, piątek 1 lipca 2022
CO TYDZIYŃ PO NASZYMU: Po grochu se pierdnóć to je dziepro ulga
Latoś jakosi było mjynij tych rozmajtych cudoków w Cieszynie na rynku, a piniyndzy na WOŚP podarziło sie nazbiyrać moc wiyncyj jak łóńskigo roku fot: FJD



Dodaj do Facebook

CO TYDZIYŃ PO NASZYMU: Po grochu se pierdnóć to je dziepro ulga

FJD
Szpacyrkym po Cieszynie
“Gdo sie za swój jynzyk wstydzi takim nich sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie tóm biołóm szczałke w tej czyrwiónej kostce, kieróm nóńdziecie pod spodkym”.

Smrodlawy luft

Latoś jakosi było mjynij tych rozmajtych cudoków w Cieszynie na rynku, a piniyndzy na WOŚP podarziło sie nazbiyrać moc wiyncyj jak łóńskigo roku. Aji ty morsy swoji zadki latoś też moczyły w Olzie, bo isto fojermóni miejli zakozane marnić wode, kierej fórt wszyndzi chybio. Ludzie uż nabrali tego zwyku do wciepowanio piniyndzy to tych papiórzanych kiśniczek i nie czakajóm uż na żodne cuda i na żodyn tyjater. Kiejsi coby wciepać porem złociszów do tej kiśniczki, trzeja było wylyź s chałupy i chocioż sie kapke przeszolóntać po mieście. Dzisio tych kiśniczek je wszyndzi pełno, bo sóm aji w rozmajtych kszeftach i gospodach i skyrs tego ludzie nie muszóm mar-znyć na polu. Byli też tacy, kierzi na zómku zachwolali do kupiynio uwarzóne przez sie piwo, a wedla niego postawili pudliczko s dziurkóm do kierej szło też wciepać pinióndze, na tyn szczytny cel. Zaś na głodomorów na rynku była tako chytka, kiero “prawiła”, że jak wciepiesz pore złotych do papiórzanej kiśniczki, to bydziesz se móg pojeś wojskowej grochówki. Jako to kiery badze czy to je na zicher wojskowo, tego nie wiym, ale ci co jóm uwarzili też isto sami tego dobrze nie wiedzóm. Jo tak rozmyślóm, że dzisio wojocy isto uż takigo misz-maszu w kasarniach nie jedzóm, bo czasy mómy ganc insze i wszedcy chcóm fórt wydychać zdrowym luftym. Co inszego jak człowiek je sóm dóma, abo szpacyruje se po polu, a co inszego jak jedyn wojok siedzi abo stoji wedla drugigo i tyn smrodlawy luft, kiery biere sie s grochu musiołby cały dziyń wóniać.

Mini słownik gwary cieszyńskiej:

latoś - tym roku, podarziło sie - udało się, łońskigo - zeszłego, isto - pewnie, fojermóni - strażacy, fórt - ciągle, chybio - brakuje, zwyk - zwyczaj, wciepować - wrzucać, kiśniczka - pudełko, marnić - marnować, tyjater - teatr, wylyź - wyjść, kapke - trochę, przeszolóntać - przespacerować, kszeft - sklep, chytka - pułapka, prawiła - mówiła, wedla - obok, na zicher - na pewno, kasarnia - koszary, ganc - całkiem, luft - powietrze, wedla - obok, wóniać - wąchać.

Tóż mjyjcie sie wszedcy dobrze i wiesiołego popióntku

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama