Co tydziyń po naszymu: Ausdruki, czyli powiedzónka
"Skocz mi na pukiel"
"Ciś a wjyncyj sie tu mi na łoczy nie stawiej" "Tu mje ciśnie tu mje pcha tu mje cisnóm do mjecha" "Siedź w kóncie bałamóncie" "Mosz fryzure jakby pierón do sznytloka strzelił" "Mosz gymbe na jedno umyci" "Mosz gymbe jak mjesiónczek w pełni" "Tyś je jak dupa w kraglu" "Bulczysz jak niezdrowo rzić w mydlinach" "Wrzeszczy jak sagi w pokrziwach" Jak kiery jeszcze zno jaki insze i fajniejsze nasze powiedzónka to niech wartko to napisze bo może sie mu to z czepani stracić. Odkłodać nima tego co bo dziecka nóm rosnóm i dobrze by było aby jeszcze teraz cosi łapły z tej naszej srandy. Jo też to spamjyntoł z czasu jak żech jeszcze był klukym i do dzisia mi to z czepani nie wywietrzało. Wszeckim piekne dziynka za to pisani w zeszłym tydniu. Niekierzi strasznie poważnie to se wziyli do serca i całe wielki uczone"dzieła" napisli. Je to fajne. Ale też fajne je dejmy na to pisać to co sie Wóm przidarziło jak żeście byli na skijach i Italskich gorach abo kiery wóm w robocie "stanył" na plynskiyrz, z kim żeście sie powadzili i taki jeszcze insze rozmjte srandowne obyczajne wieca. Bardzo fajnie napisół kierysi taki co sie gańbi jak sie nazywo, ale to nic bo mje sie to strasznie spodobało i se to teraz poczytejcie: Pozdrowiom was.Hej!wars. 2011-02-22 20:40:53 Jeżech tukej. Wyszypłolech ostatni drobne grajcary i byłech z moimi dziołchami na "Och Karol". Jewce, Haniczce, Zusce i Marynce sie tyn film strasznie spodoboł bo zaroz prawiły, ze aji to łonas. Przyszli my do doma nieskoro. Cobyście jyno nie myśleli żech je jaki bigamista. Byłech z mojom babom i trzyma cerami w tym kinie. Czytom wszyćko co tu kiery napisoł. Szpacyrkiem po Cieszynie, DZ w Cieszynie 25.02.2011: F.J. Dral czyta opowiadanie autorstwa Adama Wawrosza: POLECAMY: Kącik gwarowy portalu gazetacodzienna.pl
|
reklama
|
|
Siedź w kóncie bałamuncie.
Bydzie trzeba, nóńdóm cie.
Tu mie ciśnie, tu mie pcho.
Tu mi świyrczek w dupie gro.
Posłóchejcie chłapcy bo sie mi cosi zdo,że tej flozofije je kapke za moc.Jo se tak wszymóm,że p.Dral zrobił cosi od serca bo poczuł ,że mu czegosi chybio jak spadki przijechoł do Cieszyna.Ta naszo rzecz je piekno i starejmy sie społym nie wadzić jyno piszmy co nóm do czepani przichodzi.Jo sóm już prziszeł na to,że jak chcym cosi naszkrobać to muszym sie fest napocić.Myślym se,że idzie mi to doś dobrze ale zawsze lekciyj sie mówi niż szkrobie.Ale tak sie mi zdo,że ta inicjatywa zachyciła i trzeba dziynkować tymu panoczkowi,że sie wziył za to.Bo przeca co tydziyń mómny cosi nowego.Bo do teraz to roz do roka były jakisi gwarowe konkursy i na tym sie to kóńczyło.A potym zaś wszetcy zapominali o naszej rzeczy.I z tego widać,że niewiela sie różnimy od Poloków bo nóm też brakuje uporu w robocie.Tóż teraz se myślym,że jak mómy tyn net to już nie zaprzestanymy i jak ci starzicy zyndóm z tego świata to tacy Andrzeje i Tómasze bydóm to dalij prubować pisać i bulczeć po naszymu kaj sie do.
Na dyć Tomek ,starosz sie też pisac porządnie a i tak znońdziesz u siebie błyndy.Sie mi zdo ,że trzeba wzionśc kapke poprawke ,że pisani postów to zajęci ,kiere kosztuje kapke też czasu kierego żodyn z nas nimo za wiela. Jesi za każdym razym musiołbyś robić korekte tekstu toż jiny ci zostanie jako ci redaktorzy z gazety siedzieć i chladać tych byków. Faktym jest ,że aji by sie godziło tak robic albo wubec nie brać sie za rzecz w tym kąciku gwarowym. Jesi chcymy pisać gwarom potocznom to sie tych byków nie wyzbydyny. Jesi zaś bydymy rozmyślali jak podnyść gwarę do poziomu jynzyka literackigo to pewnie nie znojdziesz chyntnych do pisania aji też derbatowania na tymat jynzyka miejscowego. Jo już se wyobrażom jak profesor łapie sie za glowe co też tu łoni pletom na tym forum- przecz tyn jynzyk miejscowy jesi mo być poprawny to też nimoże być byle jaki. Tylko namów kogosikej ,żeby chcioł to robić na poziomie Anieli Kupiec czy Wawrosza. Sie mi zdo ,że tego sie już nie doczkomy. Gwara poprawna też by musiała być kajsik wykłodano na szkołach a posługiwanie sie niom na poziomie jynzyka literackiego prawie już jest niemożliwościom. Tuż bydymy bulczeć jak poradzymy , aspoń sie z tego kapke posmiejymy. Ino jo mom stracha ,że od tego pisania po naszymu grozi mi już powaznie wtórny analfabetyzm . To ryzyko jest na Zaolziu a ci kierzy tam robiom od nas też zaczynajom se coroz gorzi radzić z jynzykiem polskim. Tyle ,że zaolzioków trzeba rozumieć .Łoni wolom tom rzecz potocznie naszom niż po czesku- Przeca ich "tu stelanizm " pomogo im sie wyróznić s pomiyndzy czechów a Poloków. jesi ta kupczyczka zaczyła prawić z tobom po czesku to chnet wyczuła cie ,żeś nima Zaolziok. Darmo chłopie jeszcze 10 roków porobisz i może po tym bydzie z tobom rządzić po naszymu. Łoni też bydom ewoluować z tom mowom.
Muszym tukej cosik napisać bo sie prziglóndóm jako tu wyrzóndzocie tóż też cosi mało wiela napiszym. Robiym uż w Czechach piynć roków. Spotkołech rostomajtych ludzi, wyrzóndzołech wiela razy s Czechami i s Polokami, a muszym stwierdzić, że coros barży Polokóm kierzi miyszkajóm na Zaolziu je gańba wyrzóndzać po polsku, abo aji po naszymu. Przikład: wlazujym do obchodu w Czeskim Cieszynie: sóm tam dwie paniczki, kiere wyrzóndzajóm po naszymu. Jo do jednej s nich pieknie przerzóndziuł też po naszymu, że chcym kupić cygaretle, a óna mi odpowiedziała ale ganc czysto po czesku. S moji rzeczy se wszymła żech je Polok a uż sy mnóm wyrzóndzała inakszy. Jo nie prawiym że to musi tak być wszyndzi, ale uż pore razy żech sie s tym spotkoł. Na forum polonica.cz też żech musioł swoji dwa grejcary styrczyć, bo źle sie robi, jak Polocy na Zaolziu piszóm po naszymu miasto po polsku – dyć tyn ich polski czasym je lepszy jako Poloków, kierzi miyszkajóm w Ojczyźnie. Jak widzym, jako Polocy na polskich forach piszóm s błyndami, to mie czyrwióno zalywo. Jo wiym że rzóndzić a kultywować jynzyk polski w inszym państwie je ciynżko, ale trzeja wiedzieć, że u nas na Cieszyńskij Ziymi były dycki dwa jynzyki – polski pisany, a drugi kierym sie wyrzóndzało w chałupie a na każdo s przocielami – naszo rzecz. Idzie pisać po naszymu, ale trzeja aji pisać po polsku. Żle je aji że dwie nejwynksze organizacyje Polónije w Czeskij Republice PZKO a KP sie fórt miyndzy sobóm żeróm. Miasto robić cosik pospołu, to sie wadzóm, a Polocy to widzóm – zbytek se dorzóndzccie sami. Kierysi powiy – tymu Sochackimu sie tak dobrze rzóndzi bo miyszko w Polsce, kany sie na każdo rzóndzi po polsku, ale jak Wy Polocy bydziecie rzóndzić po polsku a bydziecie kultywować polskość na Zaolziu to Polokóm w Ojczyźnie bydzie gańba, że óni ani nie poradzóm porzóndnie po polsku pisać na forach, a jynzyk polski tak profanujóm. Tóż rzóndzcie po polsku a po naszymu, a jak przidym po cosikej do magacynu, to też rzóndzcie jako umicie…
Mosz recht, isto jyno o jedno!
Jo pamiyntóm jak Jens Weißflog jako kómyntator eurosportu godoł. Wubec sie nie silił na poezje , yny szprachoł po ichnimu gorolsku . Po swojimu zawsze godo też wszyndzi Franz Beckenbauer - Bawarczyk. A kole Salzburga zaś ganc inaczyj godajóm . Jaaa, ale tam sie żodyn nie gańbi swoji rzeczy - na opak jako u nas. A panu J. Sikorze dóm prostóm rade . Kiej Wóm różne wieca opadajóm jak mocie co po naszymu poczytać , wykludźcie sie do inkszej gazety i tam wykłodejcie swoji teoryje - po moimu guwno werte. Łod serca pozdrowióm !!
A języka nauczyć się może każdy, lepiej lub trochę gorzej.
Drzystu, chlastu aż ku miastu. Mi sie zdo, że to wszystko zależy indywidualnie od wychowanio, wpojonego poczucia patryjotyzmu, może i rejonu naszego powiatu. No i nie rozumiem po jakiemu sie to tak dzieli, polok, ślązok, przeca to jedno je w drugim. Kto jaki je z natury nie zależy łod narodowości, pochodzynio czy jeszcze inych cech. Człowieka poznaje się po czynach!
Różowo, godzesz jakbyś nie wiedziała, o co sie na Zaolziu rozchodzi...
Jak to czytom z dalsza strasznie moc byków je w tym co napisołech.Pólka jedna to je isto mało. Na zdrowi!.
Na zdrowi!
Toz dejmy siem kapke do rzeczy na tyn tymat. Jo znom baji ludzi szkolonych co furt prawjom po naszymu. Oni ganc sie spojujom z tymi swoimi somsiadami i nic sie nie chcom odróżniać. Jyny mój kamrat jak zdowoł na studia to godoł po naszymu. A skoro był to egzamin ustny to ta profesorka ganc nie wiedziała po jakimu łon prawi. I go oblołóa. Było mi go strasznie luto bo polok ,nasz chłop ,kierymu sie zdało, ze po naszymu to je i po polsku. I tak je, jo sie z tym zgodzym, ty, może aji profesor Kadłubiec- kiery też prawi ,ze mowa Śląnska Cieszyńskiego to archaiczna mowa staropolsko - tylko ,żekni to tym profesorom szkolonym w tych polskich warszawskich szkołach kierzy profesora Kadłubca nie znajom. Mosz recht ,że wiela wiecy robimy w tej lokalnej polityce felernie. Jo prawjym ,że Polsko wladza mo też uznać etniczność Śląnzoków- jak to robiom baji Czesi czy Niymcy. Co im wadzi? Przeca jakby otworzili furtke z tom ślonskom etnicznościom sprawa by sie wróciła ganc do początku. Skoro profesor prawi ,że ta ślonsko gwara je staropolsko a prawiom niom wszyscy ślonzocy na cieszyński ziymje to ślonzocy som nasi. I nic by nie wadziło ,że Czesi i Niymcy by też tak prawili- tyle ,że Polok z tej naszej rzeczy wjyncyj rozumjy niż czysty Nymiec albo czysty Czech -tak by było nas wjyncyj do kupy. Mie sie też zdo ,że Ślonzocy som nasi a łoni czyli my wjymy skond my som- tyle że najpiyrw my som tu stela a potym dziepro polokami. Wiela ludzi sie szkopyrtło tylko tymu ,że te polityke nasze władze nimajom dobrze przymyślanom i furt im sie zdo ,że poloków je moc tymu do etniczności nimajom szacunku -a to je wielki błąd. Wyśmjywać ,szydzić ,że ktoś prawi rzeczom swoich przodków tu by nimiało być miejsca. Jesi jednak polsko szkoła nie poradzi nauczyć swoich uczniów poprawnie mówić w języku polskim to misi sie z tym rachować ,że na polski uczelnie z tego powodu bydzie im o wiele trudni sie dostać- a brak polski inteligencji na zaolziu to też wielko strata. Chociaż rzeknym ci tak- dzisio wjyncyj polskości jest tam gdzie som ludzie słabi wyszkoloni na Zaolziu hermetyczność krupy etnicznej skazuje ich jednak z góry na prace fizycznom a to też mi je luto dyć to ludzie zdolni artystycznie utalyntowani. Tak ze to nie som lekki sprawy- lepi se dać by było po półce.
Wars, przocielu, bardzo dobrze rozumiym, co chcesz powiedzieć. Z drugi stróny realia zaolziański sóm taki, że szczególnie dlo ludzi z wykszałcynim podstawowym jynzyk polski je jynzykym obcym. Zaczynajóm sie go uczyć w podstawówce, ale na przerwach a dóma mówióm jyny w swojim jynzyku macierzystym - po naczymu. Potym idóm robić do czeskojynzycznego środowiska, tak że na żodym szpas ni majóm możliwościi nabyć w polskim wprawy. Przi tym je jasne jak słóńce, jak bardzo potrzebujymy, aby aji ci ludzie w spisie zadeklarowali polskóm narodowość. Dlo tego ich nie trzeba poniżać, bo nie zadeklarujóm. Ale aji tak se Twoigo zdanio wożym. Prowda, jako prawisz, je na kóńcu cesty, a tam żodyn z nas nie dotrze.
Jyndrys (my tak mówili ujcowi), nejgorsze je to, że takich Sikorów je wiyncy a ci w swoji dobrej wierze robióm godnie złej krwie po jednej i drugi strónie.
Roztomili ludkowie, miyszkóm na łazach, kaj sie człowiek dostanie w lecie jyny na kóniu a w zimie na skijach a tak Głusu Ludu czytóm jyny przez internet. A na internecie – wiadómo - dowajóm numery w nejlepszym razie z dziesiynciodniowym opuźniynim. Dzisio żech se preczytoł felietón póna Jacka Sikory p.t. Liścik do Francka Anonima z 19lutego. Ponieważ je żech zmómy ze swojigo piractwa, i tym razym przekopirujym Wóm bez zgody autora cały artykuł. A w nim stoi: „ No i ruszyło nowe forum dyskusyj¬ne na temat zbliżającego się w Re¬publice Czeskiej Spisu Powszech¬nego. O dyskusji, która pojawiła się na portalu społecznościowym już pisałem. W pojętym raczej fe¬lietonowo tekście podsumowałem ją słowami: „O jedno trzeba zapy¬tać z zaniepokojeniem: »Jaki język wpiszą do rubryki w formularzu co poniektórzy dyskutujący deklarują¬cy językowym dziwolągiem swoją polskość?". Teraz wydawało mi się, że na forum na stronach Kongresu Polaków (www.polonica.cz) dyskutujący przynajmniej trochę bardziej będą starali się posługiwać językiem literackim, a nie gwarą. Okazało się ponownie, jak jestem naiwny... Już bowiem w pierwszym poście jego autor - podpisujący się Gall Anonim - wali prosto z mostu: „Pyty! Dyskutujmy a piszmy po naszymu! Dyć tak nóm gymba na¬rosła. To że stawiómy na polskość nie znaczy, że tu bedymy trapasić a pisać »niby po polsku«. Wjynkszość z nas po polsku absolutnie pisać nie umiy... Autor Polonica.cz je tego dowodym. Jasne, że we spisie zaznaczym jynzyk polski aji na¬rodowość polskom, bo se uświadomióm jaki to mo konsekwencje.... ale nie bedym se wzdować swojigo specifyka mówić a pisać po naszy¬mu. Dyć w takim jynzyku aji przebiygajóm moje myśli. Wszyscy moc dobrze wiymy, co trzeba zaznaczyć we spisie... Ale czymu by my se mieli starać pisać »sztucznym jynzykym polskim«? Niech po polsku pisze yny tyn, gdo fakt po polsku pisać umiy. Absolutnie nimóm nic przeciwko wszelkim inicjatywom »Postaw na polskość«... Ale niestety nie rozumiym, czymu by my o tym nimieli dyskutować w jynzyku, kie¬ry je wjynkszości z nas nóm nejbliższy" (pisownia oryginalna). Ręce i klawiatura opadają. Wszystko wskazuje na to, że autor jest Polakiem z Zaolzia, absolwen¬tem polskiej lub polskich szkół. Jeżeli zatem uważa, że język, któ¬rego się tam uczył, jest „sztucznym jynzykym", to widać w naszym szkolnictwie polskim, a właściwie w całym polskim społeczeństwie nad Olzą, coś jest nie w porządku. Już Szekspir pisał o tym, że coś psuje się w państwie, ale w duńskim, bo sławny pisarz nic jeszcze nie wie¬dział, na szczęście, o Zaolziu. Boli mnie dodatkowo jeszcze jedno. Autor, który swojej wypociny nie chciał podpisać, przyjął pseudo¬nim Gall Anoniin. Zal mi się zro¬biło autora pierwszej kroniki Pol¬ski, najprawdopodobniej Francuza, który napisał tak piękne dzieło o początkach historii kraju, który go przyjął. Drogi mój rozmówco bez podpisu — nie lepiej by się było pod¬pisać Pepa, Jożo czy Francek Ano¬nim?...”
I to by było na tela. Tóż jo se myślym, ludkowie, że manifestowani pogardy i zjadliwo irónia to nie je tyn prawy sposób w załolziański kampanii „Postaw na polskość”. Przi ostatnim spisie wiela ludzi napisało do rubyryki narodowosćc „ślónsko”. Nó bo jesi Polocy, albo tacy co sie za nich uważajóm nechcóm miyndza siebie przijónć tych, co im filfedra po polsku tak dobrze nie klejże, to jaki może być inszy rezultat. Je mi przikro aj z tego powodu, żech ojca póna Jacka Sikory znoł i wiym, że ón na gware mioł insze poglóndy.
Andrzeju powjym ci tak jako tyn filozof w Chinach,kiery wedle sibie mioł dycki filozofujoncom swojom babe. Ty mosz recht aji Pón Sikora mo recht. Jako to prawi jego baba ,przeca on godo ganc na rymby jako tyn pjyrszy. Na to tyn filozof prawi do swoi baby- wjysz i ty mosz recht. Jako to prawi mu baba wszyscy momy recht? Na to filozof dodoł- na dyć idźcie tom cestom deli łona wos do prowdy przikludzi. Cosikej w tym je. Wszystko zoleży kaj kiery siedzi to widzi sie ty same wjecy inakszy.
A u nas się prawiło: drzystają jak żić w szafliku.
Nale Panoczku nie obrażają się tak. A lepi byście zrobili jakbyście po prostu zdziebka napisali z kąd ście są anie tak cudacznie: z kole miasta Łodzi. Bo my tu sie nie wyśmiewómy z kąd gdo je. Ta tożsamość to je pieróńsko ważno i indywidualno rzecz.
W zimie kajkiery kucko jak traktór do kopca.
Jo je werbus z lat 70-siątych i nie obrażej mie bo jo też juz umiym mówić i pisać po moimu i po naszymu a przyjechołech z kole miasta Łodzi a już tu mom wnuki
Powiedziołbych, że tak kole 36
Pasie synek gynsi a kole idzie pocestny. Jak ty gynsi uwidzioł tóż prawi tymu synkowi: Tych gynsi mosz isto ze sto. Synek na to: Ale kaj też. Gdyby ich było roz tela, pół tela, ćwierć tela a jeszcze jedna ku tymu, tak by ich było sto. Kiela tych gynsi synek pos?
U nas sie mówi: Wypasióny jak łónka na jesiyń. A dalsze: Posłuchej uchym a ni dziurawym brzuchym.
"Wypasióny jak miedza na jesień". Szumnie pozdrowióm a piknie dziekuje za te powiedzónka. My już downo ich nie słyszeli.
miód w sercu, jak se mogym poczytać po naszymu. a śmioć mi sie chce jak se pomyślym ,że werbusi nie wiedzóm o czym tu sie żóndzi.
Jeszcze znom takie" Bulczisz jak babuć w pomyjach"
Musicie przeboczyć.Trza by było pońść do doktora za jakimiś brylami jino robote mom szpatnom to żech nima na to noszyni bryli zwykły a na daleko widzym dobrze. Na tyn komputer jak czytom to sie dziwom z półtora metra, to przeczytom.Zaś jak piszym to mi je za blisko bo ślepia by musiały być dali łod moi glowy albo rynce roz tak dłuksze. Z bliska sie to rozmazuje i tak to je, ze albo wedla albo dwie ty litery na roz wyskakujom co som łobok. A jak już mo człowiek ryme a slepia zapuchniente to je ganc sumeryja i sie idzie kłaść ze smjychu co to wychodzi spod tych klawiszy.Byle do pyndzyje a potym jakoś byje.Wczora my byli na kuligu.Wjyźli nas na Stecówke. Konie oszerowane szumnie wyglondały. Co chwile tymi bjercami zaździoły o plechowe galandry przy ceście bo było strasznie wonsko aji trza było ustompić placu inszym saniom. Do sań nas wlazło dwanoście. Toż my sie naśpjywali aji szło cosik wypić ale tym razym mjodule. Toż sie darzi. Jino jakoś z rana przi niedzieli zaczyłech kuckać aji mom ryme. Może by sie zdała jakosik maródka a przy tym bych se i ty bryle obsztelowoł. Jiny łoni nie radzi majom jak kierysik idzie na tom maródke.Zaroz posyłajom tych hycli ze ZUS-u toż potym chonym sie trzeba przewlykac do pidzamy jesi sie zdąży spozorować kiery to burzi do dwjrzi. Marynka od sameko rana koże mi na szlapy nazuć hrubsze fusekle i legnąć se pod pierzine i sie wygrzoć. Syrop mi pocisko a jo bych tak raczyj woloł tom mjodule i rozmyślom jako by jom tu zesztelować. Słożyłech w kachloku to byje sie przy czym grzoć. Toż mjyjcie sie heski.
http://szkopyrtok.bloguje.cz/659400-przys-owia-stela.php
Pieknej niedzieli życzym każdymu kiery tukej zoglóndo !
Sumeryja grejcarowo z tym warsym . Fórt sie mu palec szmatle po tych klawiszach :))
Dzierży jak guchy dźwiyrze.
Tomaszu, je żech pod wrażynim Twoji stróny internetowej. My tu żartujymy s tym tłumaczynim Biblije a tyś je po cichu a już żejś je skoro fertich s Genesis. Też Twojigo szlabikorza/ślabikosza sakramyncko przibyło. Je tam aji kupe inszych strasznie fajnych rzeczy, tak że gdo jeszcze nie był na strónie http://www.gwara.zafriko.pl/kat/cieszynski_szlabiko niech tam migym leci. Wczora było nieskoro.
Francek dzierż ściane jo idym po piniondze
Toż cieszyniok przeca napisoł swoi miano -wars. Co darymnie klebecisz.
Myślym se panoczku ,że Pón Dral wcale nie chce wiedzieć jako sie mianujecie ale lypszyj mu je cytować jak chocioż mo jakisi symboliczne miano.Jo zawdy piszym cieszyniok i je to fajnie.A Dzingielów znóm jeszcze z downych roków jak mój tata chodził tam do gospody "do Czaji"
Tóż paniczko tak sie to nieprawi jak Wy żeście to tu napisali bo z tóm gwaróm to nima tak lekuśko.To nie styknie jyno jakisi jedno słowo wsyrczyć do zdanio.To musi być całe fajnie napisane do kupy.Tóż podziwejcie sie joko to sie pisze:"dzierży sie jak lutersko wiara kole Cieszyna" i "ciepiesz sie jak wróbel na szpagacie".Myślym żeście sie łodulili żech Was kapke poprawił.
Na głowę możesz iść na rentę,nie potrzebujesz papierów za szkodliwe. Tym bardziej że wiadomo jak to z tym szkodliwym teraz się kombinuje. Dobrze piszesz że ci szkodliwe uznali bo pewnie jedyne szkodliwe to była praca na kacu
Dźynka za witani Witom.Moze sie nom trefi aji jaki wyblyszczka.Snoci marzynia sie spełniajom.Anich se nie myśloł ,że Pón Dral mnie tu zacytuje.Jino nie rozumjym czymu Łon prawi ,że sie ganbjym jako sie mjanujym.Wszak zasady forum prawiom o tym ,że mo się używać nicka.Jo wjym ,że wszyscy czekajom aż im powiym gdo jo je.Jedni prawjom ,żech je radny,ińsi zaś godajom ,żech je mulorz,a jeszcz ińsi ,że jakoś paniczka. A jo mjeszkom w Dźyngielowie łod urodzynia.Mamę miołech spod Lipowca a tata mój też je z tej dziedziny co jo. Jeszcze robjym na szachcie na wjyrchu. Móm trzy cery a jednego chłapca. Sztyry wnuki- trzo chłapcy a jedno dziełuszka. Dwa roki do pendzyji bo cosi szkodliwego mi uznali.Niech se już tam mysli kazdy co chce ale nie doczkocie sie tego moigo mjana.Jesi nie wjycie to isto nimocie wiedzieć - i zbyte. Musi wóm styknóć tyn wars.(Drzystu chlastu aż ku mjastu).
Wy mociue swoji zasady, jo zaś móm moji kwasy.
Wykukuje, jak pół dupy spoza chrostu.
Wrzeszczy jak podciep w kukurzicy.
Lepszy s baranami rzykać, niż s wami bulczeć.
Wyśmiywoł sie kocioł z garca a sóm prziwrzoł na pół palca.
Tu mje targo,tu mje rwie,tu móm dźiure a tu dwie.
Jak bedźiesz tak stary jak jo,tak bedźiesz srou a trowy se dźierzou.
No fajnie żeście obeszli to miano wnuka gdybych wiedzioł to bych przyszeł na wyblyszczki...pozdrawiam
Dlaczego wszystkie zacytowane wyżej powiedzonka są w tonie wojowniczym? Czy to autor jest agresywny, czy Cieszyniacy? Tak na szybko przypominają mi się dwa powiedzonka. Pierwsze też wojownicze: rzucasz się jak wróbel na szpagacie. Drugie bardzo lokalne: trzyma jak luterska wiara w Cieszynie. (po polsku to nie brzmi tak fajnie, ale jako że nie jestem stela...)
O ile chodzi o powiedzonka (ausdruki) to polecam Wydawnictwo PTL z 1960 roku autora Józefa Ondrusza pt. PRZYSŁOWIA I PRZYMÓWISKA LUDOWE ZE ŚLĄSKA CIESZYŃSKIEGO"gdzie można znależć 8566 powiedzonek śląskich zebranych przez Jan Brodę, Jana Bystronia, Andrzeja Cienciałę, Leona Derlicha, Karola Piegzę, Józefa Ondrusza, Rafała Olszaka i innych.
a mie sie wspómino "ona mo nogi jak raucherki od Zymana",abo jak spuchłe nici.
"wyglondo jak z kozij rzici rajzyntaszka"
Przedwczora było Macieja. Mój wnuk mioł miano.Moja baba Marynka uwarziła łobiod. Była polywka z kury z nuglami narobionymi.Mom rod jak som grubo nakrote i łona już wjy jak to mo robić tak ,ze było się czego najeść. Mjynso s kury bylo ze smietónkowom moczkom a zatym jeszczec kołocz z herbatom. Wydżwigali my wnuka na sztokerli a potym wypili my troche kwitu coby nie zostoł starym pachołkiem. Najbadżyj szanowanom na taki imprezie je zawsze potek ,to kazdy poczynstunek zaczyno sie od niego.Warzónka była fajno a w mroźne dni dziepro szmakuje.Moja paniczka też wypiła ale jyny co drugi roz.Potka piła aji za zdrowi tego małego.Kazdymu honorowymu gościowi a był nim potek prawiło sie ,że idzie jeść wielkom łyżkom. Macka momy mańkuta łod urodzynio.Mie to pasuje bo jo też je mańdok aji mój chłapiec.Tara my som trzo do gromady kierzy dzxiwajom sie na swiat z lewej strony aji robote przekładomy na lewo.Na koniec potkowie i jińsi goście dostali wysłóżki coby nas nie musialo być gańba bo taki już był zwyczoj na kazdej naszej gościnie.
Dodaj komentarz