CO TYDZIYŃ PO NASZYMU: Na gmine po wielkucnych schódkach "W tej wielkij chałupie siedzóm te wszecki móndroki...". fot. Ewelina Szuścik  "...fest wysoko je szumny zygor, kiery fórt przeganio nasze żywobyci". fot. Ewelina Szuścik  "Od stróny fary, we ścianie je szparkasa". fot. Ewelina Szuścik Jako, iż od marca Kącik Gwarowy "Co tydziyń po naszymu" wzbogacił się o nowego przewodnika, zgodnie z zapowiedzią w ostatni piątek miesiąca, po Zebrzydowicach spacerujemy z Eweliną Szuścik - poetką, miłośniczką gwary. cd. słownika: becoki - duża fasola becyrk - starostwo/urząd Dzisio s cesty kiero dalij kludzi do Jastrzymbio skryncymy w prawo kole gospody co sie mianuje ”Pass Hotel”. Kónsek za nióm stoji piekno chałupa, kieróm postawili kańsi w 1961 r. Nejprzód mioł być w nij szpitol, a dzisio je tam Urzónd Gminy Zybrzidowice, kiery kiejsi był w zómku. W tej wielkij chałupie siedzóm ty wszecki móndroki i skuli nich mómy tela pieknych wiecy w całej dziedzinie. Jakisi czas tymu ze zadku tej wielkucnej “gminy” wyrychtowali doś wielki park/plac a czy łón je łod zadku to wóbec do dzisia ni ma iste. Dlo mie przodek je od stróny wielkucnych schodów. Dzwiyrze do tego urzyndu też dzisio sóm łod zadku, bo ty s przodku sóm fórt zawrzite. Hrozne schody po kierych kiesi sie wlazowało, zastawili wielkimi betónowymi kiśniami i obwiónzali czyrwióno-biołymi bandlami. Na postrzodku tych schódków do niedowna wisioł papyndekiel, na kierym było naszkryfane "brak przejścia" czy jakosikej tak. Isto kómusi musioł łón wadzić, bo sie tam stela stracił. Jak by sie tak jednakowóż podziwać na ty schódki, to isto tymu sóm zagrodzóne, bo ganc ś nich slazuje szlichta.Na iste ni skyrs tego coby wszeckim pokozać, że jak sie cosi chce na Gminie załatwić to trzeja wiedzieć kieryndy tam wlyź. Myślym, że ich zagrodzili skuli tego coby se gdo łepa na nich nie strzaskoł. Kiesi to było cosi na takich schódkch cyknónć se ślubnóm fotke, a dzisio mało kiery sie żyni i schódki wylazły s mody. Doimyntnie tyn kiery ni ma tu stela, to może przez ty schódki tego nie pochytać s kierej stróny jednakowóż ta gmina mo przodek a s kierej zadek. W tej szumnej chałpie je też poczta. Nad jejimi dźwiyrzami, fest wysoko je szumny zygor, kiery fórt przeganio nasze żywobyci. Od zadku je też bank a od stróny fary we ścianie je szparkasa s kierej se idzie brać pinióndze kie sie chce. Yny nejprzód trzeba ich mieć naszporowane. Ci nasi gazdowie we gminie też fórt szporujóm i dycki widać po tym jak cosi s tego szporowanio pieknie rychtujóm. Wystowcie se, że s tego szporowanio majóm też bezmała wyrychtować ty wielkucne schody, ale cosi ptoszki ćwiyrkajóm, że uż ni majóm być taki hrozne jako sóm dzisio. Możne to i lepszy bo dzisio ta wielko chałupa bydzie uż możne takóm prowdziwóm wizytówkóm dlo Zybrzidowic w kierej bydzie sie robiło wszecko dlo ludzi, a ni na żodyn pokaz. przez Kóńczyce droga, tam moja dziedzina na zapiycku Boga. kwiotkiym wypyrczóno, ptoszkiym rozśpiywano gojym przistrojóno. wiatrym kolybała, o utopcach bojki nad stawym szeptała. życio nas uczyła. dejcie wszyscy pozór żeby nie umrziła. modrzyniec w słóneczku sie miyni, miyjcie w sercach miłowani do Zebrzidowickij Ziymi! A teraz zaś fajny wic: Francek prawi do kamrata: Mjyjcie sie wszedcy dobrze i wiesiolego popióntku. Dzisio Wóm poczytóm po naszymu opowiadani "Jak tatulek lyczy funsok".
|
reklama
|
|||||||||||||||
|
Witóm wszyjstkich pieknie. Żyjymy w takich czasach, że na każdo je jyny robota, chałupa, a na pisani, aspóń taki na internecie nima moc czasu. Na moji strónce też jakosi nic nie dziubiym, ale trzeja bydzie cosi porobić, bo se ludzie zacznóm myśleć żech to wszecko osroł. Pani Ewelina pieknie pisze po naszymu, naszóm cieszyńskóm rzeczóm i za to jóm chwolym. Każdy ros jak widzym, że młodzi ludzie cosi piszóm tak jako rzóndzóm na każdo, to mi sie serce raduje. Hrozny po naszymu znaczy tela co wielkucny, tóż tukej jak paniczka piszóm o schódkach, to isto se myślała, że sóm taki przeogrómnie wielki. Dycki co pomiyntóm taki były, bo jeżech s Małych Kóńczyc, tóz wiela razy my do becyrku chodzowali po rostomajte papióry, abo czasym aji sie powadzić s fojtym o skoski. Na Złotym Kłosie żech nie był, bo mie w karku szkrobie, a warzónki mi ni mioł kiery poloć do sztamperli, a knobloch s mlykiym a miodym uż mi nie pómogo. Gdo może tóżniech pisze co pod kłobukiym ale sie tu moc nie wodzcie, bo to nie o to idzie coby my sie tu przeżyrali jako sie wyrzóndzo ponikiere słowa, ale róbmy tak: jako kiery poradzi, niech pisze po naszymu, jedyn lepszy, a drugi inakszy (nie gorszy). Jednako na drugij strónie, jak gdosi bydzie fest bulczoł fanaberyje, to go trzeja kapke przihaltować. Posdrowióm Pani Ewelino, a was wszeckich, kierzi tukej zaglóndocie.
Witej Andrzeju,
muszym Ci prziznać racje ,że to wszystko razym wziynte-ryngiszpil,wórszt i miodula- może sie skóńczyć doś szpatnie... :) Ale wiysz jako to je jednymu styknie yny pomaszkiecić a drugi zaś mo fórt mało,ale jo zaś prawiym że jak co kómu szmakuje tym sie nie otruje . Jak by tak gdo jednak tak namiyszoł to jo polecóm Tatarczówke abo Orzechówke (takóm robiónóm z tych zielónych szkoróp z łorzecha) Eszcze roz ZAPRASZÓM do Zybrzidowic :)
Serwus, Walter,
mosz prowde, że po naszej strónie "hrozny" mo znaczyni bliższe czeskimu "hrozný" od slova hrůza = groza, trwoga. My też używali tego słowa w znaczyniu "niepiekny, niedziwny, szkaredny", ale jedna babka z naszej dziedziny, kiero pochodziła łod Ustónia, używała "hrozny" w znaczyniu "wielki, łozrutny". W jednym z naszych piyrszych kóncików gwarowych gdosi napisoł taki przikłod:- "po ceście tyrckoł hrozny babuć" - ałtora se już nie spóminóm.
Przidoł by sie nóm teraz jakisi jynzykoznawca. Steloku, Danielu, Dawidzie - pumóżcie!
Dziołcho stela,
dziynkujymy za zaproszyni do Zebrzidowic. Jo żech je ciekawy gor na to jelito, bo mie tak przezywo moja baba, tóż bych chcioł roz widzieć, jak to wyglóndo. Wórszt w kómbinacyji s miodulóm a ryngiszpilym bych ale żodnymu nie radził, jedynie, jak bych był właścicielym pralnie.
Pani Ewelino,
ty hrozne schody sóm jaki, bo po czesku taki, że strach po nich chodzić, isto sóm przikre i do tego porozbijane?
Serdecznie wszystkich zapraszóm na "Złoty Kłos" kiery sie odbydzie 1-3 Maja. Bydziecie se mógli posłuchać pieknych pieśniczek tu stela i z inkszych dziedzin s Polski. Dziecka sie pokryncóm na ryngiszpilach kiere przijyżdżajóm ku nóm kożdego roku ,bydóm kszefty s bómbónami , bawidełkami i inkszymi wiecami dlo bajtli. Kiery bydzie mioł głód tak se może kupić wórsztu s "grilla" abo jaki dobre jelito, ku tymu jakóm zode,piwo abo dobrej miodóli . Eszcze roz SERDECZNIE ZAPRASZÓM! :):):) Dejcie sie widzieć:)
Schodu będą zburzone, a obok pojawi się winda do osób niepełnosprawnych, przetarg już ogłoszony :) pisali w inkszych gazetach.
Dodaj komentarz