, piątek 29 marca 2024
CO TYDZIYŃ PO NASZYMU: Zacisze
"Gospoda kole tej szparkasy mianuje sie "Zacisze"... ". fot: Ewelina Szuścik



Dodaj do Facebook

CO TYDZIYŃ PO NASZYMU: Zacisze

EWELINA SZUŚCIK
CO TYDZIYŃ PO NASZYMU: Zacisze

"...ani nie wlezóm porzykać do kościoła...". fot. Ewelina Szuścik


CO TYDZIYŃ PO NASZYMU: Zacisze

"..wyciepióm swojóm familie na parkplacu...". fot. Ewelina Szuścik


CO TYDZIYŃ PO NASZYMU: Zacisze

"...chałpa w kierej lejóm do krygla zimny bier...". fot. Ewelina Szuścik

"Gdo sie za swój jynzyk wstydzi takim niech sie każdy brzidzi" .

Szpacyrkym po dziedzinie

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydze rozumioł
to jyny wiater bydzie po naszymu szumioł"

Pod trupka na zimny bier...

Ostatnio byli my przi szparkasie, tuż dzisio sie przyndymy kunszczyczek dalij. Tam hneda je tako piyntrowo chałpa w kierej lejóm do krygla zimny bier, a do sztamperli gorzołke. Idzie tam aji dostać cosi dobrego na zagryzini kie, by gdo naroz dostoł żyrki po kwicie. Dycki tam majóm fajnacki zulc, łogórek kiszóny abo chlyb ze szmolcym, a s takóm zagrychóm aji gorzołka lepszy szmakuje. Kieby tak, jaki chłop zabył tam do nocy, a potym baba by śnim wreszczała i nie dała we chałpie pojeś, tuż sie wartko może zwyrtynć do tej gospody i tam pojeś. Zawsze tam majóm dobre jedzyni, skuli tego, że ta gospoda je od panoczka kiery mo "Pass Hotel" w Zybrzidowicach, a paniczki kiere tam warzóm znajóm sie moc na swoim fachu. Gospoda kole tej szparkasy mianuje sie "Zacisze" isto skuli tego, że zaroz na prociw je kierchów, bo napewno ni stego, że tam żodyn nie chodzi i je cicho. Chłopy kiere tam chodzujóm smianowali jóm po swoimu "Bar pod trupkiym" i teraz prawióm, że po sumie idóm "...pod trupka" na bier, ale ponikerzi to ani nie wlezóm porzykać do kościoła, yny wyciepióm swojóm familie na parkplacu coby szli rzykać, a óni wde do gospody. Jako by nie było, to do srandy nie jedyn powiy, że w kościele był, bo całóm msze ganc fajnie, zawsze słychać na polu przed "Zaciszym". Do niedowna w tej gospodzie szło se fajnie potańcować. W soboty, młodzi schodzili sie tam na muzyke i dycki pieknie sie bawili nie roz aji do rana. Luto yny bo od niedowna ptoszki ćwiyrkajóm, że gospode bydóm zawiyrać, a na całego bydzie tam yny tyn hotel. Tak żech se wszymła, że jak tóm gospode zawróm, to sie dycki farorzowi bydzie podobać. Możne "co łaska" bydzie szumniejsze i frekwyncyja skoczy do wyrchu, yny jeżech ciekawo co na to ty chłopy, kiere sume szli odprawiać "Pod trupka" ...

Mini słownik:

  • Krygiel- kufel
  • Bier - piwo
  • Sztamperla - kieliszek
  • Gorzołka - gorzałka
  • Żyrka - głód
  • Kwit - wódka, gorzałka
  • Fajnacki - bardzo dobry
  • Zulc - galaretka z nóżek wieprzowych
  • Warzić - gotować
  • Kierchów - cmentarz
  • Porzykać - pomodlić się
  • Parkplac - parking
  • Sranda - żart
  • Zawiyrać - zamykać
  • Wszymnóć - pomysleć
  • Farorz - ksiądz
  • Frekwyncyja - frekwencja
  • Do wyrchu, na wyrchu - do góry, na górze

    Miyjcie sie wszedcy dobrze i wiesiołego popióntku!

    Dzisiejszy tekst ma tytuł ”Pod trupka na zimny bier...”.

  • Komentarze: (2)    Zobacz opinię czytelników (0)    Dodaj opinie
    Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

    Witóm pieknie! Ni móm nic na prociw tymu coby ganc spolszczyć tyn nieszczynsny "bier" i pisać po naszymu jak sie patrzi -bir :) Dycki my od Niymców nic dobrego nie dostali ,tuż na co fórt ty germanizmy głoskać. Ni? Jeżech moc rada,że mie też gdosi od czasu do czasu pochwoli. Uż mi sie zdało ,że kie prziszła wiosna to wymietła ludzi sprzed kómputrów i tymu yny lecykany ,gdosi cosikej napisze...Pieknie pozdrawióm !

    Żodyn uż Was paniczko downo nie pochwolił za to fajne pisani- to jo to dzisio zrobiym.A tyn bier to je niemiecki słowo i lepszyj by go było pisać po naszymu BIR - co Wy na to paniczko bo esi uż cosi spolszczómy to na całego ! ! !I

    Dodaj komentarz

    Zawartość pola nie będzie udostępniana publicznie.
    • Adresy internetowe są automatycznie zamieniane w odnośniki, które można kliknąć.
    • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
    • Znaki końca linii i akapitu dodawane są automatycznie.

    Więcej informacji na temat formatowania

    Image CAPTCHA
    Wpisz znaki widoczne na obrazku.
    reklama
    reklama