, piątek 21 czerwca 2024
 CO TYDZIYŃ PO NASZYMU: Stare szyldy na chałupach prawióm nóm ło jeji historyji
Jakisi Singer fot: FJD



Dodaj do Facebook

CO TYDZIYŃ PO NASZYMU: Stare szyldy na chałupach prawióm nóm ło jeji historyji

FJD
 CO TYDZIYŃ PO NASZYMU: Stare szyldy na chałupach prawióm nóm ło jeji historyji

”...rozrażónej chałupy...”


 CO TYDZIYŃ PO NASZYMU: Stare szyldy na chałupach prawióm nóm ło jeji historyji

”...wyblaknióny szyld...”

Szpacyrkym po Cieszynie
“Gdo sie za swój jynzyk wstydzi takim niech sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Jakisi Singer

Kiery mo łoczy dookoła czepani to nima możne, coby dziynnie nie uwidzioł cosi zaimawego w naszym pieknym mieście. A tego je tak moc, że idzie fórt cosi ciekawego spozdrzić prawie na każdej ulice. Dejmy na to, przi Hażlaski wedla taki starej rozrażónej chałupy, je tam nowo ulica. Nie wiym kiery dlo ni wyszpekulyrowoł miano, ale sie mi zdo, że tego Jakuba Singera łod kierego mo to miano, mioł isto we swoji familiji. Szpekulyrujym tak tymu, bo to miano nie pasuje do żodnego zasłóżónego Poloka ani Cieszynioka. Podarziło mi sie nónś yno trzóch – jedyn kansi za niymca pos barany, drugi mo we starości jakisi zieleźne gesztele w mieście Chojnice, a trzeci, za drugi wojny zustoł w Czechach uśmiercóny. Możne gdo wiy, gdo to naprowde był tyn Jakub Singer, bo dobrze by było wiedzieć czym sie zasłóżył i skyrs czymu mo dzisio w Cieszynie swojóm ulice. Kiejsi wszecki szwoczki szyły galaty, kaboty, spotki i rozmajte szaty na singerkach. Ty singerki to były maszyny do szycio, kiere wyszpekulyrowoł jakisi Singer, ale było mu na miano Isaac i na iste był wyznania mojżeszowego. Tak czy inakszyj żodyn ś nich nie pasuje do Cieszyna i skyrs tego dalij móm bolyni w czepani i nie wiym kómu i do czego przirazić to miano. Kónsek dalij idzie uwidzieć takóm staróm rozrażónóm chałupe na kierej je przirażóny wyblaknióny szyld “Punkt Usługowy”- tapicersko/stolarski, a wedla niego po prawo je czyrwióno szczałka“Tapicer”. S tego co wiym to tyn panoczek, kiery tam tapicerowoł uż s dziesiyńć roków spi se na kierchowie i mo isto dzisio we starości rozmajte meble łod cherubinów i serafinów.

Mini słownik:
czepań-głowa,
fórt-ciągle,
zaimawy-ciekawy,
wedla-obok,
rozrażóny-rozwalony,
isto- na pewno,
wyszpekulyrowoł- wymyślił,
nónś- znaleźć,
gesztel- konstrukcja,
skyrs-z powodu,
miano-nazwa,
przirazić-przyłączyć,
kierchów-cmentarz,
we starości-pod opieką

Tóż mjyjcie sie wszedcy dobrze i wiesiołego popióntku

Komentarze: (3)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

A proszę bardzo: https://pl.wikipedia.org/wiki/Stary_Cmentarz_%C5%BBydowski_w_Cieszynie

Regionalny język jest piękny! Notujmy, pilnujmy żeby nie zaginął! Trzeba dbać o swoją historię i dziedzictwo!

Ulica Singera istnieje kilkadziesiąt lat, a została dla wygody jej mieszkańców połączona z ul. Hażlaslą. Ale jak się patrzy na koniec zamiast na początek to się ma takie rozumowanie.Jakub Singer wykupił teren obecnego cmentarza żydowskiego jako miejsce pochówku dla siebie i swojej rodziny. Jeśli ktoś nie wie kim był Jakub Singer proszę poczytać odpowiednią literaturę a nie internetowe wypociny.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama