CO TYDZIYŃ PO NASZYMU: Jakisi to je dziwoki, że Austriakowi stawio sie kapliczke, a Poloka wyciepujóm s ulice”...trzi kostkate sztyropiyntrowe chałupy...". fot. FJD "...widać zadek restauracyji “Maska”...". fot. FJD być zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym. Za tóm resteuracyjóm “Ogrodowa” przy kierej my łostatnio byli uż nic takigo nima, coby było worte opisywanio. Same doś piekne chałupki łod bogatszych tusteloków, kiere majóm piekne zogródki pozawiyrane dwiyrkami s porzóndnego zielaza. Tóż wrócymy sie spadki na ulicem Górnóm, kiero kiejsi krziżowała sie s Waryńskigo. Teraz to je Hallera i nie wiym gdo ś nich był porzóndniejszy boch ich nie znoł, ale wiym, że Józef Haller żył o pińćdziesiónt trzi roki delij łod tego Ludwika. Tak czy inakszyj na tej krziżowatce we winklu stojóm trzi kostkate sztyropiyntrowe chałupy, kiere postawili jak dobrze pamiyntóm w 1968 roku. Zaroz za nimi mómy dwa przistanki autobusowe po łobu strónach cesty, a jak pokroczymy kapke dalij to na krziżowaczce s ulicóm Dłógóm idzie uwidzeć kapliczke s XVIII wieku postawiónóm w hołdzie jakimusikej austryjokowi. Do postrzodka wlyś nie idzie, bo je zawrzito zieleźnymi dwiyrzami, a wedla nich na ścianie je prziszrubowano tabliczka s kierej idzie sie cosikej wywiedzieć. Ty daty na ni napisane nie pasujóm jednakowóż do prowdziwej ksiónżkowej wersyji wojny prusko-austriackiej. Żodyn isto nigdy na to se nie doł pozór, bo kapliczka je pieknie opucowano i nic ji nie chybio, a co pisze na tabulce to ludzie i tak nie czytajóm. Kónsek dalij kóńczy sie ulica Górno a zaczyno Puńcowsko, a łod ni odboczuje ks.Tomanka. Po lewo na taki małej szkarpie widać zadek restauracyji “Maska”, kiero za sosjalizmu mianowała sie ”Nowa” i to też kómusi zawadzało, bo przechrzcił to po swojimu.J ak sie dzisio spytocie byle kogo s posuniyntych w rokach cieszynioków to na zicher żodyn ni wiy kaj ta gospoda “Maska” je. Mini słownik: Miyjcie sie wszedcy dobrze i wiesiołego popióntku! Dzisiejszy tekst ma tytuł "Mianowała sie Nowa".
|
reklama
|
a gdzie mój komentarz?
.................a Górna nie kończy się koło kapliczki!!!!!!
a ta kapliczka stoi, odremontowana, dzięki staraniom jednej Pani...
te je zawdy tak pieknie napisane, żech je furt rod, jak to czytóm... dziynka!
Dodaj komentarz