, czwartek 17 października 2019
CO TYDZIYŃ PO NASZYMU: Pojczać pinióndze to je wartko, ale s wracanim je zawsze ostuda
...zakludzóm nas do banku PKO fot: FJD



Dodaj do Facebook

CO TYDZIYŃ PO NASZYMU: Pojczać pinióndze to je wartko, ale s wracanim je zawsze ostuda

FJD
CO TYDZIYŃ PO NASZYMU: Pojczać pinióndze to je wartko, ale s wracanim je zawsze ostuda

kiery Zapiecek sie mianuje


CO TYDZIYŃ PO NASZYMU: Pojczać pinióndze to je wartko, ale s wracanim je zawsze ostuda

te pojczke nazywajom PEX


CO TYDZIYŃ PO NASZYMU: Pojczać pinióndze to je wartko, ale s wracanim je zawsze ostuda

je tam uż łod 1886 roku

Szpacyrkym po Cieszynie “Gdo sie za swój jynzyk wstydzi takim niech sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"
POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Inkszo chabanina

Dzisio eszcze roz sie podziwómy na tego szykownego fryzjera, kiery mo warsztat na Sejmowej. Sie mi zdo, że je to w Cieszynie yno jedyn goacz , kiery nie zdziwoczoł i na na swojim szyldzie napisoł ganc ańfachowo, że tam je fryzjer. Ku tymu też ganc po ludzku napisoł, że u niego ostrzigać sie mogóm chłopi i paniczki. Nie przyszło mu do czepani dopisać yno na tym szyldzie, że ogólóni u niego mogóm być wszedcy, a nie yno chłopi, bo lecy kany widać też przeca paniczki s fusym. Dalij na winklu, jak wyndymy spadki na Głymbokóm stoji chwolidło łod baru mlycznego, kiery Zapiecek sie mianuje. Przepómnioł yno kierysi dopisać wiela metrow trzeja sie przeszpacyrować, coby na niego trefić, bo przeca zaroz piyrsze dwiyrze zakludzóm nas do banku PKO. Tyn bank, tak jak wszecki inksze namowio nas do pojczanio se u nich piniyndzy, bo uż downo wszedcy zapómnieli, że coby se sosi objednanego kupić trzeja na to nejprzód naszporować. Czymu te pojczke nazywajóm PEX tego nie wiym, ale myślym se, że dlo posuniyntych w rokach tusteloków bydzie to wpóminka na Pewex w kierym chańdownij kupowało sie za dolary żytnióm i rifle. Na Głymboki cylnymy zaroz na masarski kszeft, kiery sie chwoli, że je tam uż łod 1886 roku. Cosi sie mi zdo, ale na zicher nie pamiyntóm, że za socjalizmu przedowali tam cosi inkszego. Na iste drepszom eszcze po cestach tustelocy co to pamiyntajóm i w komentarzach mi napiszóm, czy chańdownij na hokach wisiała tam zawsze owiynzina,chabanina czy możne jakisi inksze wieca.

Mini słownik :
podziwómy-popatrzymy,
golacz-fryzjer,
zdziwoczoł-zwariował,
ganc-całkiem,
ańfachowo-zwyczajnie,
czepań-głowa,
lecy kany- gdzie nie gdzie,
fus-wąs,
winkiel- róg,
spadki-z powrotem,
mianuje-nazywa się,
zakludzóm-zaprowadzą,
pojczać-pożyczyć,
objednanego-zamówionego,
naszporować-zaoszczędzić,
na zicher-na pewno,
drepszom-chodzą,
cesta-droga,
owiynzina-wołowina,
chabanina-mięso pośledniej jakości

Tóż miyjcie sie wszedcy dobrze i wiesiołego popióntku

Dzisiejszy tekst ma tytuł Inkszo chabanina

Komentarze: (2)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

To było tak. Kiejsi hań downi jak mój starzik mi rzondzili, było na masarni napisane "Rzeźnik', a Mięso i Wędliny w środku. Jo zaś pamiintom inaczy, że było na kszefcie naszkryfane "Mięso Wędliny", a rzeźnik stoł w środku.

Co do masarskigo kszeftu, to naisto sie Wom cosik zdo, bo za socjalizmu ino miynso i wyrsztle były na hokach. Jak były, of course.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama