, poniedziałek 15 sierpnia 2022
CO TYDZIYŃ PO NASZYMU: Cioprać sie we wodzie trzeja dycki jak je hyc
Kiejsi tustelocy jak szło ku latu, to prawili, że na “Boży Duch do wody buch”, a “Na Boże Ciało skocz do wody śmiało”.  fot: FJD



Dodaj do Facebook

CO TYDZIYŃ PO NASZYMU: Cioprać sie we wodzie trzeja dycki jak je hyc

FJD
CO TYDZIYŃ PO NASZYMU: Cioprać sie we wodzie trzeja dycki jak je hyc

”...postawili na rynku takóm latarnie...”. fot FJD

Szpacyrkym po Cieszynie
“Gdo sie za swój jynzyk wstydzi takim nich sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie tóm biołóm szczałke w tej czyrwiónej kostce, kieróm nóńdziecie pod spodkym”.

Zamoczać zadek

Kiejsi tustelocy jak szło ku latu, to prawili, że na “Boży Duch do wody buch”, a “Na Boże Ciało skocz do wody śmiało”. Dzisio to je ganc inakszyj, bo coby se zrobić do wody buch, to nejprzód trzeja mieć te wodem kansi blisko siebie. W mieście do tego ludzie majóm basyn, kiery rotuzowi kazujóm dycki odewrzić wtynczos, jak w kalyndorzu uwidzóm, że uż mo prziś lato. Je to jakisi dziwoki, bo przeca w łostatnich rokach lato nie przichodzi jako mo zapisane w kalyndorzu, ale jak mu na to przidzie chyńć. Hyc mómy latoś przeogrómny i każdy yno rozmyślo kaj by sie tu ocioprać, abo chocioż na chwiliczkem zamoczać zadek we chłodnej wodzie. Sóm też tacy co jak przidóm na tyn basyn, to rozpostrzóm deke na na trowie, bo s tej pozycyji lepszyj sie je dziwać, jako insi sóm obleczóni. Uż porem roków tymu w Cieszynie była ło tym rzecz, że szłoby nasuć piosku wedla Olzy i tustelocy mógliby sie w ni cioprać, jak by yno mieli na to chyńć. Piosku na brzegu Olzy jak nie było tak ni ma i każdego roku trzeja czakać aż basyn puści nas do posrzodka. Latoś było to dewatnostego czerwca, chocioż uż ze dwa tydnie rychlij tak przigrzywało, że aż dziw biere, że żodyn nie prziszeł na to, coby tyn basyn odewrzić. Czasym dobre je chocioż cosi se mokrego wyloć na głowem i możne skyrs tego rotuzowi postawili na rynku takóm latarnie s kierej na ludzi ciecze woda. Gdo tym regiruje tego nie wiym, bo moc razy to je tak, że ś ni woda pyrsko na wszecki stróny jak niebo je zamroczóne, a jak słóńce świyci, to ś ni nie kapnie na ziym ani jedna kapka wody.

Mini słownik gwary cieszyńskiej:

kiejsi - kiedyś, prawili - mówili, ganc - całkiem, do wody buch - do wody skoczyć, kansi - gdzieś, dycki - zawsze, odewrzić - otworzyć, hyc - gorąc, kaj - gdzie, zadek - tylek, ocioprać - ochlapać, deka - kocyk, dziwać - patrzeć, obleczóni - ubrani, wedla - obok, odewrzi - otworzy, latoś - w tym roku, rychlij - szybciej, skyrs - z powodu, regiruje - kieruje, zamroczóne - zachmurzone, kapka - kropla.

Tóż miyjcie sie wszedcy dobrze i wiesiołego popióntku!

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama