, poniedziałek 22 kwietnia 2024
CO TYDZIYŃ PO NASZYMU : Opatrować stare pómniki to piekno wiec.
”...murek s kamiynio postawióny w 1918 roku...” fot: fot.FJD



Dodaj do Facebook

CO TYDZIYŃ PO NASZYMU : Opatrować stare pómniki to piekno wiec.

CO TYDZIYŃ PO NASZYMU : Opatrować stare pómniki to piekno wiec.

”...rozchodzi sie ło jakisi POLA NADZIEJI”.


CO TYDZIYŃ PO NASZYMU : Opatrować stare pómniki to piekno wiec.

”...sztyry zwóny,kiere stojóm na polu...”

"Gdo sie za swój jynzyk wstydzi takim niech sie każdy brzidzi".

SZPACYRKYM PO CIESZYNIE

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.


SZTYRY ZWONY

Dzisio eszcze porem słów ło tych Mnisztwianach, kierzi tak szpekulyrowali, coby być takóm parafijóm w Cieszynie, kiero mo jednóm fare, dwa kościoły i sztyry zwóny. Nejpiekniejsze sóm ty sztyry zwóny, kiere stojóm na polu i każdy gdo mo chyńć może se ich obezdrzić. Skyrs czymu łóne stojóm na polu tego nie wiym, ale isto chybiło im piniyndzy na wystawiyni wieży i parafijanie prziszli s tym do porzóndku, coby ich niechać na polu. Jako to funguje w zimie tego też nie wiym, ale isto jak sie nimi przed mszóm, abo na podniesiyni zadyrbie to śniyg, kiery na nich napadoł sóm łod siebie na ziym skielźnie i majóm po kłopocie. Jak wylezymy zaś spadki na ceste i pokroczymy do krziżowatki s ulicóm Słowiczóm to uwidzymy murek s kamiynio postawióny w 1918 roku przez Mnisztwianów s uciechy, że wolno Polska prziszła ku nim. Isto eszcze w tych rokach Mnisztwo nie patrzilo ku miastu i tymu tyn murek nie stoji w Cieszynie na rynku. Wielko szkoda, że tako piekno pamióntka, kiero za dwa roki bydzie miała uż sto roków stoji ganc na kraju Cieszyna i mało gdo ło ni wiy.Kierysi jednkowóż mo jóm w opatrowaniu, bo widać to po tych świyżych kwiotkach, kiere tam gdosi przinoszo. Na prociw w taki pieknie na żółto opucowanej chałupie znaszła se plac państwowo szkółka nomero 7. Jak zozdrzymy za jejich dróciany płot to idzie uwidzieć pieknom zogródke kaj stoji staroświecko plómpa s kierej woda możne leje sie do giskany, a potym dziecka podlywajóm nióm strómki. Do grzóndki wedla trownika wstyrczono je tabulka s informacyjóm na kierej pisze, że rozchodzi sie ło jakisi”POLA NADZIEJI “.

Mini słownik:

  • fara - plebania,
  • zwón - dzwon,
  • skyrs - z powodu,
  • chybiło - zabrakło,
  • niechać - zostawić,
  • funguje - funkcjonuje,
  • zadyrbie - potrząśnie,
  • skielźnie - ześliźnie,
  • wylezymy - wyjdziemy,
  • cesta - droga,
  • krzyżowatka - skrzyżowanie,
  • isto - pewnie,
  • ganc - całkiem,
  • opatrować - opiekować,
  • opucowano - otynkowana,
  • plómpa - pompa,
  • giskana - konewka,
  • wstyrczono - wetknięta,
  • wedla - obok
  • Miyjcie sie wszedcy dobrze i wiesiołego popióntku!

    Dzisiejszy tekst ma tytuł "Sztyry zwony".

    Komentarze: (2)    Zobacz opinię czytelników (0)    Dodaj opinie
    Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

    Panie Machu-mocie recht,ale ni tak ganc do kóńca.Bo tam kaj stoji tyn obelisk stoł podobno cysorz Franc Jozef w 1906 i dziwoł sie na wojoków kierzi gónili s gwerami po Egzecyroku/Becyrku - jo tak słyszoł łod jednego Mniszwianina.Kiery dzisio to rozsrzóndzi tego nie wiym,bo może łoba mómy recht i nima sie isto ło co wadzić.A po drugi to jo raczyj piszym to co widzym,a nie to co było kiejsi.Nimóm przeca takich szkół coby wszecko wiedzieć i wszeckim dogodzić.Formuła tych felietonów jest taka,aby w tych krótkich tekstach przypominać naszą kochaną gwarę i na ile się to się da,użyć maksymalnie dużo sformułowań i wyrazów gwarowych.Czy to się zawsze udaje w każdym felietonie to muszą osądzić czytelnicy/internauci.
    Z wyrazami szacunku FJD

    Mości panie Dralu, kie byscie sie aspóń kapke wjyncyj historiom zajmowali to byście isto przyszli na to, że tyn jak prawicie murek, trza by było raczyj prawić obelisk jest troche starszy niż rok 1918. Ci sami Mnisztwianie, postawili go rychli miłościwie nam panującymu Franciszkowi Jozefowi z okazji 60 lecia jego panowania w roku 1907. Po tym jedynie kierysik zmiynił tabule na tym samym obelisku. Wjynkszość pomników w Cieszynie ma podobnom historie- w zależności z kierej strony dmuchnie.

    Dodaj komentarz

    Zawartość pola nie będzie udostępniana publicznie.
    • Adresy internetowe są automatycznie zamieniane w odnośniki, które można kliknąć.
    • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
    • Znaki końca linii i akapitu dodawane są automatycznie.

    Więcej informacji na temat formatowania

    Image CAPTCHA
    Wpisz znaki widoczne na obrazku.
    reklama
    reklama