CO TYDZIYŃ PO NASZYMU: Lepszyj dzierżeć pinióndze w geldtaszce"...moc wywieszónych rozmajtych chwolideł". fot. FJD "..nie spuszczać łoczy ze żodnej ściany...". fot. FJD "...abo insze szrubunki i waserlajtungi...". fot. FJD Dzisio Wóm zaś poczytóm po naszymu opowiadanie "Jacy my sóm", Zbigniewa Niemca z książki "Kaj idziesz człowiecze". fot. FJD być zawsze do prawjynio gotowo a jak cie uż żodyn nie bydze rozumioł to jyny wiater bydzie po naszymu szumioł" Łod rynku sóm my uż doś daleko, ale s tego se nic nie robióm rozmajci kszefciorze. Kaj sie yno do i na czym sie yno do chcóm na ludziach cosi utarżyć. Kapke niżyj łod tych dochtorów co lyczóm uszy i zymby je kszeft w kierym mogymy se objednać kuchynie, łodmaryje, sztokerliki i eszcze insze wieca, kiere widać na fijołkowych chwolidłach. Kaj to tam łóni wszecko pomieścili tego nie wiym, bo po wyrchu tyn kszeft nima zaś taki chrozny, a kansi to trzeja było przeca wszecko upuczyć. Chocioż teraz mómy taki czasy, że moc wiecy ludzie kupujóm i przedujóm przez komputry i dóma tego ni majóm na składzie. Co chwilem idzie słyszeć, że kierysi zamias objednanych i zapłacónych wiecy dostoł kiśnie skolo abo nie doczkoł sie do dzisia żodnej wiadómości. W gazetach ło tym piszóm, we telewizorze ukazujóm, ale mocie ludzie rozum nima tydnia coby my nie słyszeli, że kogosi łobrali s piniyndzy. Ale ni stych pinidzy co my kiejsi noszowali w pularesach abo geldtaszkach, ale s tych co niby mómy w plastiku i żodyn ich nie widzi. Biyda je, jak przidzie do płacynio kansi we sklepie a przedowaczka prawi nóm, że towor trzeja spadki niechać na regale i iś ku chałupie, bo pinióndzowy plastik zustoł uż przez kogosi wypróżnióny. W placu po drugi stronie cesty je kszeft w kierym mogymy eszcze płacić prowdziwymi pinóndzami jak chcymy se kupic jakisi wieca, kiere sóm nóm przydajne do kómpanio, grzocio abo insze szrubunki i waserlajtungi. W tej chałupie je eszcze moc inkszych wiecy do kupiynio,ale co tam je to na to mogymy dziepro prziś jak nie bydzie nóm luto zmitrynżyć kapke czasu. Je tam ogrómnie moc wywieszónych rozmajtych chwolideł i coby wszecki poczytać trzeja to obynś dołokoła i nie spuszczać łoczy ze żodnej ściany, płota, bramki ani nie zapómnieć ło dachu. Mini słownik: Mjyjcie sie wszedcy dobrze i wiesiołego popióntku. Dzisio Wóm zaś poczytóm po naszymu opowiadanie "Jacy my sóm", Zbigniewa Niemca z książki "Kaj idziesz człowiecze".
|
reklama
|
Pieknie Wóm wszystkim dziynkujym żeście mi odpisali. Jeżech okropnie rod bo teraz już wiym jako to je z tóm naszóm rzeczóm a przede wszystkim jeżech jednego pewiyn ,że Alzhaimer sie mie jeszcze nie chyto :)) Trzimejcie tak dalij z tym pisanim tukej ,bo jak Wy przestaniecie to nasza rzecz isto przepadnie jak starzikowe wiece kiere schowoł tyn Niymiec Alzhaimer. Ni ma ważne czy to "s" czy "m" na kóńcu słowa ,ważne że to je zrodzóne z naszej gwary! Jeszcze roz dziynkujym i pozdrawiam Wszystkich!
@Starzik Miecio
W naszyj gwarze rzóndzi sie s koncówką "s". Jako uż piszesz panoczku o tym jako na Istebnym to je, to jo od razu padom że tam to nejlepij widzimy. Jo zarówno tukej w Cieszynie a i na Trójwsi s chłapcami rzóndzimy "że idymy na siatkówkem" albo "na muzykem". Kiejsi żech tech słyszoł że te różnice pomiędzy tóm naszóm mową w Cieszynie a Trójwsi różni to , że tam je eszcze rzóndzą gwarą jabłunkowską. Jo nie wiem wiela w tym je prowdy ale pewnie cosika je.
Pozdrawiom pieknie.
Panie Starziku Mieciu ! To jest tak: naszą cieszyńska gwarą posługują się ludzie od Zebrzydowic aż do Koniakowa a po drodze jest jeszcze Strumień,Dębowiec,Skoczów i Brenna ca.70 km.W związku z tym każdej "gałązce" tego naszego regionu coś się należy z tego "miecha" naszej rzeczy. Ja starem się pisać tym środkiem tj.goleszowsko-skoczowsko-ustrońskim "dielektem." I tak np.: w Koniakowie sie gwarzi,w Ustróniu sie prawi a w Goleszowie/Cieszynie sie rzóndzi. W Cieszynie się mówi " kole połednia" a w Koniakowie - " kolem połednia". Staram się pisać tak aby większość była zadowolona.
Serdecznie pozdrawiam i zachęcam Pana do dalszego czytania i oczywiście pańskie wnuki także ! ! !
FJD
Panie Dralu, je Pan CIeszyniok? Tymu sie pytóm bo czynsto kóńczy Pan słowo literkóm "m" np. "co chwilem". Jeżech już starym Cieszyniokiym a moja siostra już downo tymu sie wydała do goraliji, to je do Istebnej i teraz jeja rzecz je kapke inakszo jako moja ,to je inszo o tóm literke "m" . Czasym prawi tak np." kolem połednia bydym warzić gryskem" a jo by powiedzioł "kole połednia bydym warzić gryzek" . Teraz żech już ganc zbaranioł bo se nie poradzym spómnieć czy Panoczek to źle pisze czy jo u schyłku życio pozbyłech nie yny swoji roki ale aji tóm literke "m" w naszej gwarze. Powiydzcie mi jako to mo być po prowdzie. Gratulujym Panie Dralu że tak pieknie tu piszecie w tym kónciku gwarowym bo dziynki tymu moji wnuki też tu czasym zaglóndajóm nie roz z ciekawości coście tu z tóm Paniczkóm z Zebrzidowic powynokwiali fajnackigo a nie roz jak cosi do szkoły potrzebujóm na wiedze o regionie. Pozdrawióm i proszym ni mieć za złe mojigo pytanio bo naprowde żech sie uż potracił ... gorzij jak doktorzi na to przidóm że sie mie chycił tyn Niymiec kiery wszystko kradnie a chowie...
Dodaj komentarz