Taki mómy fórt piekny czas, że szpacyrować mogymy dalijF.J.Dral, współpracownik portalu gazetacodzienna.pl, prowadzi kącik gwarowy "Co tydziyń po naszymu", fot. ARC Szpacyrować namowjóm Was dalij ale do pisanio po nyszymu też. Bo to szpacyrowani je zdrowe a zawsze cosi sie pieknego w Cieszynie uwidzi. Bo jednakowóż coroz wiyncyj chałup je pieknie opucowanych i je po co głowy dźwigać do góry. Mógłoby by być eszcze lepszyj ale isto miasto nimo tele piniyndzy aby to wszechno wartko zrychtować. Ale jak dwa tydnie tymu jedyn z naszych czytelników "Walter" napisoł, że szpacyrować też idzie po strónach ksiónżek napisanych po naszymu to bych Wóm radził poczytać też insze ksiónżki, kiere napisali: - Karol Piegza "Sękaci ludzie", "Tam pod Kozubową", "Opowiadania beskidzkie" - Adam Wawrosz "Z naszej nolepy", "Z Adamowej dzichty" - Józef Ondrusz "Proza ludowa górników karwińskich", "Przysłowia i powiedzenia ludowe ze śląska Cieszyńskiego" - Władysław Wrana "Prowdziwe starzikowe opowiadania" i eszcze moc inszych ksiónżek o kierych Wóm napiszym za tydziyń. A jesi gdo zno abo mo eszcze insze ksiónżki to napiszcie. Szpacyrkym po Cieszynie "Moja ty słodko cieszyńsko mowo Tam a spadki Tóż tak przez pore miesiyncy przeszmatłalimy sie po Glymboki tam a spadki aż dostalimy sie zaś na nasz piekny Rynek. I jak by se kierysi myśloł, że tyn czas, kiery minył cosi pumóg naszymu rynkowi to sie moc zdziwi. Tak jak nie było kaj stanóć na chwile bez sztrafu kole poczty tak je do dzisia. Jak świniły gołymbie na wszeckim na czym siadły a szpecyjalnie obsrywały "Floryjana" tak dalij świnióm. Na ratuszu jak nie było w łoknach żodnych pieknych kwiotków tak dalij ich nima. Tak samo jak auciska jeździły po rynku tak jeżdżóm dalij i fórt ich żodyn nie przeganio. Jak prawie "mortwy" był nasz "Jelyń" tak je dalij bo przeca żodyn telkownych piniyndzy za miyszkani w starej chałupie nie do. Jak na chałupie w kierej je poczta dalij nima szyldu i fórt to żodnymu nie wadzi. Fest mi je luto, że ojcowie miasta nic sie nie satarajóm co by letnikorzóm, kierzy przijyżdżajóm obezdrzić nasz piekny Cieszyn było lekcij wszyndzi trefić i zapamjyntać jako tu je pieknie. Fórt jednakowóż móm nadzieje, że na rok bydzie w naszym Cieszynie pieknij i czyścij niż bylo latoś. A teraz zać fajny wic: Francek! To ty tu siedzisz w gospodzie a jo se myśloł ześ je dóma. - Czymu? Bo jak żech szeł kole twoi chałupy toch przez łokno widzioł jakigosi chłopa! - To był isto twój kolega? - Żodyn kolega to je ganc cudzy chłop! Tóż mjyjcie sie wszedcy dobrze i wiesiołego popiątku. F.J. Dral czyta opowiadanie "Jako ujec z gróntym robili porzóndek" Anny Filipek z książki "Na żiwot w grudniu".
|
reklama
|
Pieróny, cożeście to porobili, dyć to je prawdziwo pruba nerwów dostać sie teraz ku Wóm. Wierzym, że to jeszcze jakosi uprościcie. Tak Wóm życzym, niech sie w wyniku tych "udogodniyń" numer dyskutantów jeszcze bardziyj nie zmiynszy
Tam kaj teraz miyszkom, majom taki powiedzyni: "kupe sie czlowiek musi naposlochac niz uszy odpadnom", (a moi juz som teraz na odpadnienciu).
Zuza, szacunek dlo zwierzónt je kwestyjóm humanizmu, ni pobożności. Chrześcijaństwo przeca uznowo zwiyrzoki jyny jako istoty słóżónce ludzkimu żołóndkowi, a ni jako stworzynia z duszóm. ;)
Ja,dziwne, ze w takim poboznym poboznym kraju jak Polska nazywo sie tych co majom radzi zwierzeta ”starymi klempami”…
Ale to je jednak, na szczynsci, nic w porownaniu z Maltom, jeszcze pobozniejszym krajym, kaj zabijo sie miljony naszych szpokow i inszych ptokow, co lecom do cieplych krajow
Moja starka zawsze prawiła:laloś lecykany lobili mi pschodziło.A łod tego żeby ty"stare klympy" nie suły to obili po cestach i po rynku je pón Szczurek i spółka.Majóm przeca swoich wojoków /Straż Mjejską/ i majóm im kozać przeganiać to towarzystwo.Dać na rynek szpecyjalne kiśniczki z antykócepcyjnym obiliym i sie skóńczy z niekóntrolowanym kocynnim gołymbi.Jyno trzeja chcieć a nie łoglóndać Ryrek spoza firanek.Do roboty łojcowie i radcy miasta do roboty ! ! !
niedługo ruszy, cierpliwości Panie Dral.
drugi tela
to wysypujóm drugi tyla po cestach
co popadnie. tak długo, jak stare klympy bydóm nosić pełne siatki łobilo na rynek!
Dodaj komentarz