Obalić staróm chałupe to dycki ni ma żodno sztuka, ale procnij je nowóm chałupe postawić, a tym tuplym cosi starego poprawić coby łoczy radwało. fot: FJD
CO TYDZIYŃ PO NASZYMU: Zbulać chałupe to ni ma procno wiec
“Gdo sie za swój jynzyk wstydzi takim nich sie każdy brzidzi”
"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"
POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie tóm biołóm szczałke w tej czyrwiónej kostce, kieróm nóńdziecie pod spodkym”.
Kozoł jóm zbulać
Obalić staróm chałupe to dycki ni ma żodno sztuka, ale procnij je nowóm chałupe postawić, a tym tuplym cosi starego poprawić coby łoczy radwało. My sóm w Cieszynie jednakowóż szpecjalistami łod bulanio wszeckigo co nóm chocioż kapke nie pasuje. Mało gdo se eszcze isto dzisio spómino, na takóm pieknóm chałupke, kiero była ganc podobno do małego belwedera. Dzisio tam stoji kszeft z rozmajtymi wiecami, kiery Lidlym sie mianuje i uż dzisio ani żodyn se na nie nie spómino. Drugo też tako starucno, kiejsi stoła na Zamkowej na prociw Motozbytu w kierej we winklu mioł swój kszeft szkorz. Była to naprowde zabytkowo chałupa, ale kómusi isto zawadzała i kozoł jóm zbulać. Do dzisia na tym placu nic nie stoji i ani porzóndnego trownika żodyn tam nie zasioł. Teraz prziszła raja na zbulani tej chałupy na granicy, przez kieróm telkowne roki przelazowalimy na przepustki do Czech. Za moc piekno to łona nie była, ale po wyrchu nic nie było po ni widać, coby trzeja jóm było obalić. W tym obalaniu rozmajtych chłup sóm my szpecjalistami, bo eszcze ganc przed wojnóm obalilimy Czechóm te kawiarnie Avion i ganc sie nóm to dobrze podarziło. Mało isto gdo wiy, że nie obalóno zustała naswol, ale przibrano zustała jak prziszeł nóm taki napad, coby szprignóć do luftu tyn most na Olzie. Czesi jednakowoż majóm inszóm noture i postawili se jóm po drugi na tym samym miejscu, kaj kiejsi stoła, coby se pospóminać jako to hańdownij szło se w siednóć i wypić kawem. My na prociw po drugi strónie Olzy postawiymy nowóm chałupe, wedla kierej podobno bydzie stoł tramwaj, kiery nie bydzie poradzioł przejechać ani metra do przodku, ani do zadku. Bydzie to kapke srandowne, bo przeca mógby jeździć chocioż na gumianych kołach po tej samaj ceście jak za Franca Jozefa. W inszych miastach taki tramwaje na elektryke jeżdżóm i lufciorze s tego majóm moc uciechy i radości.
Mini słownik gwary cieszyńskiej:
obalić - przewrócić/rozebrać, dycki - zawsze, procnij - trudniej, tym tuplym - podwójnie, kapke - trochę, gdo - kto, ganc - całkiem, kszeft - sklep, wieca - rzeczy, żodyn - nikt, na prociw - na przeciw, zawadzała - przeszkadzała, telkowne roki - długie lata, przelazować - przechodzić, po wyrchu - po górze, ganc - całkiem, podarziło - udało się, isto - prawdopodobnie, naswol - naumyślnie, napad - pomysł, szpringnóć - wysadzić, kaj - gdzie, hańdwnij - dawniej, wedla - obok, poradzioł - potrafił, srandowne - ucieszne, cesta - droga, lufciorze - turyści.
Tóż miyjcie sie wszedcy dobrze i wiesiołego popióntku!
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.
Dodaj komentarz