Powiat - 5 czerwca 2021 09:00:00
, data aktualizacji: 8 czerwca 2021 10:27:01
FJD
”...to samo je na rynku...”. fot. FJD
Szpacyrkym po Cieszynie
“Gdo sie za swój jynzyk wstydzi takim nich sie każdy brzidzi”
"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"
POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie tóm biołóm szczałke w tej czyrwiónej kostce, kieróm nóńdziecie pod spodkym”.
Pinióndz sie rachuje
Jak kómósi cosi sie zbiere, to dziepro niekorzij zaczyno rozmyślać jako i czym to zwekslować. Tak to było i eszcze je do dzisia s tymi zogródkami, kierych je wszyndzi w Cieszynie pełno, a w nich aż przebiyro łod ludzi. Tak rozmyśłóm jako tam szmakuje ludzióm jedzyni, jak wedla nich fórt jeżdżóm auciska. Przeca tyn luft, kiery ducho s auspufów na zicher nie przidowo szmaku żodnymu jedzyniu. Nejsrandowniejszy je tyn zogródek na ulicy Szrsznika, kaj ganc wedla niego majóm swój plac taksiorze. Tak se to teraz przedstowcie jaki smród musi lecieć każdymu tam do talyrza jak sztartuje tako Taxi, kiero nie dej boże mo eszcze stary rozlajerowany motór diesla. I teraz nie wiym, kiery tam ś nich mo problymy s rozmyślanim o swjim zdrowiu ? Ale nejbardziyj bych winił tych co tam sami bez żodnego kazowanio siadajóm i cosi chcóm se wciepać na ruszta. Bo przeca tyn co tyn zogródek tam postawił na zicher tego ni mo we starości, bo przeca w tych dzisiejszych czasach yno pinióndz sie rachuje. Mało tego, coby tam do tego zogródka dónś to trzeja kapke miyndzy tymi taksówkami sie poprzesmrodzać i mieć łoczy doopkoła głowy odewrzite, coby nie zustać rozjechanym. Coby dlo ludzi było nejlepsze tego nie wiym, ale dycki to je tak, gdo był piyrszy to mo dać zgodę drugimu “lokatorowi” na to, ło co go popyto. Mało isto gdo wiy, że taksiorze tam majóm swój plac uż trzicet piyńć roków i żodyn sie ich ani nie spytoł czy tyn zogródek nie bydzie im zawadzoł. Jesi sie rozchodzi ło tyn niezdrowy luft, to samo je na rynku, kaj wedla tych zogródków fórt jeżdżóm auciska. W inszych miastach zogródki stojóm yno tam kaj nie jeżdżóm auta, a u nas musi być dycki inakszyj.
Mini słownik gwary cieszyńskiej:
zbiere - zabierze, nieskorzij - później, zwekslować - zamienić, zogródek - ogródek, wedla - obok, fórt - ciągle, luft - powietrze, ducho - dmucha, auspuf - rura wydechowa, na zicher - na pewno, najsrandowniejszy - najśmieszniejszy, ganc - całkiem, rozlajerowany - rozklekotany, wciepać - wrzucić, na zicher - na pewno, ni mo we starości - nie ma w zainteresowaniu, kapke - trochę, poprzesmrodzać - pospacerować, dycki - zawsze, zawadzoł - przeszkadzał, kaj - gdzie.
Tóż miyjcie sie wszedcy dobrze i wiesiołego popióntku.
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.
Dodaj komentarz