CO TYDZIYŃ PO NASZYMU: Wode trzeja szporować, bo roz dwa ji chybibyć zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" Naburzić wody Fórt sie cosi zaimawego w Cieszynie przeca mnoży i ciynżko bydzie dzisio wybrać te rzecz naprowde zaimawóm. Zacznymy łod takigo gesztelu, kiery gdosi postawił na zómku przed oranżeryjóm. Je to taki patynt, kiery mo naburzić wody do trzóch plastikowych kiśniczek, jak gdosi yno na huśtczte sie kapke pokiwie. Stoji uż to tam porem dni, ale jakosi tustelocy nie za bardzo sóm chyntni do plómpanio wody samymi nogami i woleliby isto plómpe na sztróm. Taki mómy dzisio czasy, że wszedcy sfajnieli i żodnymu sie nie chce ani kiwnóć palcym. Nejlepszyj je przeca kabel wrazić do sztekra s kierogo żynie sztróm i uż je po kłopocie. Eszcze nie tak downo kryncili my kurblóm, coby kapke wody ze studni wysmyczyć, abo wieszali my amper na kluce i ryncami drzili go do wyrchu. Połówke sie tego po cescie uloło i trzeja było s tóm klukóm eszcze porem razy sie łogawić, coby tej wody stykło na ożbluchani sie, abo możne i na prani zmazanych wiecy. Nieskorzij gdosi wyszpekulyrowoł plómpe, kieróm trzeja też było pokiwać tam a spadki i woda uż sama leciała do ampra, żbera abo do inkszego podsawiónego wielkigo garca. Tak czy inakszyj ludziska dycki mieli s wodóm jakómsi łostude. Roz ji było za moc, jak porem dni giszało s nieba, abo zaś ji chybiało jak prziszeł s nieba hyc. Ludzióm żodyn nigdy nie wygodzi, skyrs tego, że każdy mo inszóm noture i co inkszego mo rod. Coby wszeckim dogodzić znaszli sie tacy co poradzóm naburzić do flaszek taki wody, kiero mo w sobie bulki, abo taki, kiero mo w sobie zielazo i inksze, jako to dzisio sie prawióm mikroelemynty. Mini słownik: fórt-ciągle, rzecz-temat, zaimawóm-interesującą, gesztel-konstrukcja, naburzić-napełnić, kiśniczka-pudełko, kapke-troszkę, sztróm- prąd, sfajnieli-wydelikatnieli, szteker-gniazdko, żynie-pędzi, kurbla-korba, wysmyczyć-wyciągnąć, kluka-drąg, drzili-ciągli, cesta-droga, łogawić-troszczyć się, ożbluchać-opryskać, amper-wiadro, dycki-ciągle, łostuda-kłopot, giszy-leje, hyc-gorąc, skyrs-z powodu, prawi-mówi Tóż miyjcie sie wszedcy dobrze i wiesiołego popióntku
|
reklama
|
|||||||||||||||
|
Tyn wichajster z kurblą do studnie to na niego mowili rympoł, przewaznie z kołym zamachowym łod sieczkarni lub młocarni.
Dodaj komentarz