynku. W tyn dziyń, każdy co mo dóma cosi do wyciepanio, żynie s tym na rynek i rozmyślo jakoby tóm niepotrzebnóm wiec kómusi pociś. A tych wiecy, tam na rynku idzie uwidzieć przeogrómnie moc. Rozmajte żbónki, stare garce, wszelijako oblyczka, ksiónżki, stare pinióndze, poski do galot i sóm bóg wiy yno eszcze co. Uwidzieć też idzie rogi łod lelynia i sarnioka, a ku tymu rozmajte łobrozki, zdrzadła, talyrze, pirściónki i oryngle. Dycki sóm to wieca, kiere ludzie powysmukowali s piwnic, abo ze strychów, ale moc też je takich, kiere stoły kómusi na szranku i naroz prziszeł na to, że tego dziwanio uż mo doś i trzeja sie ji pozbyć. Bo tu przeca nie ło same dziwani sie rozchodzi, ale roz za kiedy trzeja s tego charapucio prochy pościyrać. W dzisiejszych czasach jak uż ty rozmajte wielki kszefty przestały fungować w niedzielem, to lepszyj by było pohandlować na jejich parkingach tym starymi i aji s nowymi wiecami. Mómy przeca moc kszeftów na Głymboki, kiere ledwo przyndóm i na ziher roz do tydnia ta jejich łoblyczka i insze wieca, mógły by se powydychać świyżym luftym, a letnikorze, kierzi sie plyntóm w niedziele po Cieszynie, dali by im też cosi kapkem utarżyć.

Mini słownik gwary cieszyńskiej:

na polu - na zewnątrz, piekny czas - ładna pogoda, powolyni - pozwolenie, kszeft - sklep, ździorba,hoba - niepotrzebne rzeczy, poradzóm klupnóć - potrafią puknąć, czepóń - głowa, wyciepać - wyrzucić, dycki - zawsze, funguje - funkcjonuje, żynie - gna, wiec - rzecz, kómusi pocić - komuś wepchnąć, idzie uwidzieć - można zobaczyć, oblyczka - ubranie, żbónek - dzbanek, zdrzadło - lustro, oryngle - kolczyki, dycki - zawsze, szrank - komoda, prziszeł na to - wpadł na to, tego dziwanio - tego patrzenia, prochy - kurze, na ziher - na pewno, luft - powietre, letnikorz - turysta, utarżyć - zarobić.

Tóż miyjcie sie wszedcy dobrze i wiesiołego popióntku!

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama