, niedziela 14 lipca 2024
CO TYDZIYŃ PO NASZYMU: Wszecko zjedzóne, wszedcy poloci i dzisio do roboty
”...rado isto s tego je tanksztela...”. fot: FJD



Dodaj do Facebook

CO TYDZIYŃ PO NASZYMU: Wszecko zjedzóne, wszedcy poloci i dzisio do roboty

F.J.DRAL
CO TYDZIYŃ PO NASZYMU: Wszecko zjedzóne, wszedcy poloci i dzisio do roboty

”...podobne jedzyni jao w tym McDonaldzie...”. fot. FJD


CO TYDZIYŃ PO NASZYMU: Wszecko zjedzóne, wszedcy poloci i dzisio do roboty

”Zaroz na prawo mogymy zjechać ku Biylsku...”. fot. FJD

"Gdo sie za swój jynzyk wstydzi takim niech sie każdy brzidzi" .

SZPACYRKYM PO CIESZYNIE

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Śniega nasuło

We Świynta nasuło kapkem śniega i wyglóndało to na Gody, ale brakło ustrojónych strómków, kiere uż downo zustały wyciepane. Były yno wszyndzi zajónce, ale trzeja było dzierżeć ich dóma, coby im szłapy nie zmarzły. Roz je pieknie, a po drugi zaś tyn czas mómy szpatny, bo kierysi tyn świat tak zrychtowoł, coby fórt bilans pogodowy wychodził na zero. Tak czy inakszyj do Kalymbic szło iś suchóm nogóm i dziwać sie na wszecki stróny. Pujdymy Katowickóm i zaroz po lewo za kierchowym idzie uwidzieć jak stawiajóm tyn downo obiecany McDonald. Nejbardziyj rado isto s tego je ta tanksztela, kierej na iste przibydzie klijyntów, ale isto yny na bynzinem abo diesla. Zawrzić bydóm musieć na zicher te kuchyń w kierej jak widać na chwolidłach majóm moc podobne jedzyni jako w tym McDonaldzie. Doczkómy pore miesiyncy i bydymy widzieć, kiery na tym dobrze wyndzie. Dalij pujdymy tym szyrokim chodnikym po kierym małoś niewiela gdo chodzi i nie wiym czy nie lepszyj zamias niego było zrobić szyrszóm cestem, kiero idzie ku Kalymbicóm. Je łóna fest dłógo, a przi ni przeogrómnie moc wiecy do łoglóndanio, kiere bydymy musieli obezdrzić. Zaroz po prawo mogomy zjechać ku Biylsku na dwupas, a ci kierzi tam stela przijechali muszóm doczkać na tych co jadóm łod Katowic, coby do nich nie wderzić i bez łostudy dostać ku Cieszynu. Kapke dalij trefiymy na takóm samóm łucieche, ale dlo tych co chcóm sie dostać ku granicy i też muszóm swoji łodstoć coby puścić tych co jadóm łod Kalymbic. Wszecko szło by przeciyrpieć, bo tych autów osobowych co jadóm ku Czechóm uż dzisio nima tak moc jak kiejsi, ale nadrobiajóm to TIRY, kierych gospodorze powiatu sie pozbyć nie poradzóm.

Mini słownik:

  • Gody - Święta Bożego Narodzenia,
  • szpatny - brzydki,
  • zrychtować - urządzić,
  • dziwać sie - patrzeć,
  • kierchów - cmentarz,
  • pujdymy - pójdziemy,
  • na zicher - na pewno
  • cesta - droga,
  • kiejsi - kiedyś.

    Miyjcie sie wszedcy dobrze i wiesiołego popióntku!

    Dzisiejszy tekst ma tytuł "Śniega nasuło”.

  • Komentarze: (0)    Zobacz opinię czytelników (0)    Dodaj opinie
    Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

    Dodaj komentarz

    Zawartość pola nie będzie udostępniana publicznie.
    • Adresy internetowe są automatycznie zamieniane w odnośniki, które można kliknąć.
    • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
    • Znaki końca linii i akapitu dodawane są automatycznie.

    Więcej informacji na temat formatowania

    Image CAPTCHA
    Wpisz znaki widoczne na obrazku.
    reklama
    reklama