, niedziela 2 października 2022
CO TYDZIYŃ PO NASZYMU: Mało gdo wiy, że strómy wychajóm świyży luft
Zdało mi sie że uż s tym rzazanim strómów w Cieszynie nic nas nie zadziwi, bo to przeca ni ma żodno zajimawo wiec.  fot: FJD



Dodaj do Facebook

CO TYDZIYŃ PO NASZYMU: Mało gdo wiy, że strómy wychajóm świyży luft

CO TYDZIYŃ PO NASZYMU: Mało gdo wiy, że strómy wychajóm świyży luft

”...rosła tam sześdziesiónt roków...”. fot. FJD


CO TYDZIYŃ PO NASZYMU: Mało gdo wiy, że strómy wychajóm świyży luft

”...wiela nowych pyndów...”. fot. FJD

Szpacyrkym po Cieszynie
“Gdo sie za swój jynzyk wstydzi takim nich sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie tóm biołóm szczałke w tej czyrwiónej kostce, kieróm nóńdziecie pod spodkym”.

Zustała urzazano

Zdało mi sie że uż s tym rzazanim strómów w Cieszynie nic nas nie zadziwi, bo to przeca ni ma żodno zajimawo wiec. Urzazany stróm sie obali i na tym kóniec, bo nad nim żodym uż beczoł nie bydzie. Przedstowcie se, że łóńskigo roku na krziżowatce ulice Moniuszki s ulicóm Szymanowskigo, kierysi urzazoł u samej ziymi pieknóm wiyrzbe, kiero rosła tam szejśdziesiónt roków. Dłogo żodyn sie nie chcioł sie prziznać, skyrs czymu łóna zustała urzazano, bo dzisio tako wiec nie przinoszo żodnej chwały. Ale jak sie nieskorzij tustelocy wywiedzieli, było to skyrs tego, że kierysi zacznył sie rychtować do stawianio na tym grońcie nowej chałupy. Przedstowci se, że telkowne roki żodnymu tyn kónsek trownika nie zawadzoł, aż tu na roz kómusi prziszeł taki napad coby na nim postawić nowóm chałupe. Dzisio sie ze strómami żodyn nie rachuje i jak taki stróm zawadzo, to sie go urzaże, a kónory i insze gałynzie poniewiyrajóm sie dycki dłógi tydnie po rozmajtych przikopach. Ta wiyrzba, ło kierej je dzisio rzecz, chocioż zustała urzazano, to sie tak do kóńca nie dała, bo dzisio idzie uwidzić, wiela nowych pyndów s tego urzazanego pnia wystrzeliło ku niebu. Tak rozmyśłom wiela to musi być siły w takim strómie, że poradzi poczkać aji jedyn cały rok i zaś prugować żyć i rosnóć dalij. Skyrs czymu żodyn przez cały bity rok tego pnia ze ziymi nie wytargoł, tego nie wiym, ale możne, że zrobiło sie kómósi luto tej wiyrzby i doł ji na razie pokuj. Isto dziepro jak ludzie zacznóm mieć ostudem s wydychanim to sie skapnóm, że każdy, aji tyn nejmnyjszy stróm dowo nóm za darmo dziynnie moc świyżego luftu.

Mini słownik gwary cieszyńskiej:

wyżazowani - wycinanie, stróm - drzewo, zaimawo - interesująca, wiec - rzecz, obali - przewróci, beczoł - płakał, łóńskigo - zeszłego, krziżowatka - skrzyżowanie, urzazoł - uciął, żodyn - nikt, skyrs - z powodu, nieskorzij - później, sie rychtować - się przygotowywać, grónt - działka, telkowne - wiele, zawadzo - przeszkadza, przikopa - rów, idzie uwidzieć - można zobaczyć, że poradzi - że potrafi, nie wytargoł - nie wyrwał, luto - przykro/żal, pokuj - spokój, ostuda - klopot, sie skapnóm - się zorientują, aji - nawet, luft - powietrze.

Tóż miyjcie sie wszedcy dobrze i wiesiołego popióntku.

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama