, czwartek 28 marca 2024
CO TYDZIYŃ PO NASZYMU: Szpacyrowani po cimoku, to ni ma dobry napad
Podziwejcie sie ludzie czego my sie doczkali ! Kiejsi wszedcy szpacyrowali po Cieszynie skyrs tymu, coby powydychnóć se kapke świyżym luftym i wyprościć kości, a tyn tydziyń szpacyrujóm sami młodziocy, kierzi majóm ty kości eszcze ganc zdrowe. fot: FJD



Dodaj do Facebook

CO TYDZIYŃ PO NASZYMU: Szpacyrowani po cimoku, to ni ma dobry napad

FJD
CO TYDZIYŃ PO NASZYMU: Szpacyrowani po cimoku, to ni ma dobry napad

”...naszkryfane na papyndeklach...”. fot. FJD

Szpacyrkym po Cieszynie
“Gdo sie za swój jynzyk wstydzi takim nich sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Robióm taki krawal

Podziwejcie sie ludzie czego my sie doczkali ! Kiejsi wszedcy szpacyrowali po Cieszynie skyrs tymu, coby powydychnóć se kapke świyżym luftym i wyprościć kości, a tyn tydziyń szpacyrujóm sami młodziocy, kierzi majóm ty kości eszcze ganc zdrowe. Mało tego szpacyrujóm po cimoku i robióm taki krawal, że ani bardzo nie idzie słyszeć, ło co sie im rozchodzi. Za to idzie uwidzieć naszkryfane na papyndeklach rozmajte wieca, kierych je tak moc, że nie idzie ani ich dobrze poczytać. Mało tego łóni szpacyryjóm po takich cestach, kaj kiejsi żodnymu ani by sie nie śniło, coby ku wieczoru sie tam plyntać. Tak sie mi zdo, że to szpacyrowani po cimoku i to w kupie, je dobre dlo tych, co normalnie dycki siedzóm dóma i dziwajóm sie do kómputra. Biere sie to isto też s tego, że naroz młodziocy prziszli na to, że idzie se normalnie ze sebóm porzóndzić i przestać s tym pisanim do sie yno sms-ów. Tak rozmyśłóm czy to sie może dobrze nie stało, że naroz wszedcy chłapcy i dzieuchy prziszli na to, że majóm gymby, kiere uż dlógi roki były zastote. Przeca ludzie prawióm, jak cosi je dłógo nie używane, to abo człowiekowi odpadnie, abo zarośnie i nieskorzij jak tego chybi, bydzie łostuda. To isto je łostatnio chwila na to, coby ty jejich gymby zaś spadki zaczły fungować i tak jak kiejsi zrobiły by sie przidajne do nabiyranio świyżego luftu. S tym świyżyym luftym, to jednakowóż bydzie kapke procne, bo jak sie mo na gymbie szmacianóm maske, to łóna za jakisi czas nawilgnie i nabiere sie na nie rozmajtego marasu. Tymu też dycki dobre je mieć w kapsie jakómsi rezerwnóm, kieróm w każdej chwiliczce bydymy se mógi zwekslować.

Mini słownik:

podziwejcie sie - popatrzcie się, skyrs - z powodu, kapke - trochę, luft - powietrze, ganc - całkiem, cimok - zmrok, krawal - hałas, naszkryfane - nabazgrane, papyndekle - tektury, cesta - droga, dycki - zawsze, dóma - w domu, prziszli na to - wpadli na to, dziwajóm - patrzą się, porzóndzić - porozmawiać, nieskorzij - później, łostuda - kłopot, spadki - z powrotem, maras - brud, kapsa - kieszeń, zwekslować - zamienić.

Tóż miyjcie sie wszedcy dobrze i wiesiołego popióntku.

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama