CO TYDZIYŃ PO NASZYMU: Kaj sie yno do, to reklama sie reklamóm podpiyro "...na swjim placu powiesił plachte...". fot. FJD  "Ganc to samo je na Rynku pod laubami...". fot. FJD  "...kozały zapostrzić wszelijakimi papyndeklami...". fot. FJD  Dzisio Wóm zaś poczytóm po naszymu opowiadanie "Mili goście" Henryka Jasiczka, z książki "Humoreski Beskidzkie". fot. FJD cd. słownika: bebok - straszydło dla dzieci becherek - naczynie na alkohol być zawsze do prawjynio gotowo a jak cie uż żodyn nie bydze rozumioł to jyny wiater bydzie po naszymu szumioł" Tak se myślym, że uż isto niedłógo bydzie s nami kóniec, bo kierysi prziszeł na to coby reklamować plac na reklame. Bo jak kapke człowiek wylezie poza rynek to nie idzie uwidzieć żodnej chałupy coby nie była łoblepióno jakómsi reklamóm. A jak uż nima kónska nieposzkryfanej ściany to aji na rozmajtych gesztelach abo na kulikach wisi wszyndzi to pieróństwo. Piniyndzy nima na porzóndnóm tabulke, kiero by pokazowała jako dónś to tej naszej starucnej studni Trzóch Braci, ale Pón Dyrektor naszego muzeum na swojim placu powiesił płachte s kierej sie dowiymy kaj pozbyć sie naszych piniyndzy. Możne, że zabydzie mu gańba i doczkomy sie wartko jeji ściepanio. Ganc to samo je na Rynku pod laubami, kaj je tego tak moc, że nie idzie s łoczami przis do porzóndku i możne skuli tego mómy w Cieszynie telkowne geszefty s okulorami. Je też w naszym mieście przepiynknej urody klasztór, ale siostrziczki tam isto ciynko przyndóm bo szkarpe, kiero jak wszymóm je jejich kozały zapostrzić wszelijakimi papyndeklami i płachtami, coby kapke piniyndzy utarżyć. Insze miasta dejmy na to taki Kraków uż sie wziyły za to i jak żech słyszoł w telewizorni ganc im to snadno idzie. Rozmajci ludzie mianujom nasze miasto Małym Krakowym i możne skuli tego dobre by było coby łojcowie miasta prziszli do rzeczy s krakowiokami ło tym jako jim sie to podarziło. Worce przeca ukazować lufciorzóm i letnikorzóm wszecki piekne wieca, kiere kiejsi postawili nasi starzikowie i na tym chocioż prugować cosi utarżyć. Dobre by możne było coby ci trzo łojcowie miasta - Mietko, Janko i Adamko wziyli sie do kupy i tak jako w hańdownych rokach Mieszko, Bolko i Leszko duchli świyżego luftu naszymu miastu. I dobrze by było s tym duchanim jednakowóż kapke łopaternie coby nie obalić tego pieknego co nóm eszcze w Cieszynie zustało. A teraz zaś fajny wic: Nowoczka sie chwoli sómsiadce. - Wiycie coch dzisio dostała? - Co, co,możne, że jo też tam polecym i to kupiym. - Hemoroidy! - A kaj żeście ji dostali. - No w rzici! - Toś cie tacy! - Jak jo na cosi trefiym to wóm też tak powiym. Mjyjcie sie wszedcy dobrze i wiesiolego popióntku. Dzisio Wóm zaś poczytóm po naszymu opowiadanie "Mili goście" Henryka Jasiczka, z książki "Humoreski Beskidzkie".
|
reklama
|
|||||||||||||||
|
Wystowcie se ,że mie też to okropnie nasrowo te wszecki reklamy. Możne nie było by to taki straszne kie by te papyndekle a tabulki s reklamami były chocioż po naszymu! Jak uż ni po naszymu bo ponikierzi mógliby na to nie prziś skuli czego je ta reklama,to chocioż niech ich szkryfajóm po Polsku. A tu mocie same obcokrajowe reklamy. Styknie sie yny głymbokóm przyńś a uż sie wszystkigo odechciywo skuli tych reklam, człowiek sie może aji poczuć jak by nie był u siebie. A jak se cyknym cosi na kumputrze, baji taki internet tak nie zdónżym eszcze czego wklikać do wszechobecnego gógla(jo se piszym jako słyszym) a uż sie wciskajóm reklamy. Taki pieróństwo fórt człowieka nagabuje. To jakisi diety co by być jako ta karkoszka abo zaś ,yny kup se taki szampón a bydziesz mioł kudły jak małpa. Do rzici sie to wszecko ciśnie a ku tymu co roz bardzij ludzióm życi utrudnio. A tak se myślym ,że óni te chałpy tymu oklejajóm co by nie było znać jaki sóm odropane a zmazane. A tak na boku to eszcze powiym,że cało trójca jakóm Pan wymiynił jako tych co by sie wziyni do kupy i tchnyli nowego ducha do CIeszyna to trzeba wiedzieć ,że tako Trójca za darmo nic nie robi jako ta Trójca Świynto. Bo do Trójcy Świyntej sie rzyko i pryndzyj czy późnij cosi wyrzykać jednak idzie. Ale to uż ni ma iste, eszcze kapke a ponikierzi bydóm sie w reklamy oblykać. A do Anonima : wiysz od czego je kónserwator? Jo Ci powiym, kónserwator to robi za miastowego skarbnika. Jak byś se chcioł ,przikładowo kupić kamiynice to kónserwator bydzie głównym interesantym kierymu bydziesz fórt płacił. Bo to je niby ingeryncja w zabytek. Ónego uż nie obchodzi,że chcesz jóm np. wyremóntować itd. Jak ty nie zapłacisz to kamiynice i tak kiesi przewrócóm abo tak jak to teraz robióm oklejóm reklamami a óni mogóm oklejać bo nic nie muszóm dować na rychtowani kamiynic a eszcze s tego piniónżki majóm. Kónserwatoro obchodzóm yny pinióndze a ni zabytki. Takie je smutno prowda. Miyjcie sie dobrze. Dzisio piekno pogoda idym se kapke poszpacyrować .
wystarczy tylko sprawdzic czy od tych reklam ktos zaplacil chociaz 1 gr podatku i zaraz zrobi sie czysto
To co dzieje się pod laubami,pod Elżbietankami,na Głębokiej woła o pomstę do nieba.Gdzie miejski konserwator zabytków?Czyżby pobierał pienążki za nic?
Dodaj komentarz