CO TYDZIYŃ PO NASZYMU: Dzisio ludzie majóm prowdziwóm łostude s familijóm na papiórze "Obstoła sie yno filija cieszyński biblioteki...". fot. FJD  "...Rodzinny Ogrod Działkowy ”Tulipan”...". fot. FJD być zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym. Jeszcze sztyry tydnie tymu pisołech ło taki małej przibudówce na ulicy Trzanowskigo w kierej upuczóny był Zaspół Pieśni i Tańca Ziemi Cieszyński, a tu mosz chłopie uż sie im podarziło dostać inkszy wiynkszy kwartyr. Isto nie dostali go skuli tego mojigo pisanio ale rozmajcie to możne je. Daleko my sie łod nich nie rozegnali, bo Puńcowsko ulica po kierej dzisio bydymy dalij drepsić je ganc wedla. Na prociw tej kapliczki ło kierej łostatnio była rzecz stojóm bloki, kiere pore roków tymu doczkały sie nowego pucu. W piyrszym kiejsi egzystowala poczta, ale uż ji tam nie widać, bo isto jóm kierysi wygryz. Dzisio mómy taki czasy, że takich rozmajtych pocztorzy je tak moc, że bezmała nie idzie ich ani porachować. Obstoła sie tam yny filija cieszyński biblijoteki s kóntkym do czytanio książek, isto szpecyjalnie dlo tych co to czytani idzie im tam lepszyj, bo możne dóma s tym mieli by jakómsi ostude. Kapke dalij trefiymy zaś na Rodzinny Ogród Działkowy ”Tulipan”, kiery zawrzity je zielónóm bramkóm. Fórt tego nie wszymóm skyrs czego to musi być zawsze rodzinny, bo nie pasuje to do dzisiejszych czasów w kierych coroz wiyncyj ludzi nimo rodziny na papiórze. Wyglóndo na to, że coby taki przidzioł na zogródek dostać to baba musi sie wydać za chłopa a chłop ożynić s babóm i problym s papiórym bydóm mieć s czepani. Myślym, że uż potym do sadzynio ani inkszych prac polowych w tym zogródku nie trzeja bydzie mieć, żodnych kursów ani szpecyjalnych papiórów posztymplowanych razitkym. I to możne je dobre, że żodyn sie tam do nich nie wstyrko i wszedcy sadzom wszelijakóm zielynine, kierom kupióm w Cieszynie na torgu. Mini słownik: Miyjcie sie wszedcy dobrze i wiesiołego popióntku! Dzisiejszy tekst ma tytuł "Wszelijakóm zielynine".
|
reklama
|
|||||||||||||||
|
Dodaj komentarz