, piątek 29 marca 2024
CO TYDZIYŃ PO NASZYMU: Sztreka mo dycki dwa glajzy po kierych żynóm cugi
Nikierzi prawióm, że zwyk to je taki drugi charakter człowieka i też tymu jak gdo do czegosi prziwyknie, to aji ze zawrzitymi łoczami poradzi wszyndzi trefić.  fot: FJD



Dodaj do Facebook

CO TYDZIYŃ PO NASZYMU: Sztreka mo dycki dwa glajzy po kierych żynóm cugi

FJD
Szpacyrkym po Cieszynie
“Gdo sie za swój jynzyk wstydzi takim nich sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Weprać jedynke

Nikierzi prawióm, że zwyk to je taki drugi charakter człowieka i też tymu jak gdo do czegosi prziwyknie, to aji ze zawrzitymi łoczami poradzi wszyndzi trefić. Skyrs tego, isto ci co nóm wykidali tyn nowy asfalt na ulicy Brodzińskigo postawili tam znak STOP, chocioż dziepro za rok po tej sztrece bydóm tam jeździły cugi. Nie wiym czy to je dobry napad, bo przeca jak gdo sie bydzie naprowde tam przed tóm sztrekóm uż łod dzisia zadzier-żowoł swojim auciskym, to za każdym razym musi nieskorzij weprać jedynke i przidać gazu. Czy to bydzie dlo ekologije dobre, tego na zicher nie wiym, ale łóni to isto łodgapili s Mnisztwa, kaj taki sóm znak stoł przed sztrekóm przeszło dziesiyńć roków, a żodyn cug po ni nie jeździł. Możne, że łóni to zrobili tymu, coby uż łod dzisia ludzie prziwykli do tego, że jak cug jedzie, to trzeja stanóć na ceście i nic wiyncyj nie kómbinować. Łod czegosi trzeja przeca zacznóć s tym zastawianim sie na ceście, bo uż idzie słyszeć, że za porem miesiyncy bydzie to nas czakać przed każdóm zebróm na ceście. Możne też to je tymu, że my wszedcy, dycki co sie yno do, robiymy na łopak, bo taki mómy szpatny charakter. I tak rozmyśłóm, że coby chocioż kapke u kogosi łognóć tyn nasz szpatny zwyk, to nie styknie go ło to popytać, a jednakowóż trzeja dać mu dycki na to wiyncyj czasu. Czy akurat tyn rok rezerwy styknie, tego nie wiym, ale prógować nigdy ni ma za nieskoro, bo a nuż cosi w człowieku sie naroz zwyrnie i bydymy sie ś nim mógli dorzóndzić.

Mini słownik gwary cieszyńskiej:

nikierzi - niektórzy, zwyk - przyzwyczajenie, zawrzitymi - zamkniętymi, skyrs - z powodu, isto - zapewne, wykidać - wylać coś gęstego, sztreka - tor, cugi - pociągi, napad - pomysł, zadzier-żowoł - zatrzymywał, nieskorzij - później, weprać - wepchnąć/włożyć, na zicher - na pewno, łodgapili - skopiowali, cesta - droga, dycki - zawsze, szpatny - brzydki, zwyrtnie - obróci, dorzóndzić - porozumieć.

Tóż miyjcie sie wszedcy dobrze i wiesiołego popióntku.

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama