, poniedziałek 8 sierpnia 2022
Co tydziyń po naszymu: Szparkasa musi być
"...dejmy na to tako szparkasa...".  fot: Ewelina Szuścik



Dodaj do Facebook

Co tydziyń po naszymu: Szparkasa musi być

EWELINA SZUŚCIK
Co tydziyń po naszymu: Szparkasa musi być

" Hańdownij był tam kszeft s butami...". fot. Ewelina Szuścik


Co tydziyń po naszymu: Szparkasa musi być

"...je też fryzjer...". fot. Ewelina Szuścik

"Gdo sie za swój jynzyk wstydzi takim niech sie każdy brzidzi" .

Szpacyrkym po dziedzinie

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydze rozumioł
to jyny wiater bydzie po naszymu szumioł"

Gdo szporuje...

Szumno pogoda dycki naganio nas coby sie przyńś szpacyrkiym po dziedzinie i podziwiać ty wszecki Boże wieca. Postrzód tego co stworził to znóńdymy też mocka hałdamaszu kiery doimyntnie ani nie lożoł kole szłapy naszego stworziciela dejmy na to tako szparkasa kiero u nas isto na swol je wedla kościoła. W Zybrzidowicach kónszczyczek dalij od hańdownej piekarni, przi kierej ostatnio my byli, je też tako mało chałupa w kierej pómału rzóndzi yny pinióndz. Ponikierzi majóm radzi tam chodzować i wybiyrać se tam stela pinióndze, bo tyn gdo szporuje tyn mo gelt na udani. Gorzij mo tyn gdo mo pusto w kapsach a trzeja mu róntym pinindzy, bo gelty w tej chałpie wartko wóm pojczajóm yny po tym czakajóm coby wrócić moc wiyncyj. Skuli tego trzeja se wszymnyć czy bydymy mieć na tela pinindzy coby tym żyżmónióm to po tym wrócić. W tej małej chałpie je też fryzyjer tuż kie by jakisikej paniczce brakło hrubszych w geldtaszce, dejmy na czyrwióne szkuty to pojczowaczke mo na pozoryndziu. Hańdownij tam był kszeft s butami, po tym kole szparkasy w jednej raji sprzedowali tam dźwiyrze i łokna, a aji jednego razu szło tam dostać szumne lónty dlo paniczek, yny nie wiym czymu wszecki ty kszefty padły kole tej szparkasy? Tak żech se wszymła, że isto ludzie moc tam pojczowali coby kupować ty wieca, bo bank był na pozoryndziu, a dycki dzisio nic na gebyno nie dostaniesz. Abo zaś moc pojczowali ci kierzi tam kszefcili i tymu obstoła sie yny szparkasa... Jako by nie było, nasze żywobyci na złość kulo sie kole pinióndza na okryntke tam a spadki. Jak na ryngiszpilu zwyrto człowiekiym co od swojij biydy chce uciyc i nie roz po takim hałdamaszu na moc roków zóstowo nimocny na biyde kieróm kiesi pojczoł se we szparkasie...

Mini słownik:

  • szparkasa - kasa oszczędnościowa, bank,
  • szporować - oszczędzać,
  • postrzód - pośród,
  • doimyntnie - dosadnie,
  • szłapa - stopa,
  • ponikierzi
  • tam stela - stamtąd,
  • gelty - pieniądze,
  • kapsa - kieszeń,
  • wszymnyć - przemyśleć, pomyśleć,
  • żyżmóń - sknera,
  • wrócić - oddać,
  • geldtaszka - portmonetka,
  • czyrwióne - czerwone,
  • pojczowaczka - pożyczka,
  • na pozoryndziu - pod ręką,
  • lónty - ubrania,
  • pojczować - pożyczać,
  • gebyno - kredyt,
  • żywobyci - życie,
  • na okryntke - na około,
  • ryngiszpil - karuzela,
  • zwyrto - obraca się,
  • nimocny - chory.

    Ewelina Szuścik poleca: "Złoty kłos" w Zebrzydowicach

    W dniach od 1 do 3 maja Zebrzydowice zapraszają na XXI Międzynarodowy Przegląd Zespołów Regionalnych "Złoty Kłos". Imprezy towarzyszące temu wydarzeniu to m.in. plener malarski, kiermasz kwiatów i krzewów ozdobnych oraz kiermasz artystów ludowych. W sobotę 3 maja o godz. 17.00 rozpoczyna się także Festyn Ludowy na którym zagra zespół "Image". Szczegółowe informacje, oraz całkowity program imprezy do pobrania ze strony www.gok.zebrzydowice.pl.

    Miyjcie sie wszedcy dobrze i wiesiołego popióntku!

  • Komentarze: (0)    Zobacz opinię czytelników (0)    Dodaj opinie
    Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

    Dodaj komentarz

    Zawartość pola nie będzie udostępniana publicznie.
    • Adresy internetowe są automatycznie zamieniane w odnośniki, które można kliknąć.
    • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
    • Znaki końca linii i akapitu dodawane są automatycznie.

    Więcej informacji na temat formatowania

    Image CAPTCHA
    Wpisz znaki widoczne na obrazku.
    reklama
    reklama