CO TYDZIYŃ PO NASZYMU : Je dzisio tako moda coby fórt otwiyrać nowe kszefty powiesili za aslagóm kartke”Wyprzedaż  tego miana ”TOP SECRET" być zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" Nó przeca na Głymboki je jakisi kszeft, kiery mo na szyldzie napisane tak, że nie trzeja tego miana chledać w Google. Mianuje sie to “Głęboki talerz” i kiery to poczyto, to wartko przidzie s tym do porzónku, że idzie tam isto cosi u nich pojeś. Tak do kóńca to jednakowóż nima tam wszecko po polsku, bo nie zdzierżeli i dopisali se w tej samej raji liter amerykańskóm firme “Pepsi”. Mógli by też tyn szyld zrobić kapke delszy, abo zamalować ty fleki po “Kuźmie”, coby to mieli wszecko taki piekne jako to majóm w postrzodku. Jo nima łod tego, coby kómusi cosi doradzać, ale czasym je dobre pokozać to co inkszym nie ciepie sie na łoczy. Dwiyrze dalij je kszeft kiery nimo żodnej starości s szyldym, bo go wubec ni mo. Wyglóndo na to, że nie powiesili go skyrs tego, bo wiedzieli, że przidzie im tyn kszeft wartko zawrzić. I dzisio ni majom s tym ostudy, coby cosi ściepować yno powiesili za auslagóm kartke “Wyprzedaż”. Tak se myślym, że ty kszefty bez szyldów to sóm isto pootwiyrane yno po to, coby ich warko zawrzić i kansi indzij odewrzić nowy. Tyn kszeft, kiery je zaroz wedla, isto nie zustanie wartko zawrzity, bo mo takóm pieknóm auslage do kupy s szyldym, że szkoda by to było wyciepać. Szkoda by też było tego miana”TOP SECRET”, bo isto tak jak insi, łóni też dłógo szpekulyrowali jako zmianwać polski sklep, coby wszedcy se wszymali, że łón nima polski. Kapke też jednakowóż chcóm być moderni i za auslagóm tak jak insi reklamujóm sale do najyńcio, ale yno jako jedni w Cieszynie łacnij ło 80%. Mini slownik: Tóż miyjcie sie wszedcy dobrze i wiesiołego popióntku
|
reklama
|
|||||||||||||||
|
Dodaj komentarz