CO TYDZIYŃ PO NASZYMU: Doś lebrowanio! "...i gimnazjum dlo wiynkszych hóncwótów...". fot. Ewelina Szuścik  "...a patrónuje ji poeta K.K. Baczyński". fot. Ewelina Szuścik Dziś ostatnia sobota sierpnia, zatem zgodnie z zapowiedzią, po Zebrzydowicach spacerujemy dziś z Eweliną Szuścik - poetką, miłośniczką gwary. cd. słownika: blambory - zlewki blamborzić - mieszać różne płyny być zawsze do prawjynio gotowo a jak cie uż żodyn nie bydze rozumioł to jyny wiater bydzie po naszymu szumioł" Przeokropnie tyn starzik czas żynie do przodku i ani my sie nienazdali a uż je kóniec września. Skuli tego,że je to czas kie kożdy kluk uż sie pomału obstowo ze szkołóm, to też tu cosi o tej szkole szrajbnym. W samych Zybrzidowicach mómy dwie szumne chałpy, jedna wiynkszo drugo miyjszo, w kierych uczóm sie nasze dziecka. Ta piyrszo stoji do prawa, przi ceście na Jastrzymbi je to szkoła podstawowo dlo dziecek od czwortej do szóstej klasy i gimnazjum dlo wiynkszych hóncwótów, a patrónuje ji poeta K. K. Baczyński. Wszedcy na dziedzinie nazywajóm tóm chałpe "Nowo szkoła" skuli tego, że w historyjii Zybrzidowic mómy eszcze kańsi trzi szkoły s kierych po dwóch ni ma uż śladu a trzecióm kiero stoji w postrzodku dziedziny niedowno duchli jóm do życio. Znóndóm tam plac małe dziecka kierym zóstoł rok do szkoły i taki uż bardzij odrośniynte od ziymi czyli klasy od jedyn do trzi. Klasy w kierych siedzóm dziecka sóm piekne, barewne a kaj sie nie podziwać to wszyndzi ta kómputeryzacyja, kómputry, żutniki i inksze roztomajte dzisiejsze wieca aji uż prawie kożdy mo w kapsie bez kablowy telefón, kiery doimyntnie po polsku mianujóm komórkóm, yny czymu to tak smianowali to nie wiym, bo jak by prziszło o ścisłość to po naszymu, to je ganc obyczajno szpajska. Majóm doś starości ojcowie, kie taki mały gizd musi iś do szkoły, nejprzód szlabikorze kiere moc stojóm, ku tymu roztomajte blajsztyfty, jakisi jarmilki do przewlyczki coby s strzewików nie namarasić,a ku tymu eszcze jaki rukzak abo schultasche na ty wszecki szlabikorze. I tukej mama s tatóm mo w czepani ryngiszpil bo nie wiy kiery i s jakij bajki spodoryńdzić, bo dzisio wszecki rukzaki sóm pieknie malowane. A ty matulu, tatulu, chcieliście mieć dziecka to musicie s kapsy wysmyczyć pinióndze a ku tymu zawrzić oczy coby na herzklekot nie zyńś s tego świata. Mój starzik to dycki spómino, że jak ón chodzowoł eszcze do szkoły to mioł yny tabulke a ku tymu rysik. Żodnymu sie wtedy nie nazdało co by se wymyślać, kożdy był rod ,że sie może uczyć, a kie mioł jaki trepy i nie musioł boso chodzić to był dziepro rod. Szkoła to je tako wiec, że gdo nie chce musi chcieć, ale dzisio dziecka majóm wszecko a uczyć sie jim jednakowóż nie chce,bo baji lepszy takimu postrzylać na kómputrze w jakisi oszkliwe beboki niż wstyrknyć kichawe do szlabikorza. W Zybrzidowicach szkolnioki majóm eszcze taki szpas jak narychtowany akurantnie ku nim autobus, kiery im te małe rziciska zawiezie pod samiuśki dwiyrze szkoły. Zmiyniajóm sie czasy, hańdowni to było cosi mieć takóm wiec kierej ni mioł żodyn,dejmy na to fusbal, flinte czy sznojdre. Dzisio fusbal kopióm we szkole - bo rechtory kożóm a flinte i sznojdre kluki wymiynili na kómputrowe cykocze . A teraz zaś fajny wic: Spotkały sie dwie sómsiadki Dzisio Wóm zaś cosi przeczytóm od siebie: "Rzecz o utopcu"
|
reklama
|
|||||||||||||||
|
Witejcie, kochani!
Dobry tymat prziniósła Pani Ewelina.Na czasie i pieknie opracowany. Aji dlo mnie był wrzesiyń dycki miesióncym szkoły. A wojny też (chocioż żech tej prawdziwej na swoji skurze nie przeżył – dziynkować Panu Bogu). Ale jak by nie było, szkoła to też je wojna.
Bijóm sie tu dziecka z dzieckami, dziecka z belframi (w przenośni), belfrzi z dzieckami (bez przenośnie), nó a nie wiym jak je teraz, ale kiedysi sie bili aj belfrzi miyndzy sobóm. Kiedy? Na przeca w czasie tych czynstych zmian politycznych, kiere my starsi przeżywali zamiast wojny. Każdo zmiana była przileżytościóm na to, aby tyn, co mioł eszcze czystóm etykiete, móg wyżrać tego, co już czystej etykiety ni mioł. Tóż ci po Gottwaldowi (to był taki czeski Bierut) kraglowali tych łod Gottwalda, ci za Dubczeka kraglowali tych, co po Gottwaldowi, a ci co po Dubczekowi, tak ci kraglowali wszystkich...
Nie wiym, jak to wyglóndało w Polsce, ale cosi sie aji nóm tu doniósło, jak ci ze IV RP bojowali z tymi z III RP a jak zaś potym nastoł słodki czas zymsty...
Cóż jeszcze dodać – isto jyny to, że mimo wieku dojrzałego to mómy fórt w tych czepaniach wymydlóne jak piyrszoklasiści. Co, jak piyrszoklasiści, jak łorangutany. Zdało sie, że to, pożol sie Boże, dochodzyni sprawiedliwości, przestanie, jak nie bedzie bolszewików. Ale diobłaż tam, wtedy sie to dziepro porzóndnie rozkrynciło.
A tak żech rozmyśloł, czym to je. Jak ni mómy za stodołóm Rusów abo Niymców, tak sie pierymy miyndzy sobóm. Jak ni prawica z lewicóm, tak aspóń kibce Legie s kibicami Górnika. A tam, kaj ni majóm wiela klubów sportowych, naprzikłod w takim Belfaście, tak sie pieróm katolicy s ewangelikami. Jasne, że z imiyniym Jezusa Zbawiciela w spuchniónych pyszczyskach z przerzedzónymi zymbami. Ludzie sie ganc ajnfach prać potrzebujóm a już dycki sie jutro wymyślóm jakisi szczytny powód, zwóli kierego sie dzisio pobili.
Nó, a jo, jak żech siadoł za kómputer, tak żech chcioł napisać pore linijek o moji piyrszej ceście do szkoły. Tóż, to mi zostanie we forocie na prziszły rok. Jesi dożyjym.
Dodaj komentarz