CO TYDZIYŃ PO NASZYMU: Zawrzić werk to je roz dwa, ale postawić nowy, to ni ma tak lekuśkobyć zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" Uwidziołech w jednym mieście takóm wspóminke po werku, w kierym kiejsi wyrobiali piły do cyrkularek. Stoji łóna na placu, kaj dzisio je kszeft w kierym idzie kupić rozmajte wieca. Ale coby żodyn nie zapómnioł, jaki łón był i co wyrobioł, postawili tam takóm wielkóm cyrkulare, na kierej idzie poczytać, jak dłógo łón fungowoł. I prziszeł mi taki napad, coby w naszym Cieszynie w kierym hańdownij była cało kupa werków ganc tak samo zrobić, a na tych tabulkach napisać, miano tego co kozoł ty werki pozawiyrać . Niech tustelocy i letnikorze wiedzóm, że kiejsi w CEFANIE wyrobiało sie porzóndny wercojg i skyrs tego patrziło by sie tam postawić taki wielki francus do kupy s kombinaczkami. Zaś w POLVIDZIE wyrobiało sie norychta do jedzynio i tam postawić takóm gmeć skuplowanych razym łyżek s widelcami. Był też taki werk co sie ZAMPOLYM mianowoł i wyrobioł rozmajte rajfeszlusy i tam też patrziło by sie, dać zrychtować jakimusi macherowi taki wielki model tego zawiyradła. Pasowałoby też postawić taki wielki fojercojg wedla tej chałupy w kierej fungowała TERMIKA, coby aji młodziocy wiedzieli skónd sie znaszły fojercojgi w jejich auciskach. Zaś wedla drukarni przi Schodowej dobrze by było postawić takigo wielkigo manekina, kiery by dzierżoł w ryncach kónsek ksiónżki. Był też kiejsi taki werk JUWENIA w kierym wyrobiało sie rozmajte tryczka i tam też pasowałoby, rozpostrzić taki wielki tryczko s dłógimi rynkowami, coby szło go s daleka uwidzieć. Jak by sie nóm to podarziło to nie trzeja bydzie nieskorzij zogłóndać do Wikipedyji, coby sie dowiedzieć kaj stoły i co wyrobiały w Cieszynie, ty nasze rozmajte werki. Mini słownik: kszeft-sklep, wieca-rzeczy, fungowoł-funkcjonował, napad-pomysł, hańdownij-dawniej, miano-nazwisko, pozawiyrać-pozamykać, letnikorze-wczasowicze, wercojg-narzędzia, kombinaczki-kombinerki, kaj- gdzie, norychta-narzędzia, skuplowanych-zespolonych, patrziło-należałoby, fojercojg-zapalniczka, wedla-obok, tryczko-t-shirt, Tóż miyjcie sie wszedcy dobrze i wiesiołego popióntku.
|
reklama
|
|||||||||||||||
|
Dodaj komentarz