, wtorek 23 lipca 2019
Dzisio jak wszedcy poradzóm chlasnóć se fotke bele kaj, to uż żodnego kszeftu s pamióntkami nie trzeja
Felieton pt.: “Fórt ciykła” FONIA fot: FJD



Dodaj do Facebook

Dzisio jak wszedcy poradzóm chlasnóć se fotke bele kaj, to uż żodnego kszeftu s pamióntkami nie trzeja

FJD
Dzisio jak wszedcy poradzóm chlasnóć se fotke bele kaj, to uż żodnego kszeftu s pamióntkami nie trzeja

”...kiejsi ciykła woda...”

Szpacyrkym po Cieszynie
“Gdo sie za swój jynzyk wstydzi takim niech sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Fórt ciykła

Do dzisia żech pisoł, że we studni Trzóch Braci ni ma wody i lufciorze ni mają żodnej uciechy, coby ciepać tam na suche skoli swoji drobnioki. Dzisio napiszym, skyrs czymu tam tej wody ni ma. Je to przeca ganc ańfachowe, że ji tam ni może być, bo prowdziwne żródło s kierego fórt kiejsi ciykła woda, gdosi dziesiyń roków tymu kozoł zabetonować i puścić do ni wodem s waserlajtungu. Coby jednakowóż łóna nie przebiyrała, wyszpekulyrowali że załóżóm tam taki patynt, jaki moc ludzi mo we swojich haźlach. Żodyn jednakowóż se nie wszymnył, co sie bydzie robiło, jak tyn patynt zrobi kaput. Dóma jak sie taki cosikej przidarzi, to sie woło machera, abo samymu sie to sprawi. Gorzij jak to ni ma niczyji czyli łod wszeckich i coby to sprwić trzeja dycki wołać ku tymu fachmana łod waserlajtungowej profesyji. Gorzij jak to chlaśnie w sobotem, abo niedzielem, to nigdy ni ma pana, coby to sprawić. To samo je, jak to kaputnie po połedniu, jak uż wszedcy fachmani sóm dóma i żodnymu to ni ma w głowie, coby ku tymu prziś i to sprawić. Je to przeca atrakcyja dlo letnikorzi, a łóni sie plyntóm po naszym mieście ło każdym czasie, bo sóm przeca na łorlapie. Tako samo je łostuda s ich obsługowanim po połedniu i w niedzielem. Każdy lufciorz cosi chciołby przeca przismyczyć ze sebóm do chałupy s tej nawszczywy, a my Informcyje Turystycznóm mómy uż łod czwortej po połedniu w niedzielem zawrzitóm. Zeszłóm niedzielem trefiłech tam na taki sztyry nasrane paniczki, kiere klamkowały te informacyje i żodyn im nie łotwiyroł. Coby jednakowóż tak fest nie fluchciły toch im poradził, coby se sy mnóm zrobiły fotke.

Mini słownik: lufciorze-turyści, skoli- kamienie, skyrs- z powodu, ganc-całkiem, ańfachowe-proste, waserlajtung-rura z wodą, haziel-ustęp, wszymnył – przewidział, dycki- zawsze, kaput-przestaje działać, fórt-ciągle, przismyczyć-przyciągnąć, nawszczywa-odwiedziny, zawrzity-zamknięty, nasrane-niezadowolone, fluchcić-przezywać.

Tóż miyjcie sie wszedcy dobrze i wiesiołego popióntku

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama