, czwartek 21 marca 2019
CO TYDZIYŃ PO NASZYMU: Zdo sie, że Czesi to sóm ci sami ludzie, a tak to ni ma
Felieton p.t.: ” Po zadku” Fonia fot: FJD



Dodaj do Facebook

CO TYDZIYŃ PO NASZYMU: Zdo sie, że Czesi to sóm ci sami ludzie, a tak to ni ma

FJD
CO TYDZIYŃ PO NASZYMU: Zdo sie, że Czesi to sóm ci sami ludzie, a tak to ni ma

”...jak sie wlezie na poczte...”

Szpacyrkym po Cieszynie
“Gdo sie za swój jynzyk wstydzi takim niech sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Po zadku

Łod czasu jak sie społym trefili trze bracio, Bolko, Leszko i Cieszko i aże do I Wojny Światowej, Cieszyn był dycki do kupy jednym miastym. A zaś łod tego czasu jak jacysi módrocy przegrodzili go na poły, mómy fórt s tym ostudem. Jak w roce dwa tysiónce sztwortym, wlyźli my do Uniji, to podarziło zaś sie to miasto dać do kupy. Tak sie yno wszeckim zdowało, ale widać, że po łobu strónach Olzy wszecko fórt je jakisi insze. Jyno ludzie sóm jakby s tej samej sztancy, bo majóm wszedcy po dwie rynce, po dwa klepeta i po jednej czepani. Jednakowóż ty postrzodki majóm jakisi insze i idzie to posłóchać, jako ze sobóm rzóndzóm po łobu strónach Olzy. Mómy też fórt tuplowane urzyndy i dejmy na to sóm dwa rotuzy, dwie poczty i insze. Do dzisia sie nie podarziło dorzóndzić skyrs jednakich autobusów, kiere by mógły jeździć po łobu stónach Olzy i ani też nie idzie jeździć taksówkami tam a haf, bo też na to ni ma powolynio. Tustelocy bydóm mieć ostude s pozbiyranim sie na czeski poczcie, jak bydymy chcieć cosi posłać łod nich do świata. Nie wiym czymu tak to je, ale fórt s czymsi sóm my za tym Czechami po zadku. U nas W Cieszynie jak sie wlezie na poczte to jak do jakigosi kszeftu w kierym idzie wszecko dostać. Narachowołech tam jedynos rozmajtych geszteli na kierych idzie uwidzieć, co sie yno do. Łod wszelijakich gazet po taszki, poski, miśki, pici energetyczne i eszcze bóg wiy yno co. Zaś łokiynek na listy i paczki ani nie idzie spozdrzić, bo sóm łóne zawalóne rozmajtym charapucim. A w Czechach w pocztowej siyni stoji tako zileźno kiśna na kieróm trzeja prziciś i óni hnet wiedzóm z czym i po co sie do nich prziszło.

Mini słownik: społym- razem, trze-troje, dycki-ciągle, fórt-stale, ostuda-kłopot, wlyźli-weszli, podarziło-udalo, klepeta-nogi, tuplowane-podwójne, haf-z powrotem, skyrs-z powrotem, po zadku- do tyłu, gesztel-konstrukcja, taszki-torebki, charapuci-nie potrzebne rzeczy, kiśnia-pudło, hnet-zaraz.

Tóż miyjcie sie wszedcy dobrze i wiesiołego popióntku

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama