"...że ty trzi fany pokazujóm...". fot. FJd

"... je chałupa w kierej kiejsi plyntało sie moc finansów...". fot. FJD

Dzisio Wóm zaś poczytóm po naszymu opowiadanie "Kłopoty z Kurami" Henryka Jasiczka, z książki "Humoreski Beskidzkie". fot. FJD

cd. słownika:

biyda - nędza
We wojne to my tej biydy użyli.

biyl - rodzaj grzyba
Starka dzisio nazbiyrali kosz biyli.

SZPACYRKYM PO CIESZYNIE

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydze rozumioł
to jyny wiater bydzie po naszymu szumioł"

Czegosi chcóm nónś

Dzisio sie zwyrtnymy i bydymy pokraczować spadki ku miastu ulicóm Korfantego. Obezdrzić eszcze mogymy pieknie na żółto opucowany Pessowski kszeft, kiery sie obstoł chocioż mo ze zadku wielkóm “Lidlowóm” konkuryncyjo. Możne, że ratuje go tak jak inksze cieszyński Pessowski kszefty nasz chycóny we Bałtyku hering s kierego jak sie go wciśnie do żymły idzie zrobić cosi do jedzynio. Cało jedna auslaga je zapostrzito tym heringowym chwolidłym coby sztudynty kierzi przidóm sztudyrować do Cieszyna wartko sie zwiedzieli jako to idzie przeżyć cały dziyń na żymle s heringym. Kapke dalij po prawo widać kónsek ulice Hajduka, kiero tam w tym miejscu ni mo żodnej tabulki i trzeja mieć mapem coby prziś na to na jaki ceście stojymy. Ku tymu eszcze zaroz s kraja widać kole chałupy ”Fortuna” trzi fany a ku tymu dwa dłógi gołe kuliki na kierych isto też kiejsi cosi sie dyrbało. Moc zwiedawe też je to, że ty trzi fany pokazujóm s kierej stróny świata zustały przismyczóne ale nijak jednakowóż ku sobie nie pasujóm. Możne to je tak naswol powieszóne coby żodyn sie nie zmiarkowoł u kogo zusawił piniódze i jak by dejmy na to cosi trefił kaj sie głosić po nagrodem. Dalij ku sztrece je chałupa w kierej kiejsi plyntało sie moc finaców a dzisio uż jyno siedzóm w auciskach i grzebióm na cestach ludzióm w autach. Je to jakisi gupi, bo kiej granice odewrzili to skyrs czego sznupióm ludzióm po autach i fórt czegosi chcóm nónś? Możne, że to je tymu coby gdosi mioł robotem i nie rozmyśloł o gupotach a fach mu dali taki coby nasrowoł kaj kogo sie jyno do i kiery mu podlezie pod rynkem.

A teraz zaś fajny wic:

Nowoczka wrzeszczy na swojigo starego!
- Uż tego nie wydzierżym jak przichdzisz o północy ożrały i nie dosz mi spać.
- To je przeca twoja wina! Dej mi wiyncyj piniyndzy to przichodził bydym rano.

Mjyjcie sie wszedcy dobrze i wiesiołego popióntku.

Dzisio Wóm zaś poczytóm po naszymu opowiadanie "Kłopoty z Kurami" Henryka Jasiczka, z książki "Humoreski Beskidzkie".

ZAPROSZENIE

Jak co roku we wrześniu, w Cieszynie organizowana jest impreza "Skarby z cieszyńskiej trówły”, podczas której nie brak atrakcji przybliżających bogactwo historii i tradycji Śląska Cieszyńskiego. Gwoździem programu tegorocznej edycji będzie I Cieszyński Maraton Czytania Tekstów Gwarowych, który pod hasłem "Czytómy po naszymu" zorganizowany zostanie w niedzielę, 22 września, w godzinach od 10.00 do 18.00 r. w Książnicy Cieszyńskiej. Podczas imprezy klasykę rodzimej literatury ludowej, jak również powstającą współcześnie prozę oraz poezję gwarową czytać będą zarówno Cieszyniacy szeroko znani (ludzie kultury, politycy, pisarze i poeci), jak i wszyscy zainteresowani miłośnicy naszego regionu oraz języka.