, niedziela 4 grudnia 2022
CO TYDZIYŃ PO NASZYMU: Ukielznóć i złómać se klepeto to ni ma dobre
Łostatnio była tu rzecz ło tym, jako to Tustelok poradzi wszecko lepszyj łod Poloka i zdało mi sie, że uż nic lepszego nie poradzi wyszpekulyrować.  fot: FJD



Dodaj do Facebook

CO TYDZIYŃ PO NASZYMU: Ukielznóć i złómać se klepeto to ni ma dobre

FJD
Szpacyrkym po Cieszynie
“Gdo sie za swój jynzyk wstydzi takim nich sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie tóm biołóm szczałke w tej czyrwiónej kostce, kieróm nóńdziecie pod spodkym”.

Pudzie ukielznóć

Łostatnio była tu rzecz ło tym, jako to Tustelok poradzi wszecko lepszyj łod Poloka i zdało mi sie, że uż nic lepszego nie poradzi wyszpekulyrować. Ale to sie mi yno tak zdało, bo fórt jednakowóż Tustelok poradzi sóm siebie w tym wynokwianiu czegosi szpecyjalnego przedbiegnóć. Wszedcy przeca wiedzóm, że jak nasuje śniega, abo jak woda na trotuarze zamar-znie to na nim idzie ukielznóć i trzeja se fórt na to dować pozór. Ale kierysi mioł taki napad, coby na taki żółtej tabulce napisać ekstra wyłoślyni ło tym, że jak na nasuje śniega to na trotuarze pudzie ukielznóć. Tak rozmyśłóm, jaki to je prima napad, coby zamias posuć troruar jakómsi szlakóm, to styknie napisać, że je gładko i ło nic wiyncyj sie nie trzeja starać. Wszedcy przeca wiecóm, że każdy kiery mo wedla chałupy trotuar, a na niego nasuje śniega, to mo go wartko pozgrzybać i nieskorzij nasuć na niego piosku abo szlaki. Kosztuje to dycki kapke czasu i siły, ale nie wszeckim sie chce, abo majóm skrymbiały sztyl przi łopacie. Skyrs tego lepszyj bydzie postawić na chodniku takóm żółtóm tabulke, na kierej bydzie wyłoślóne jako trzeje stawiać klepeta na trotuarze, kiery mo na siebie kapkem śniega, abo jak je cały gładki łod lodu. Jak tak dalij pudzie to za jakisi czas uwidzymy na cestach razmajte tabulki na kierych pudzie poczytać, że jak kiery w zimie kopyrtnie, a bydzie mioł naździote na swojich klepetach latowe strzewiki, to żodno insztytucyja asekuracyjno jak se złómie klepeto to nie do mu kónska złomanego grosza na rechabilitacyje.

Mini słownik gwary cieszyńskiej:

była tu rzecz - była tu mowa, poradzi - potrafi, wyszpekulyrować - wymyślić, poradzi - potrafi, przedbiegnóć - wyprzedzić, nasuje śniega - napada śniegu, ukielznóć - pośliznąć, fórt pozór - ciągle uwagę, napad - pomysł, szlaka - żużel, wyłoślyni - wytłumaczenie, starać - martwić, wedla - obok, pozgrzybać - pozgarniać, dycki - zawsze, kapke - trochę, skrymbiały - zbutwiały, sztyl - rękojeść, skyrs - z powodu, klepeta - nogi, cesta - droga, kopyrtnie - przewróci się, naździote - naciągnięte, strzewiki - półbuty.

Tóż mjyjcie sie wszedcy dobrze i wiesiołego popióntku

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama