, niedziela 14 lipca 2024
CO TYDZIYŃ PO NASZYMU: Każdo dziedzina chce mieć swojigo farorza
"...w pieknym zogródku idzie uwidzieć wieże ze zwónym...". fot: FJD



Dodaj do Facebook

CO TYDZIYŃ PO NASZYMU: Każdo dziedzina chce mieć swojigo farorza

F.J.DRAL
CO TYDZIYŃ PO NASZYMU: Każdo dziedzina chce mieć swojigo farorza

”...chwolidło powiesił na płocie...”. fot. FJD


CO TYDZIYŃ PO NASZYMU: Każdo dziedzina chce mieć swojigo farorza

”...kościół Serca Jezusowego...”. fot. FJD

"Gdo sie za swój jynzyk wstydzi takim niech sie każdy brzidzi" .

SZPACYRKYM PO CIESZYNIE

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Postrzodki zagrzoć

Ło tej WYMIANIE coch łostatnio pisoł nic powiedzieć ni mogym, bo dalij nie wiym w czym i kómu ty wymiany robióm. Możne, że na wiosnem jak mi przidzie zwekslować łoliwe w mojim aucie to tam do nich zajadym coby na zicher sie wywiedzieć jaki to sóm ty wymiany ekszploatacyjne. Kapke dalij uż nie bydymy mieli problymu coby zachycić co to stoji, bo w pieknym zogródku idzie uwidzieć wieże ze zwónym a wedla mały kierchów. Wszedcy ludzie w Krasnej dobrze wiedzóm, że je to katolicki kościół Serca Jezusowego do kierego chodzi cało dziedzina. Tela sie łostatnio pisze ło tym, że nas wartko ubywo, a Krasnowian isto przibywo i musieli se fundnóć wiynkszy kościół. Był aji taki czas że mieli łoba dwa i w jednej zogródce stoł tyn maluśki i eszcze nieopucowany tyn wiynkszy. Czymu tyn mały kościółek obalili tego nie wiym, ale isto musieli mieć kogosi za sobóm, możne aji Pón Bóczka, że sie im to podarziło. Bo przeca w Polsce je taki prawo, że to co zustało postawióne przed pińdziesiyńcióma rokami je zabytkym i mo stoć do kóńca świata. A ta kaplica co była jakisi czas też kościółkym, ustała postawióno w 1901 roku i przeszło osimdziesiónt roków patrziła ku farze św. Magdaleny w Cieszynie. Niekierzi prawióm, że wiara czyni cuda i tak isto było w tej Krasnej, bo ludzie dłógo wierzili, ze bydóm kiejsi mieli swojigo farorza i w roku 1989 sie im to podarziło. Farorza isto majóm szprytnego, bo jakisi chwolidło powiesił na płocie a plac wedla kościoła przisposobił na parking. Kiejsi ludzie stawiali kościoły na postrzodku dziedziny, kole kierych otwiyrało sie rozmajte kszefty abo aji gospody coby chłopi po sumie mógli se kaj postrzodki zagrzoć. Dzisio je ganc inakszyj i wedla tego kościółka nima nic do wypicio ani zjedzynio.

Mini słownik:

  • zwekslować - wymienić,
  • kapke - trochę,
  • zachycić - zrozumieć,
  • kierchów - cmentarz,
  • kierego - którego,
  • podarziło - udało się,
  • patrziła - należała,
  • prawić - mówić,
  • kiejsi - kiedyś,
  • farorz - proboszcz,
  • dziedzina - wieś,
  • kszeft - sklep,
  • wedla - obok,
  • stawiali - budowali.

    Miyjcie sie wszedcy dobrze i wiesiołego popióntku!

    Dzisiejszy tekst ma tytuł "Zagrzoć postrzodki”".

  • Komentarze: (2)    Zobacz opinię czytelników (0)    Dodaj opinie
    Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

    Krosno kiejsi jak była niepodległo też tu był postrzodek dziedziny aji szkołe i depo fajermony tu miały. Ludzi przybywo skuli tego, że kupują gronta i budują się w Krosnej Cieszyniocy co sie im podarziło w roztomajitych kszeftach . Jak bydziesz szpacyrowoł dali to na łostatku je i mały szynk i se sete możesz golnąć i by lepiij widzieć i lopisać drugi postrzodek Krosnej, Jo tak myślym,że w tym nowym cyntrum dziedziny kościół też tam powinni postawić i Gumnianio mieliby bliżyj, szkoła już tam downo stoi z tego powodu by dziecka z Gumiyn też miały dojści do kaganka oświaty.

    To je porządno dziedzina i jej nie trza wyszynku przy kierchowie i kościele. Pojydz i wypij se doma, a ni przy farze, a kościół je ogrzywany. Szpacyruj dalij i nie szukej gospody bo cesta ruchliwo.

    Dodaj komentarz

    Zawartość pola nie będzie udostępniana publicznie.
    • Adresy internetowe są automatycznie zamieniane w odnośniki, które można kliknąć.
    • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
    • Znaki końca linii i akapitu dodawane są automatycznie.

    Więcej informacji na temat formatowania

    Image CAPTCHA
    Wpisz znaki widoczne na obrazku.
    reklama
    reklama